ದೇಶದಲ್ಲಿ ಮತ್ತೆ 9 ಒಮಿಕ್ರಾನ್​ ಕೇಸ್​ ಪತ್ತೆ: ಸೋಂಕಿತರ ಸಂಖ್ಯೆ 32ಕ್ಕೆ ಏರಿಕೆ

ಇಂದು ಮಹಾರಾಷ್ಟ್ರದಲ್ಲಿ ಏಳು ಹಾಗೂ ಗುಜರಾತಿನಲ್ಲಿ ಎರಡು ಒಮಿಕ್ರಾನ್​ ಪ್ರಕಣಗಳು ಪತ್ತೆಯಾಗಿವೆ. ಈ ಮೂಲಕ ಭಾರತದಲ್ಲಿ ಹೊಸ ರೂಪಾಂತರಿ ಕೇಸ್​ಗಳ ಸಂಖ್ಯೆ 32ಕ್ಕೆ ಏರಿಕೆಯಾಗಿದೆ.

ಮುಂಬೈ: ಇಂದು ಮತ್ತೆ ಮಹಾರಾಷ್ಟ್ರದಲ್ಲಿ ಏಳು ಹಾಗೂ ಗುಜರಾತಿನಲ್ಲಿ ಎರಡು ಒಮಿಕ್ರಾನ್​ ಪ್ರಕಣಗಳು ಪತ್ತೆಯಾಗಿದ್ದು, ಈ ಮೂಲಕ ಭಾರತದಲ್ಲಿ ಹೊಸ ರೂಪಾಂತರಿ ಕೇಸ್​ಗಳ ಸಂಖ್ಯೆ 32ಕ್ಕೆ ಏರಿಕೆಯಾಗಿದೆ.

ಮಹಾರಾಷ್ಟ್ರದಲ್ಲಿ ಮತ್ತೆ ಹೊಸದಾಗಿ 7 ಒಮಿಕ್ರಾನ್​ ಪ್ರಕರಣಗಳು ವರದಿಯಾಗಿವೆ. ಅದರಲ್ಲಿ ಮುಂಬೈನಲ್ಲಿ 3 ಹಾಗೂ ಪಿಂಪ್ರಿ ಚಿಂಚ್‌ವಾಡ್ ಮುನ್ಸಿಪಲ್ ಕಾರ್ಪೊರೇಶನ್​ನಲ್ಲಿ 4 ಹೊಸ ಪ್ರಕರಣಗಳು ಪತ್ತೆಯಾಗಿವೆ. ಈ ಮೂಲಕ ಮಹಾರಾಷ್ಟ್ರದಲ್ಲಿ ಒಮಿಕ್ರಾನ್​ ಸೋಂಕಿತರ ಸಂಖ್ಯೆ 17ಕ್ಕೆ ಏರಿಕೆಯಾಗಿದೆ.

• Maharashtra reports 7 new cases of Omicron- 3 from Mumbai and 4 from Pimpri Chinchwad Municipal Corporation; total Omicron cases in the state at 17 now: Maharashtra Health Department

  — ANI (@ANI) December 10, 2021 " class="align-text-top noRightClick twitterSection" data="

  Maharashtra reports 7 new cases of Omicron- 3 from Mumbai and 4 from Pimpri Chinchwad Municipal Corporation; total Omicron cases in the state at 17 now: Maharashtra Health Department

  — ANI (@ANI) December 10, 2021

  ">

  Maharashtra reports 7 new cases of Omicron- 3 from Mumbai and 4 from Pimpri Chinchwad Municipal Corporation; total Omicron cases in the state at 17 now: Maharashtra Health Department

  — ANI (@ANI) December 10, 2021

ಇತ್ತ ಗುಜರಾತಿನಲ್ಲಿ ಎರಡು ಒಮಿಕ್ರಾನ್​ ಪ್ರಕರಣಗಳು ವರದಿಯಾಗಿವೆ. ಈ ಹಿಂದೆ ಡಿಸೆಂಬರ್​ 04 ರಂದು ದಕ್ಷಿಣ ಆಫ್ರಿಕಾದಿಂದ ಜಾಮ್​​ನಗರಕ್ಕೆ ಬಂದಿದ್ದ 72 ವರ್ಷದ ವೃದ್ಧನ ಪತ್ನಿ ಮತ್ತು ಸೋದರ ಮಾವನಿಗೆ ಸೋಂಕು ದೃಢಪಟ್ಟಿದೆ.

'ಒಮಿಕ್ರಾನ್ ಸೋಂಕಿತ ವೃದ್ಧನ ಪತ್ನಿ ಮತ್ತು ಸೋದರ ಮಾವನಿಗೆ ಕೊರೊನಾ ಪಾಸಿಟಿವ್ ಬಂದ ತಕ್ಷಣ ಅವರ ಮಾದರಿಗಳನ್ನು ಗಾಂಧಿನಗರಕ್ಕೆ ಕಳುಹಿಸಲಾಗಿತ್ತು. ಆಗ ಇಬ್ಬರಿಗೂ ಒಮಿಕ್ರಾನ್​​ ಸೋಂಕು ತಗುಲಿರುವುದು ದೃಢಪಟ್ಟಿದೆ' ಎಂದು ಜಾಮ್‌ನಗರ ಕಮಿಷನರ್ ವಿಜಯ್ ಖಾರಾಡಿ ಈಟಿವಿ ಭಾರತಕ್ಕೆ ಮಾಹಿತಿ ನೀಡಿದ್ದಾರೆ. ಈ ಮೂಲಕ ಗುಜರಾತಿನಲ್ಲಿ ಒಮಿಕ್ರಾನ್ ಪ್ರಕರಣಗಳ ಸಂಖ್ಯೆ 03ಕ್ಕೆ ಏರಿಕೆಯಾಗಿದೆ.