ಚಿತ್ರಕೂಟ್​​​ ಜೈಲಿನಲ್ಲಿ ಗ್ಯಾಂಗ್​ವಾರ್​: ಮೂವರು ಕೈದಿಗಳು ಗುಂಡೇಟಿಗೆ ಬಲಿ

ಘಟನೆಯಲ್ಲಿ ಸಾವನ್ನಪ್ಪಿರುವ ಮಿರಾಜುದ್ದೀನ್ ಬಹುಜನ್ ಸಮಾಜ್ ವಾದಿ ಪಕ್ಷದ ಶಾಸಕ ಮುಖ್ತಾರ್ ಅನ್ಸಾರಿಯ ಆಪ್ತ ಎಂದು ತಿಳಿದು ಬಂದಿದೆ. ಘಟನೆ ಸಂಬಂಧ ಪ್ರತಿಕ್ರಿಯಿಸಿರುವ ಚಿತ್ರಕೂಟ್ ಎಸ್​ಪಿ, ಜೈಲಿನೊಳಗೆ ದೇಶಿಯ ನಿರ್ಮಿತ ಪಿಸ್ತೂಲ್ ಹೇಗೆ ಬಂದಿತು ಎಂಬುದರ ಕುರಿತು ತನಿಖೆ ನಡೆಸಲಾಗುವುದು ಎಂದಿದ್ದಾರೆ.

ಚಿತ್ರಕೂಟ್​ (ಉತ್ತರ ಪ್ರದೇಶ): ಉತ್ತರ ಪ್ರದೇಶದ ಹೈ - ಸೆಕ್ಯುರಿಟಿ ಚಿತ್ರಕೂಟ್​​ ಜೈಲಿನೊಳಗೆ ನಡೆದ ಕೈದಿಗಳ ನಡುವಿನ ಗ್ಯಾಂಗ್​ವಾರ್​ನಲ್ಲಿ ಮೂವರು ಕೈದಿಗಳು ಸಾವನ್ನಪ್ಪಿದ್ದಾರೆ.

ಗ್ಯಾಂಗ್​ಸ್ಟರ್ ಅನ್ಶ್ಯುಲ್ ದೀಕ್ಷಿತ್ ಎಂಬಾತ ಮುಖೀಮ್ ಕಲಾ ಎಂಬ ಕೈದಿಯ ಮೇಲೆ ಗುಂಡುಹಾರಿಸಿದ್ದು, ಆತ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. ಈ ವೇಳೆ ಮತ್ತೋರ್ವ ಕೈದಿ ಮಿರಾಜುದ್ದೀನ್ ಕೂಡ ಗುಂಡೇಟಿಗೆ ಬಲಿಯಾಗಿದ್ದಾನೆ. ಘಟನೆ ವೇಳೆ, ಪೊಲೀಸರು ದೀಕ್ಷಿತ್​ಗೆ ಶರಣಾಗುವಂತೆ ಕೇಳಿಕೊಂಡರು ನಿರಾಕರಿಸಿದ್ದರಿಂದ ಕೊನೆಗೆ ಪೊಲೀಸರು ದೀಕ್ಷಿತ್​ಗೂ ಗುಂಡು ಹಾರಿಸಿದ್ದಾರೆ.

ಘಟನೆಯಲ್ಲಿ ಸಾವನಪ್ಪಿರುವ ಮಿರಾಜುದ್ದೀನ್ ಬಹುಜನ ಸಮಾಜವಾದಿ ಪಕ್ಷದ ಶಾಸಕ ಮುಖ್ತಾರ್ ಅನ್ಸಾರಿಯ ಆಪ್ತ ಎಂದು ತಿಳಿದು ಬಂದಿದೆ. ಘಟನೆ ಸಂಬಂಧ ಪ್ರತಿಕ್ರಿಯಿಸಿರುವ ಚಿತ್ರಕೂಟ್ ಎಸ್​ಪಿ, ಜೈಲಿನೊಳಗೆ ದೇಶಿಯ ನಿರ್ಮಿತ ಪಿಸ್ತೂಲ್ ಹೇಗೆ ಬಂದಿತು ಎಂಬುದರ ಕುರಿತು ತನಿಖೆ ನಡೆಸಲಾಗುವುದು ಎಂದಿದ್ದಾರೆ.

ಚಿತ್ರಕೂಡ್​ ಜೈಲಿನಲ್ಲಿ ಈ ರೀತಿಯ ಗ್ಯಾಂಗ್​ ವಾರ್ ಇದಕ್ಕೂ ಮೊದಲೊಮ್ಮೆ ಸಂಭವಿಸಿತ್ತು. ಜುಲೈ 2018ರಲ್ಲಿ ದರೋಡೆಕೋರ ಮುನ್ನಾ ಭಜರಂಗಿ ಬಾಗಪತ್​ ಜೈಲಿನಲ್ಲಿದ್ದ ಕೈದಿ ಸುನೀಲ್ ರತಿ ಎಂಬಾತನನ್ನು ಗುಂಡಿಕ್ಕಿ ಕೊಂದಿದ್ದ.

ಇದನ್ನೂ ಓದಿ: ಮಹಾರಾಷ್ಟ್ರದಲ್ಲಿ ಬ್ಲ್ಯಾಕ್‌ ಫಂಗಸ್​ಗೆ 52 ಮಂದಿ ಬಲಿ!