ಚನ್ನೈ: ರಾಜ್ಯದಲ್ಲಿ ಕೋವಿಡ್ ಸೋಂಕಿತರ ಪ್ರಮಾಣವನ್ನು ಕಡಿಮೆ ಮಾಡುವ ಉದ್ದೇಶದಿಂದ ತಮಿಳುನಾಡು ಸರ್ಕಾರ ಮತ್ತೊಂದು ವಾರ ಲಾಕ್ಡೌನ್ ಅನ್ನು ವಿಸ್ತರಿಸಿ ಆದೇಶ ಹೊರಡಿಸಿದೆ. ಕೆಲ ನಿರ್ಬಂಧಗಳನ್ನು ಸಡಿಲಿಸಿ ಲಾಕ್ಡೌನ್ ವಿಸ್ತರಣೆ ಮಾಡಲಾಗಿದೆ.
ತಮಿಳುನಾಡಿನ ಜಿಲ್ಲೆಗಳನ್ನು ಮೂರು ಶ್ರೇಣಿಗಳಾಗಿ ವಿಂಗಡಿಸಲಾಗಿದೆ.
ಶ್ರೇಣಿ -1- ಕೊಯಮತ್ತೂರು, ನೀಲಗಿರೀಸ್, ತಿರುಪ್ಪೂರ್ ಸೇರಿ 11 ಜಿಲ್ಲೆಗಳಲ್ಲಿ ಹಿಂದಿನ ನಿರ್ಬಂಧಗಳೊಂದಿಗೆ ಲಾಕ್ಡೌನ್ ಅನ್ನು ವಿಸ್ತರಿಸಲಾಗಿದೆ.
ಶ್ರೇಣಿ -2 : 23 ಜಿಲ್ಲೆಗಳಲ್ಲಿ ಲಾಕ್ಡೌನ್ ನಿಯಮಗಳನ್ನು ಸಡಿಲಿಕೆ ಮಾಡಲಾಗಿದೆ.
ಶ್ರೇಣಿ -3 ಜಿಲ್ಲೆಗಳು- ಚೆನ್ನೈ, ತಿರುವಳ್ಳೂರು, ಕಾಂಚೀಪುರಂ ಮತ್ತು ಚೆಂಗಲ್ಪಟ್ಟುಗಳಲ್ಲಿ ಶ್ರೇಣಿ 2 ರಲ್ಲಿನ ಜಿಲ್ಲೆಗಳಿಗಿಂತ ಹೆಚ್ಚು ಲಾಕ್ಡೌನ್ ನಿಯಮಗಳನ್ನು ಸಡಿಲಿಕೆ ಮಾಡಲಾಗಿದೆ.
ಶ್ರೇಣಿ -3 ಜಿಲ್ಲೆಗಳಲ್ಲಿ ಶೇ. 50 ರಷ್ಟು ಸಾರ್ವಜನಿಕ ಸಾರಿಗೆ ಕಾರ್ಯನಿರ್ವಹಿಸಲು ಅವಕಾಶ ನೀಡಲಾಗಿದೆ. ಈ ಜಿಲ್ಲೆಗಳಲ್ಲಿ 100 ಜನರೊಂದಿಗೆ ಸಿನಿಮಾ ಶೂಟಿಂಗ್ ಮತ್ತು ಟಿವಿ ಸೀರಿಯಲ್ಸ್ ಶೂಟಿಂಗ್‌ಗೆ ಅವಕಾಶ ನೀಡಲಾಗುವುದು. ಆದರೆ, ಕಲಾವಿದರು ಆರ್‌ಟಿ ಪಿಸಿಆರ್ ಪರೀಕ್ಷೆ ಮಾಡಿಸಿಕೊಳ್ಳುವುದು ಕಡ್ಡಾಯ.
- ತರಕಾರಿ, ಹಣ್ಣು, ದಿನಸಿ, ಚಿಕನ್ ಸೆಂಟರ್ಗಳು ಸಂಜೆ 7 ರವರೆಗೆ ತೆರೆದಿರಬಹುದು.
