ಸಂಬಲ್ಪುರ(ಒಡಿಶಾ): ಒಡಿಶಾ ಹೈಕೋರ್ಟ್ನ ಶಾಶ್ವತ ಪೀಠಕ್ಕೆ ಆಗ್ರಹಿಸಿ ವಕೀಲರು ಇಲ್ಲಿನ ಸಂಬಲ್ಪುರ ಪಟ್ಟಣದ ಕಚೇರಿ ಚಕ್ನಲ್ಲಿ ಪ್ರತಿಭಟನೆ ನಡೆಸಿದ್ದಾರೆ. ಪ್ರತಿಭಟನೆ ತೀವ್ರ ಸ್ವರೂಪ ಪಡೆದು, ಬ್ಯಾರಿಕೇಡ್ಗಳನ್ನು ಮುರಿದ ವಕೀಲರು ಆಕ್ರೋಶ ವ್ಯಕ್ತಪಡಿಸಿದರು. ಪರವಾನಗಿ ಅಮಾನತು ಮಾಡಿ ಅಥವಾ ನಮ್ಮನ್ನು ಬಂಧಿಸಿ. ಆದರೆ ಬೇಡಿಕೆಯಿಂದ ಮಾತ್ರ ನಾವು ಹಿಂದೆ ಸರಿಯುವುದಿಲ್ಲ ಎಂದು ಪಟ್ಟು ಹಿಡಿದರು.
ಒಡಿಶಾದ ಹಲವೆಡೆ ಆಂದೋಲನ ನಡೆಸುತ್ತಿರುವ ವಕೀಲರ ಪರವಾನಗಿಯನ್ನು ಅಮಾನತುಗೊಳಿಸುವಂತೆ ಭಾರತೀಯ ಬಾರ್ ಕೌನ್ಸಿಲ್ಗೆ ಸುಪ್ರೀಂ ಕೋರ್ಟ್ ನಿರ್ದೇಶನ ನೀಡಿದೆ. ನ್ಯಾ.ಸಂಜಯ್ ಕೌಲ್ ನೇತೃತ್ವದ ಪೀಠವು, ಪ್ರತಿಭಟನಾನಿರತ ವಕೀಲರಿಂದ ನ್ಯಾಯಾಲಯದ ಕಾರ್ಯನಿರ್ವಹಣೆಗೆ ಅಡ್ಡಿಯಾಗದಂತೆ ಸೂಕ್ತ ವ್ಯವಸ್ಥೆ ಮಾಡುವಂತೆ ಪೊಲೀಸರಿಗೆ ಸೂಚಿಸಿದೆ.
ಇದನ್ನೂ ಓದಿ: ಜಾಮೀನು ಕೋರಿದ ವಂಚಕ ಸುಕೇಶ್ ಪತ್ನಿ: ಪ್ರತಿಕ್ರಿಯೆ ನೀಡುವಂತೆ ಪೊಲೀಸರಿಗೆ ಕೋರ್ಟ್ ಸೂಚನೆ
