ಕೋಟಾ(ರಾಜಸ್ಥಾನ): ಭಾರತ-ವೆಸ್ಟ್ ಇಂಡೀಸ್ ತಂಡಗಳ ನಡುವೆ ನಡೆದ ಏಕದಿನ ಕ್ರಿಕೆಟ್ ಪಂದ್ಯದ ವೇಳೆ ಬೆಟ್ಟಿಂಗ್ ನಡೆಸುತ್ತಿದ್ದ ಮೂವರು ಬುಕ್ಕಿಗಳ ಬಂಧನ ಮಾಡುವಲ್ಲಿ ಕೋಟಾ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಕೋಟಾದ ಆರ್ಕೆ ಪುರಂನಲ್ಲಿ ಜನವರಿ 9ರಂದು ಆಯೋಜನೆಗೊಂಡಿದ್ದ ಭಾರತ-ವೆಸ್ಟ್ ಇಂಡೀಸ್ ತಂಡಗಳ ನಡುವಿನ ಕ್ರಿಕೆಟ್ ಪಂದ್ಯದ ವೇಳೆ ಬೆಟ್ಟಿಂಗ್ ನಡೆಸಲಾಗುತ್ತಿತ್ತು. ಖಚಿತ ಮಾಹಿತಿ ಪಡೆದುಕೊಂಡು ದಾಳಿ ನಡೆಸಿರುವ ಪೊಲೀಸರು ಮೂವರು ಆರೋಪಿಗಳ ಬಂಧನ ಮಾಡಿದ್ದಾರೆ.
ಆರೋಪಿಗಳಿಂದ 2 ಸಾವಿರ ರೂ. ನಗದು, ಲ್ಯಾಪ್ಟಾಪ್, 20 ಮೊಬೈಲ್, ಎಲ್ಇಡಿ ಟಿವಿ, ಸೆಟ್ ಟಾಪ್ ಬಾಕ್ಸ್, ಕಾಲ್ ರೆಕಾರ್ಡರ್ ಮತ್ತು ಬೆಟ್ಟಿಂಗ್ಗಾಗಿ ಬಳಕೆ ಮಾಡಿರುವ ಇತರೆ ಸಾಧನ ವಶಕ್ಕೆ ಪಡೆದುಕೊಂಡಿದ್ದಾರೆ. ಇದರ ಜೊತೆಗೆ ಬಂಧಿತ ಆರೋಪಿಗಳಿಂದ 5.70 ಕೋಟಿ ರೂ.ಗಳ ಮಾಹಿತಿ ಕಲೆ ಹಾಕಿದ್ದಾರೆ.
ಬಂಧಿತ ಆರೋಪಿಗಳನ್ನ ಬಜರಂಗನಗರ ನಿವಾಸಿ ಜೈಪ್ರಕಾಶ್ ಅರೋರ(45), ದುರ್ಗಾನಗರ ಕುನ್ಹಾಡಿ ನಿವಾಸಿ ರವಿಕುಮಾರ್ ಸಿಂಧಿ(38) ಮತ್ತು ವಿಜ್ಞಾನನಗರದ ಗಣೇಶನಗರ ನಿವಾಸಿ ಕುಲದೀಪ್ ಮೀನಾ (42) ಎಂದು ಗುರುತಿಸಲಾಗಿದೆ. ಆರೋಪಿಗಳು ಪೊಲೀಸರಿಂದ ತಪ್ಪಿಸಿಕೊಳ್ಳಲು ಮೇಲಿಂದ ಮೇಲೆ ತಮ್ಮ ಸ್ಥಳ ಬದಲಾವಣೆ ಮಾಡ್ತಿದ್ದರು. ನಗರದ ಹೊರವಲಯದಲ್ಲಿ ಬಾಡಿಗೆ ಪಡೆದು ಬೆಟ್ಟಿಂಗ್ ದಂಧೆ ನಡೆಸುತ್ತಿದ್ದರು.
