ಸಮಸ್ಯೆ ಬಗೆಹರಿಸುವುದಾಗಿ ಸುಳ್ಳು ಹೇಳಿ ಅತ್ಯಾಚಾರ ಎಸಗಿದ ಎಸ್​ಐ

ಕೌಟುಂಬಿಕ ವಿವಾದ ಸರಿಪಡಿಸುತ್ತೇನೆ ಎಂದು ಸುಳ್ಳು ಭರವಸೆ ನೀಡಿ, ಪೊಲೀಸ್​ ಠಾಣೆಯಲ್ಲಿ ಮಹಿಳೆಯ ಮೇಲೆ ಸಬ್ ಇನ್ಸ್​ಪೆಕ್ಟರ್​ ಅತ್ಯಾಚಾರ ಎಸಗಿರುವ ಆರೋಪ ವ್ಯಕ್ತವಾಗಿದೆ.

ಅಲ್ವಾರ್ (ರಾಜಸ್ಥಾನ): ಖೇಡ್ಲಿ ಪೊಲೀಸ್​ ಠಾಣಾ ಸಬ್ ಇನ್ಸ್‌ಪೆಕ್ಟರ್ ಮಹಿಳೆಯ ಮೇಲೆ ಅತ್ಯಾಚಾರ ಎಸಗಿದ್ದಾರೆ ಎಂದು ಆರೋಪಿಸಲಾಗಿದೆ. ಸದ್ಯ ಆರೋಪಿ ಭರತ್​ ಸಿಂಗ್​ನನ್ನು ಬಂಧಿಸಲಾಗಿದೆ.

ಕೌಟುಂಬಿಕ ವಿವಾದದಿಂದ ವಿಚ್ಚೇದನ ಪಡೆಯುವ ಸಲುವಾಗಿ ಸಹಾಯ ಮಾಡುವಂತೆ ಸಂತ್ರಸ್ತೆ ಠಾಣೆಗೆ ಆಗಮಿಸಿದ್ದಾಳೆ. ಆದರೆ, ಸಮಸ್ಯೆ ಬಗೆಹರಿಸುತ್ತೇನೆ ಎಂದು ಸುಳ್ಳು ಹೇಳಿ ಪೊಲೀಸ್​ ಠಾಣೆಯಲ್ಲೇ ಅತ್ಯಾಚಾರ ಮಾಡಿದ್ದಾನೆ.

ಇದನ್ನು ಓದಿ: ಹತ್ತು ದಿನದಲ್ಲಿ ಸಿಹಿ ಸುದ್ದಿ ನೀಡ್ತಾರಂತೆ ಮೊಹಮ್ಮದ್ ನಲಪಾಡ್!

ಕೌಟುಂಬಿಕ ವಿವಾದದಿಂದಾಗಿ ಮಾರ್ಚ್ 2ರಂದು ಪೊಲೀಸರ ಸಹಾಯ ಪಡೆಯಲು ಬಂದಿದ್ದೇನೆ. ಈ ವೇಳೆ, ಸಬ್ ಇನ್ಸ್‌ಪೆಕ್ಟರ್ ಭರತ್ ಸಿಂಗ್ ಸಹಾಯ ಮಾಡುತ್ತೇನೆ ಎಂದು ಸುಳ್ಳು ಭರವಸೆ ನೀಡಿ ಪೊಲೀಸ್ ಠಾಣೆಯ ಆವರಣದಲ್ಲಿರುವ ಕೋಣೆಯಲ್ಲಿ ಅತ್ಯಾಚಾರ ಎಸಗಿದ್ದಾನೆ. ಮಾರ್ಚ್ 2,3 ಮತ್ತು 4 ರಂದು ಆರೋಪಿ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು ಸಂತ್ರಸ್ತೆ ತನ್ನ ವರದಿಯಲ್ಲಿ ತಿಳಿಸಿದ್ದಾರೆ.

ಜೈಪುರ ಐಜಿ ಹವಾ ಸಿಂಗ್ ಘುಮರಿಯಾ ಮತ್ತು ಅಲ್ವಾರ್ ಎಸ್​ಪಿ ತೇಜಸ್ವಿನಿ ಗೌತಮ್ ಅವರು ಪ್ರಕರಣ ದಾಖಲಿಸಿಕೊಂಡು ಆರೋಪಿಯನ್ನು ಬಂಧಿಸಿದ್ದಾರೆ.