ನವದೆಹಲಿ: ಹೆರಾಯಿನ್ ಹೊಂದಿದ್ದ ಕ್ಯಾಪ್ಸುಲ್ಗಳನ್ನು ನುಂಗಿ ಕಳ್ಳಸಾಗಣೆ ಮಾಡಲು ಯತ್ನಿಸಿದ ಉಗಾಂಡಾದ ಪ್ರಜೆಯನ್ನು ದೆಹಲಿಯ ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ಬಂಧಿಸಿದ್ದಾರೆ.
ಆರೋಪಿಯನ್ನು ರಾಬರ್ಟ್ ಸೆಂಗೊಂಜಿ ಎಂದು ಗುರುತಿಸಲಾಗಿದೆ. ರಾಬರ್ಟ್ ಇಂದಿರಾಗಾಂಧಿ ವಿಮಾನ ನಿಲ್ದಾಣಕ್ಕೆ ಆಗಮಿಸಿದಾಗ ಅನುಮಾನಗೊಂಡ ಅಧಿಕಾರಿಗಳು ತಪಾಸಣೆ ನಡೆಸಿದಾಗ 30 ಕ್ಯಾಪ್ಸುಲ್ಗಳನ್ನು ನುಂಗಿದ್ದ ಬಗ್ಗೆ ಗೊತ್ತಾಗಿದೆ.
ಬಳಿಕ 18 ಕ್ಯಾಪ್ಸುಲ್ಗಳನ್ನು ನಿಲ್ದಾಣದಲ್ಲಿಯೇ ತೆಗೆಯಲಾಗಿದೆ. ಬಳಿಕ ರಾಮ್ ಮನೋಹರ್ ಲೋಹಿಯಾ ಆಸ್ಪತ್ರೆಯಲ್ಲಿ ದಾಖಲಿಸಿ ಉಳಿದ ಕ್ಯಾಪ್ಸುಲ್ಗಳನ್ನು ಹೊರ ತೆಗೆಯಲಾಗಿದೆ. 30 ಕ್ಯಾಪ್ಸುಲ್ಗಳಿಂದ 380 ಗ್ರಾಂ ಹೆರಾಯಿನ್ ಜಪ್ತಿ ಮಾಡಲಾಗಿದೆ. ಇದು 7 ಕೋಟಿ ರೂಪಾಯಿ ಮೌಲ್ಯದ್ದಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ರಾಬರ್ಟ್ ಸೆಂಗೋಜಿಯನ್ನು ಬಂಧಿಸಿದ ಪೊಲೀಸರು ನ್ಯಾಯಾಲಯದ ಮುಂದೆ ಹಾಜರುಪಡಿಸಿ ಬಳಿಕ ತಿಹಾರ್ ಜೈಲಿಗೆ ದೂಡಲಾಗಿದೆ.
ಓದಿ: ವಿವಾದ: ಗಾಂಧಿ ಟೀಕಿಸಿ, ಗೋಡ್ಸೆ ಹೀರೋ ಮಾಡಿದ ವಿದ್ಯಾರ್ಥಿಗೆ ಪ್ರಥಮ ಬಹುಮಾನ.. ತನಿಖೆಗೆ ಆದೇಶ
