ಪಾಲ್ಘರ್(ಮಹಾರಾಷ್ಟ್ರ): ರೈಲು ನಿಲ್ದಾಣದ ಪ್ಲಾಟ್ಫಾರ್ಮ್ನಲ್ಲಿ ಮಲಗಿದ್ದ ಪತ್ನಿಯನ್ನು ಎಬ್ಬಿಸಿ ರೈಲು ಹಳಿ ಮೇಲೆ ತಳ್ಳಿರುವ ಭಯಾನಕ ಘಟನೆ ಮಹಾರಾಷ್ಟ್ರದ ವಸಾಯಿ ರೈಲು ನಿಲ್ದಾಣದಲ್ಲಿ ನಡೆದಿದೆ. ಘಟನೆಯ ಸಂಪೂರ್ಣ ದೃಶ್ಯಾವಳಿ ಅಲ್ಲಿನ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಸೋಮವಾರ ಮುಂಜಾನೆ 4 ಗಂಟೆ ಸುಮಾರಿಗೆ ಈ ಪ್ರಕರಣ ನಡೆದಿದೆ. ಪ್ಲಾಟ್ ಫಾರ್ಮ್ನಲ್ಲಿ ಇಬ್ಬರು ಮಕ್ಕಳೊಂದಿಗೆ ಮಲಗಿದ್ದ ಪತ್ನಿಯನ್ನು ದಿಢೀರ್ ಎಬ್ಬಿಸಿರುವ ಗಂಡ, ಆಕೆಯನ್ನು ರೈಲು ಹಳಿ ಮೇಲೆ ತಳ್ಳಿದ್ದಾನೆ. ಈ ವೇಳೆ ವೇಗವಾಗಿ ಬಂದಿರುವ ಎಕ್ಸ್ಪ್ರೆಸ್ ರೈಲು ಮಹಿಳೆ ಮೇಲೆ ಹರಿದಿದೆ. ಇದರ ಬೆನ್ನಲ್ಲೇ ಇಬ್ಬರು ಮಕ್ಕಳೊಂದಿಗೆ ಮಹಿಳೆಯ ಪತಿ ಪರಾರಿಯಾಗಿದ್ದಾನೆ. ಘಟನೆಯ ಸಂಪೂರ್ಣ ದೃಶ್ಯಾವಳಿ ರೈಲ್ವೆ ನಿಲ್ದಾಣದಲ್ಲಿ ಅಳವಡಿಕೆ ಮಾಡಲಾಗಿದ್ದ ಸಿಸಿಟಿವಿ ಕ್ಯಾಮರಾದಲ್ಲಿ ದಾಖಲಾಗಿದೆ.
ಇದನ್ನೂ ಓದಿ: ಮೂವರು ಹೆಣ್ಣು ಮಕ್ಕಳೊಂದಿಗೆ ತಂದೆ ಆತ್ಮಹತ್ಯೆ: ರೈಲ್ವೆ ಹಳಿ ಮೇಲೆ ಶವ ಪತ್ತೆ
ಮಲಗಿದ್ದ ಹೆಂಡತಿಯನ್ನ ಏಕಾಏಕಿಯಾಗಿ ಎಚ್ಚರ ಮಾಡಿರುವ ಕಾರಣ ನಿದ್ದೆಗಣ್ಣಲ್ಲಿ ಮಹಿಳೆಗೆ ಏನೂ ಗೊತ್ತಾಗಿಲ್ಲ. ಈ ವೇಳೆ ಹೆಂಡತಿಯನ್ನು ರೈಲು ಹಳಿಯ ಪಕ್ಕದಲ್ಲಿ ಕರೆದುಕೊಂಡು ಹೋಗಿ ನಿಂತಿದ್ದು, ಎಕ್ಸ್ಪ್ರೆಸ್ ರೈಲು ಬರುತ್ತಿದ್ದಂತೆ ರಭಸವಾಗಿ ತಳ್ಳಿದ್ದಾನೆ. ಹೆಂಡತಿ ಮೇಲಿನ ಕೋಪದಿಂದಾಗಿ ಆತ ಈ ರೀತಿಯಾಗಿ ನಡೆದುಕೊಂಡಿರುವ ಶಂಕೆ ಇದೆ ಎಂದು ಹೇಳಲಾಗ್ತಿದೆ.
