ದುಬೈ: ಅದೃಷ್ಟ ಒಲಿದರೆ ರಾತ್ರೋರಾತ್ರಿ ಮನುಷ್ಯ ಸಿರಿವಂತನಾಗಬಹುದು ಎಂಬುದಕ್ಕೆ ದುಬೈನ ಕಂಪನಿಯಲ್ಲಿ ಚಾಲಕನಾಗಿರುವ ತೆಲಂಗಾಣದ ಈ ವ್ಯಕ್ತಿಯೇ ಸಾಕ್ಷಿ. ಎಮಿರೇಟ್ಸ್ ಲಕ್ಕಿ ಡ್ರಾದಲ್ಲಿ 15 ಮಿಲಿಯನ್ ದಿರ್ಹಂ ಅಂದರೆ 30 ಕೋಟಿ ರೂಪಾಯಿ ಬಹುಮಾನ ಗಿಟ್ಟಿಸಿಕೊಂಡು ದಿಢೀರ್ ಕೋಟ್ಯಧಿಪತಿಯಾಗಿದ್ದಾನೆ.
ಕಂಪನಿಯೊಂದರಲ್ಲಿ ಕ್ಯಾಬ್ ಚಾಲಕನಾಗಿ ಕೆಲಸ ಮಾಡುತ್ತಿರುವ ತೆಲಂಗಾಂಣದ ಜಗ್ತಿಯಾಲ್ ಜಿಲ್ಲೆಯ ತುಂಗೂರಿನವರಾದ ಅಜಯ್, 30 ದಿರ್ಹಂ ನೀಡಿ 2 ಲಾಟರಿ ಟಿಕೆಟ್ ಖರೀದಿ ಮಾಡಿದ್ದರು. ಇದರಲ್ಲಿ ಒಂದಕ್ಕೆ 30 ಕೋಟಿ ರೂಪಾಯಿ ಲಾಟರಿ ಬಂದಿದೆ. ಇದನ್ನು ತಿಳಿದ ಆತನಿಗೆ ಇನ್ನಿಲ್ಲದ ಸಂತೋಷವಾಗಿದೆ. ಸಂಬಳವಾಗಿ ಆತ ಮಾಸಿಕವಾಗಿ 3,200 ದಿರ್ಹಂ ಪಡೆಯುತ್ತಿದ್ದಾನೆ.
ಬಂಪರ್ ಲಾಟರಿ ಪಡೆದ ಬಳಿಕ ಪ್ರತಿಕ್ರಿಯಿಸಿದ ಅಜಯ್, ಜಾಕ್ಪಾಟ್ ಹೊಡೆದಿದ್ದು, ನನಗೇ ನಂಬಲಾಗುತ್ತಿಲ್ಲ. ಬಂದ ಹಣದಲ್ಲಿ ನಾನು ಒಂದಿಷ್ಟು ಭಾಗ ಕುಟುಂಬಕ್ಕಾಗಿ ಖರ್ಚು ಮಾಡುವೆ. ಉಳಿದ ಹಣವನ್ನು ಚಾರಿಟಿ ಟ್ರಸ್ಟ್ ಆರಂಭಿಸುವೆ ಎಂದು ಹೇಳಿದ್ದಾರೆ.
ಓದಿ: ವೈವಿಧ್ಯಮಯ ಹೂಡಿಕೆಗಳೊಂದಿಗೆ ನಿಮ್ಮ ಮಗಳ ಭವಿಷ್ಯ ಹೇಗೆ ರೂಪಿಸಬಹುದು.. ಇಲ್ಲಿದೆ ಒಂದಿಷ್ಟು ಮಾಹಿತಿ!
