ನವದೆಹಲಿ: ಕೊರೊನಾದಿಂದ ದೇಶದಲ್ಲಿ ಏಪ್ರಿಲ್ 15ರ ವೇಳೆಗೆ ಸುಮಾರು 50 ಸಾವಿರ ಮಂದಿ ಸಾವನ್ನಪ್ಪುತ್ತಾರೆ ಎಂದು ಎಚ್ಚರಿಕೆ ನೀಡಿದ ವಿಡಿಯೋ ಎಲ್ಲೆಡೆ ಭೀತಿ ಮೂಡಿಸಿತ್ತು. ಆದರೆ ಈ ವಿಡಿಯೋ ಪ್ರಕಟಿಸಿದ ನಂತರ ವಿಶ್ವ ಆರೋಗ್ಯ ಸಂಸ್ಥೆ ಸ್ಪಷ್ಟನೆ ನೀಡಿದ್ದು, ಇದು ನಕಲಿ. ನಾವು ಈ ಸಂದೇಶ ನೀಡಿಲ್ಲ ಎಂದಿದೆ.
ಕೋವಿಡ್‌ನಿಂದಾಗಿ ಭಾರತದಲ್ಲಿ ಇದುವರೆಗೆ 1,65,547 ಸಾವುನೋವುಗಳು ಸಂಭವಿಸಿದೆ. ಇದು ವಿಶ್ವದ ನಾಲ್ಕನೇ ಅತಿದೊಡ್ಡ ಸಾವಿನ ಸಂಖ್ಯೆ. ಕೋವಿಡ್‌ ವಲ್ಡ್ ಮೀಟರ್ ಸಂಗ್ರಹಿಸಿದ ಮಾಹಿತಿಯ ಪ್ರಕಾರ, ಯುಎಸ್, ಬ್ರೆಜಿಲ್ ಮತ್ತು ಮೆಕ್ಸಿಕೊ ವಿಶ್ವದ ಒಟ್ಟು ಸಾವಿನ ಸಂಖ್ಯೆಗೆ ಅನುಗುಣವಾಗಿ ಕ್ರಮವಾಗಿ ಮೊದಲ, ಎರಡನೆಯ ಮತ್ತು ಮೂರನೇ ಸ್ಥಾನಗಳನ್ನು ಹೊಂದಿವೆ.
