ಕೋಯಿಕ್ಕೋಡ್ (ಕೇರಳ): ಬೈಕ್ ಮೇಲೆ ಹೋಗುತ್ತಿದ್ದಾಗ ಬಂಡೆಯೊಂದು ದಿಢೀರ್‌ ಅಪ್ಪಳಿಸಿ ಸವಾರನೋರ್ವ ಸ್ಥಳದಲ್ಲೇ ಸಾವನ್ನಪ್ಪಿರುವ ದುರ್ಘಟನೆ ಕೇರಳದ ವಯನಾಡು ಘಾಟ್ನಲ್ಲಿ ನಡೆದಿದೆ. ಬೈಕ್ಗೆ ಬಂಡೆ ಅಪ್ಪಳಿಸುವ ದೃಶ್ಯ ಮತ್ತೊಬ್ಬ ಬೈಕ್ ಸವಾರನ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಬೆಚ್ಚಿ ಬೀಳಿಸುವಂತಿದೆ.
ಮಲಪ್ಪುರಂ ಜಿಲ್ಲೆಯ ವನ್ಡೂರ್ನ ಅಭಿನವ್ (20) ಮೃತ ಸವಾರ. ಬೈಕ್ನಲ್ಲಿದ್ದ ಮತ್ತೋರ್ವ ಅನೀಶ್ ಎಂಬಾತ ಗಾಯಗೊಂಡಿದ್ದಾನೆ. ವಯನಾಡು ಜಿಲ್ಲೆಗೆ ಸಂಪರ್ಕ ಕಲ್ಪಿಸುವ ರಸ್ತೆಯಾಗಿದ್ದು, ಬೈಕ್ನಲ್ಲಿ ವೇಗವಾಗಿ ಹೋಗುತ್ತಿದ್ದಾಗ ತಿರುವಿನಲ್ಲಿ ಬೆಟ್ಟದಿಂದ ಬಂಡೆಕಲ್ಲು ಅಷ್ಟೇ ರಭಸವಾಗಿ ರಸ್ತೆಗುರುಳಿದೆ. ರಸ್ತೆ ಮೇಲೆ ಪುಟಿದು ಬೈಕ್ ಸವಾರನ ತಲೆಗೆ ಅಪ್ಪಳಿಸಿದೆ. ಇದರಿಂದ ಬಂಡೆಯೊಂದಿಗೆ ಬೈಕ್ ಕೂಡ ಕಂದಕಕ್ಕೆ ಬಿತ್ತು.
ಏ.16ರಂದು ಈ ಘಟನೆ ನಡೆದಿದೆ. ಇದೇ ರಸ್ತೆಯನ್ನು ಸಾವಿರಾರು ಜನರು ಬಳಕೆ ಮಾಡುತ್ತಿದ್ದು, ಈ ಘಟನೆಯಿಂದ ಆಘಾತಕ್ಕೊಳಗಾಗಿದ್ದಾರೆ. ವಿಷಯ ತಿಳಿದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಮತ್ತು ಅರಣ್ಯ ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ಪರಿಶೀಲನೆ ನಡೆಸಿದ್ದಾರೆ. ಗಾಯಾಳು ಅನೀಶ್ ಇನ್ನೂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.
ಇದನ್ನೂ ಓದಿ: ಯಾವುದಕ್ಕೂ ಕಡಿಮೆಯಲ್ಲ ಸ್ತ್ರೀ ಶಕ್ತಿ: 200 ಎಕರೆಯಲ್ಲಿ 800 ಮಹಿಳೆಯರ ಸಾಮೂಹಿಕ ಕೃ(ಖು)ಷಿ
