ರಾಜಸ್ಥಾನದ ನಿರುದ್ಯೋಗಿ ಯುವಕರಿಂದ ಅಹಮದಾಬಾದ್​ನಲ್ಲಿ ಪ್ರತಿಭಟನೆ..

ರಾಜಸ್ಥಾನ ಮೂಲದ ನಿರುದ್ಯೋಗಿ ಯುವಕರು ಇಂದು ಅಹಮದಾಬಾದ್​ನ ಕಾಂಗ್ರೆಸ್ ಭವನದ ಮುಂದೆ ಪ್ರತಿಭಟನೆ ನಡೆಸಿದ್ದಾರೆ​​.

ಅಹ್ಮದಾಬಾದ್: ರಾಜಸ್ಥಾನದ ನಿರುದ್ಯೋಗಿ ಯುವಕರು​ ನಗರದ ಕಾಂಗ್ರೆಸ್ ಭವನದ ಮುಂದೆ ರಾಜಸ್ಥಾನ ಮುಖ್ಯಂತ್ರಿ ಅಶೋಕ್​ ಗೆಹ್ಲೋಟ್​ ವಿರುದ್ಧ ಘೋಷಣೆ ಕೂಗಿ ಪ್ರತಿಭಟನೆ ಮಾಡಿದ್ದಾರೆ. ​

ಸುಮಾರು 200ಕ್ಕೂ ಹೆಚ್ಚು ಯುವಕರು ಉದ್ಯೋಗ ಸಿಗದ ಹಿನ್ನೆಲೆ ರಾಜಸ್ಥಾನದಿಂದ ಅಹ್ಮದಾಬಾದ್​ ವರೆಗೆ ದಂಡಿಯಾತ್ರೆ ಮಾಡಿ ನಗರದ ಕಾಂಗ್ರೆಸ್​​ ಭವನದ ಮುಂದೆ ಸಿಎಂ ವಿರುದ್ದ ಘೋಷಣೆ ಕೂಗಿ ಪ್ರತಿಭಟನೆ ನಡೆಸಿದ್ದಾರೆ. ಬಳಿಕ ಯುವಕರು ಕಾಂಗ್ರೆಸ್​​ ಭವನ ಮುತ್ತಿಗೆ ಹಾಕಿದ್ದಾರೆ. ಕೂಡಲೇ ಪ್ರತಿಭಟನಾಕಾರರನ್ನ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ರಾಜಸ್ಥಾನದ 33 ಜಿಲ್ಲೆಗಳಿಂದ ಯುವಕರು ದಂಡಿಯಾತ್ರೆ ಮೂಲಕ ಅಹಮದಾಬಾದ್​​​ಗೆ ಬಂದಿದ್ದಾರೆ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ: ಮಂಡ್ಯ: ಟ್ರ್ಯಾಕ್ಟರ್, ಜಾನುವಾರುಗಳೊಂದಿಗೆ ರಸ್ತೆಗಿಳಿದು ರೈತರ ಪ್ರತಿಭಟನೆ