- ಜಿಲ್ಲೆಗಳಲ್ಲಿ ಶೇ. 50 ರಷ್ಟು ಪ್ರಯಾಣಿಕರೊಂದಿಗೆ ಬಸ್ ಸಂಚಾರಕ್ಕೆ ಅವಕಾಶ
- ಚೆನ್ನೈನಲ್ಲಿ ಮೆಟ್ರೋ ರೈಲುಗಳು ತಮ್ಮ ಸಾಮರ್ಥ್ಯದ ಶೇ. 50 ರಷ್ಟು ಪ್ರಯಾಣಿಕರೊಂದಿಗೆ ಕಾರ್ಯ ನಿರ್ವಹಿಸಬಹುದು.
- ಎಲ್ಲಾ ಅಗತ್ಯ ಸರ್ಕಾರಿ ಕ್ಷೇತ್ರಗಳು 100% ಸಿಬ್ಬಂದಿಯೊಂದಿಗೆ ಕಾರ್ಯನಿರ್ವಹಿಸಬಹುದು. ಇತರ ಸರ್ಕಾರಿ ಕಚೇರಿಗಳು 50% ಸಿಬ್ಬಂದಿ ಯೊಂದಿಗೆ ಕಾರ್ಯನಿರ್ವಹಿಸಬಹುದು.
- ಇ-ಕಾಮರ್ಸ್ ಬೆಳಿಗ್ಗೆ 6 ರಿಂದ ರಾತ್ರಿ 9 ರವರೆಗೆ ಕಾರ್ಯನಿರ್ವಹಿಸಲು ಅವಕಾಶ ನೀಡಲಾಗಿದೆ.
- ಪೂರ್ವ ಅನುಮತಿಯೊಂದಿಗೆ ವಾರಕ್ಕೊಮ್ಮೆ ನಿರ್ವಹಣಾ ಕಾರ್ಯಗಳನ್ನು ಕೈಗೊಳ್ಳಲು ಚಿತ್ರಮಂದಿರಗಳಿಗೆ ಅನುಮತಿ ನೀಡಲಾಗುವುದು.
- ಎಲೆಕ್ಟ್ರಿಕಲ್ ವಸ್ತುಗಳು, ಹಾರ್ಡ್‌ವೇರ್ ಮಳಿಗೆಗಳು, ವಾಹನ ಮಳಿಗೆಗಳು, ಸ್ಟೇಷನರೀಸ್ ಅಂಗಡಿಗಳು, ವಾಹನ ಬಿಡಿಭಾಗ ಮಾರಾಟ ಅಂಗಡಿಗಳು, ಫುಟ್ವೇರ್ ಅಂಗಡಿಗಳು, ಗೃಹೋಪಯೋಗಿ ಉಪಕರಣಗಳು ಮತ್ತು ಸ್ಮಾರ್ಟ್‌ಫೋನ್ ಮಾರಾಟ ಅಂಗಡಿಗಳನ್ನು ಬೆಳಗ್ಗೆ 9 ರಿಂದ ಸಂಜೆ 5 ರವರೆಗೆ ತೆರೆಯಬಹುದು.
- ಶ್ರೇಣಿ -1 ಮತ್ತು ಶ್ರೇಣಿ -2 ಜಿಲ್ಲೆಗಳಲ್ಲಿ ಗರಿಷ್ಠ 50 ಜನರೊಂದಿಗೆ ಮದುವೆ ಮತ್ತು ಇನ್ನಿತರ ಸಮಾರಂಭಗಳನ್ನು ಮಾಡಬಹುದು, ಆದರೆ ಇ-ನೋಂದಣಿ ಪಡೆದಿರಬೇಕು.
- ಶ್ರೇಣಿ 3 ಜಿಲ್ಲೆಗಳಲ್ಲಿ, ಇ - ನೋಂದಣಿ ಇಲ್ಲದೆ ಜನರಿಗೆ ಟ್ಯಾಕ್ಸಿಗಳು ಮತ್ತು ಆಟೋಗಳಲ್ಲಿ ಪ್ರಯಾಣಿಸಲು ಅನುಮತಿ ಇದೆ.
