ಕೊಟ್ಟಾಯಂ( ಕೇರಳ): ಕೆಲವೇ ದಿನಗಳಲ್ಲಿ ಮಕರ ಸಂಕ್ರಮಣ ಬರಲಿದೆ. ಅನೇಕ ಅಯ್ಯಪ್ಪ ಸ್ವಾಮಿ ಭಕ್ತಾದಿಗಳು ಶಬರಿಮಲೆ ಯಾತ್ರೆ ಕೈಗೊಂಡಿದ್ದಾರೆ. ಹಾಗಾಗಿ ಈ ಶಬರಿಮಲೆ ಯಾತ್ರೆ ಆರಂಭವಾಗುವ ಕೆಲವು ದಿನಗಳ ಮೊದಲೇ ಎರುಮೇಲಿಯ ಮಟ್ಟನೂರ್ಕ್ಕರ ಲಕ್ಷ್ಮವೀಡು ಕಾಲೋನಿಯ ಜನರು ಶಬರಿಮಲೆಗೆ ಸಂಬಂಧಿಸಿದ ವಸ್ತುಗಳ ತಯಾರಿಕೆಯ ಚಟುವಟಿಕೆಯನ್ನು ಬೃಹತ್ ಮಟ್ಟದಲ್ಲಿ ಪ್ರಾರಂಭಿಸಿದ್ದಾರೆ. ಇವರು ಸಿದ್ಧಪಡಿಸುವ ಕೆಂಪು ಬಣ್ಣದ ಕೋಳಿ ಗರಿಗಳು, ಕಪ್ಪು ಬಣ್ಣದ ಎಲೆಗಳು ಮತ್ತು ವಿಶಿಷ್ಟವಾಗಿ ಕೆತ್ತಿದ ಮರದ ತುಂಡುಗಳು ಇಲ್ಲಿನ ಬೀದಿಗಳಲ್ಲಿ ಮಾರಾಟವಾಗುತ್ತವೆ.
ಶಬರಿಮಲೆಗೆ ಆಗಮಿಸುವ ಭಕ್ತಾದಿಗಳು ಅಲ್ಲಿಗೆ ಸಂಬಂಧಿಸಿದ ಬಾಣಗಳು, ಕತ್ತಿಗಳು, ಗದೆಗಳು ಮತ್ತು ಕಪ್ಪು ಬಳ್ಳಿಯಂತಹ ವಸ್ತುಗಳನ್ನು ಹೆಚ್ಚಾಗಿ ಖರೀದಿಸುತ್ತಾರೆ. 90 ಶೇಕಡಾಕ್ಕಿಂತ ಹೆಚ್ಚು ಈ ವಸ್ತುಗಳು ಇದೇ ಮುಸ್ಲಿಂ ಕಾಲೋನಿಯಿಂದ ಬರುತ್ತವೆ.
ವಿಶೇಷವಾಗಿ ಈ ಕಾಲೋನಿಯಲ್ಲಿ ವಾಸಿಸುವ 78 ವರ್ಷದ ಕೋಯಾ ತೆಂಗಮುಟ್ಟಿಲ್ ಅವರು ಈ ವ್ಯಾಪಾರದಲ್ಲಿ ಅತ್ಯಂತ ಹಿರಿಯ ಕುಶಲಕರ್ಮಿಯಾಗಿದ್ದಾರೆ. ಸುಮಾರು ಐದು ದಶಕಗಳಿಂದ ಶಬರಿಮಲೆಗೆ ಸಂಬಂಧಿಸಿದ ವಸ್ತುಗಳನ್ನು ತಯಾರು ಮಾಡುತ್ತಿದ್ದಾರೆ. ನಾವು ಸಿದ್ಧಪಡಿಸಿದ ವಸ್ತುಗಳು ಆಗಿಂದಾಗೇ ಮಾರಾಟವಾಗುತ್ತವೆ ಅನ್ನುತ್ತಾರೆ ಇಲ್ಲಿನ ಹಿರಿಯ ಕುಶಲಕರ್ಮಿಗಳು.
ಹಾಗೆಯೇ ಕಳೆದ ಎರಡು ದಶಕಗಳಲ್ಲಿ ವ್ಯಾಪಾರವು ವೇಗವಾಗಿ ಬೆಳೆದಿದೆ. ಈ ಅವಧಿಯಲ್ಲಿ ವಿಶೇಷವಾಗಿ ನೆರೆಯ ರಾಜ್ಯಗಳಿಂದ ಎರುಮೆಲಿಗೆ ಬರುವ ಭಕ್ತರ ಸಂಖ್ಯೆಯಲ್ಲಿ ಗಣನೀಯ ಏರಿಕೆಯಾಗಿದೆ. ಎರಡು ತಿಂಗಳ ಕಾಲ ನಡೆಯುವ ಮಂಡಲಂ - ಮಕರವಿಳಕ್ಕು ಋತುವಿನಲ್ಲಿ ಮನೆಯಲ್ಲಿ ತಯಾರಿಸಿದ ಸಾಮಗ್ರಿಗಳನ್ನು ಅಂಗಡಿಗಳಿಗೆ ಮಾರಾಟ ಮಾಡಲಾಗುತ್ತದೆ ಎಂದು ಇಲ್ಲಿನ ಕುಶಲಕರ್ಮಿಗಳು ಮಾಹಿತಿ ನೀಡಿದ್ದಾರೆ.
ಈ ಒಂದು ಚಟುವಟಿಕೆಗಾಗಿ, ತೋಟದಲ್ಲಿ ಕೆಲಸ ಮಾಡುವ ಕಾರ್ಮಿಕರು ಪ್ರತಿ ವರ್ಷ ತೀರ್ಥೋದ್ಭವದ ಸಮಯದಲ್ಲಿ ವಸ್ತು ತಯಾರಿಕೆಯಲ್ಲಿ ತೊಡಗುತ್ತಾರೆ. ಈ ಸಮಯದಲ್ಲಿ, ಕಾಲೋನಿಯಲ್ಲಿ ಇದ್ದಿಲು, ಮರದ ಬಾಣಗಳು ಮತ್ತು ಕತ್ತಿಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ತಯಾರಿಸಲಾಗುತ್ತದೆ. ಇಲ್ಲಿರುವ ಎಲ್ಲ ಕುಟುಂಬಗಳು, ಅವರ ಧರ್ಮ ಅಥವಾ ವಯಸ್ಸಿನ ಹೊರತಾಗಿಯೂ, ಈ ಋತುವಿನಲ್ಲಿ ಶಬರಿಮಲೆಗೆ ಸಂಬಂಧಿಸಿದ ವಸ್ತುಗಳನ್ನು ತಯಾರಿಸಲು ಹಗಲಿರುಳು ಶ್ರಮಿಸುತ್ತಾರೆ ಎನ್ನುವುದು ಸಂತಸದ ಸಂಗತಿ.
ಇದನ್ನೂ ಓದಿ:ಬಲವಂತವಾಗಿ ಮತಾಂತರಿಸಿ ಮದುವೆ, ಗ್ಯಾಂಗ್ರೇಪ್: ಯುವತಿಯಿಂದ ದೂರು.. ಪೊಲೀಸರು ಹೇಳುವುದೇನು?
