ಹೈದರಾಬಾದ್ (ತೆಲಂಗಾಣ) : ಹಿಂದಿಯ ಬಿಗ್ಬಾಸ್ ಸ್ಪರ್ಧಿಯಾಗಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದ್ದ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಅವರ ಸಹೋದರಿ ಶಮಿತಾ ಶೆಟ್ಟಿ 43ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಗೆಳೆಯ ರಾಕೇಶ್ ಬಾಪಟ್ ಜತೆಗೆ ಜನ್ಮದಿನವನ್ನು ವಿಶೇಷವಾಗಿ ಆಚರಿಸಿಕೊಂಡಿದ್ದಾರೆ.
ಬಿಗ್ಬಾಸ್ನಲ್ಲಿ ಫೇಮ್ ಜೋಡಿಯಾಗಿದ್ದ ಶಮಿತಾ ಮತ್ತು ರಾಕೇಶ್ ಮಧ್ಯೆ ಲವ್ವಿಡವ್ವಿ ಇದೆ ಎಂಬುದು ಜನ್ಮದಿನದ ವೇಳೆ ಬಹಿರಂಗವಾಗಿದೆ. ತನ್ನ ಗೆಳತಿಯ ಜನ್ಮದಿನದ ಹಿನ್ನೆಲೆಯಲ್ಲಿ ರಾಕೇಶ್ ಬಾಪಟ್ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಸರಣಿ ಫೋಟೋಗಳನ್ನು ಹಂಚಿಕೊಂಡು ಶಮಿತಾಗೆ ವಿಶೇಷ ದಿನದ ಶುಭಾಶಯ ಕೋರಿದ್ದಾರೆ. ಅಲ್ಲದೇ 'ಜನ್ಮದಿನದ ಶುಭಾಶಯಗಳು ಮೈ ಲವ್' ಎಂದು ಬರೆದುಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಇದಲ್ಲದೇ ಶಮಿತಾಳ ಅಕ್ಕ ಶಿಲ್ಪಾ ಶೆಟ್ಟಿ ಕೂಡ ತಂಗಿಯ ಜನ್ಮದಿನಕ್ಕೆ ಶುಭ ಹಾರೈಸಿದ್ದಾರೆ. ಶಮಿತಾ, ಶಿಲ್ಪಾ ಇರುವ ಕುಟುಂಬದ ಫೋಟೋವನ್ನು ಹಂಚಿಕೊಂಡಿರುವ ಶಿಲ್ಪಾ ಶೆಟ್ಟಿ, 'ನಾನು ನಿನ್ನನ್ನು ಯಾವಾಗಲೂ ಹೀಗೆಯೇ ನೋಡಲು ಬಯಸುತ್ತೇನೆ. ಜನ್ಮದಿನದ ಶುಭಾಶಯಗಳು ನನ್ನ ಟುಂಕಿ. ಈ ದಿನ ನಿನ್ನೆಲ್ಲಾ ಕನುಸಗಳು ಈಡೇರಲಿ. ನಿನ್ನನ್ನು ನಾನು ತುಂಬಾ ಪ್ರೀತಿಸುತ್ತೇನೆ. ಹಾಗೆಯೇ, ಹೆಮ್ಮ ಪಡುತ್ತೇನೆ' ಎಂದು ಬರೆದುಕೊಂಡಿದ್ದಾರೆ.
ಶಮಿತಾ ಶೆಟ್ಟಿ ಹಿಂದಿ ಬಿಗ್ ಬಾಸ್ನ 15ನೇ ಅವತರಣಿಕೆಯಲ್ಲಿ ಸ್ಪರ್ಧಿಯಾಗಿ ಕಾಣಿಸಿಕೊಂಡು ರಿಯಾಲಿಟಿ ಶೋನ ಟಾಪ್ 5ರಲ್ಲಿ ಸ್ಥಾನ ಪಡೆದು, ನಾಲ್ಕನೇ ಸ್ಪರ್ಧಿಯಾಗಿ ಹೊರಬಿದ್ದಿದ್ದರು.
ಜಾಹೀರಾತು: ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
