ಗೋವಾದಲ್ಲಿ ನೇಪಾಳದ ವ್ಯಕ್ತಿಗಳಿಂದ ರಷ್ಯಾ ಮಹಿಳೆ ಮೇಲೆ ಅತ್ಯಾಚಾರ

ಗೋವಾದ ಹೋಟೆಲ್​ವೊಂದರಲ್ಲಿ ಸಿಬ್ಬಂದಿಯಿಂದಲೇ ರಷ್ಯಾದ ಮಹಿಳೆಯ ಮೇಲೆ ಅತ್ಯಾಚಾರ ನಡೆಸಿದ ಘಟನೆ ನಡೆದಿದೆ. ಆರೋಪಿಗಳು ನೇಪಾಳ ಮೂಲದವರಾಗಿದ್ದಾರೆ.

ಪಣಜಿ(ಗೋವಾ): ಕೊರಿಯನ್​ ಯೂಟ್ಯೂಬರ್​ ಮೇಲೆ ಮಹಾರಾಷ್ಟ್ರದಲ್ಲಿ ಲೈಂಗಿಕ ದೌರ್ಜನ್ಯ ಎಸಗಿದ ಪ್ರಕರಣ ಮಾಸುವ ಮುನ್ನವೇ, ಗೋವಾದಲ್ಲಿ ರಷ್ಯಾದ ಮಹಿಳಾ ಪ್ರಜೆಯ ಮೇಲೆ ಇಬ್ಬರು ಅತ್ಯಾಚಾರ ಮಾಡಿದ ಘಟನೆ ಶುಕ್ರವಾರ ನಡೆದಿದೆ. ಆರೋಪಿಗಳು ನೇಪಾಳದವರಾಗಿದ್ದು, ಪೊಲೀಸರು ಅವರನ್ನು ಬಂಧಿಸಿದ್ದಾರೆ.

ಹೋಟೆಲ್​ನಲ್ಲಿ ರೂಮ್ ಬಾಯ್​ಗಳಾಗಿ ಕೆಲಸ ಮಾಡುತ್ತಿದ್ದ ನೇಪಾಳದ ಬರ್ದಿಯಾ ಮೂಲದ ಸಕಿಲ್ ಅನ್ಸಾರಿ ಅಲಿಯಾಸ್ ಸಲ್ಮಾನ್(23) ಮತ್ತು ಸಾಹಿಮುದ್ದೀನ್ ಅನ್ಸಾರಿ (22) ಬಂಧಿತ ಆರೋಪಿಗಳು.

ಭಾರತ ಪ್ರವಾಸದಲ್ಲಿರುವ ರಷ್ಯಾದ ಮಹಿಳೆ ಉತ್ತರ ಗೋವಾದಲ್ಲಿರುವ ಕ್ಯಾಲಂಗುಟ್ ಹೋಟೆಲ್‌ನಲ್ಲಿ ಉಳಿದುಕೊಂಡಿದ್ದರು. ಈ ವೇಳೆ ಸರ್ವೀಸ್​ ನೀಡುವ ನೆಪದಲ್ಲಿ ರೂಮಿನೊಳಗೆ ಪ್ರವೇಶಿಸಿದ ಆರೋಪಿಗಳು ಆಕೆಯ ಜೊತೆಗೆ ಒತ್ತಾಯಪೂರ್ವಕವಾಗಿ ಸಂಭೋಗ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.

ಬಳಿಕ ಮಹಿಳೆ ಇಬ್ಬರ ವಿರುದ್ಧ ಅತ್ಯಾಚಾರ ಕೇಸ್​ ದಾಖಲಿಸಿದ್ದಾರೆ. ಕೇಸ್​ ಪಡೆದ ಗೋವಾ ಪೊಲೀಸರು ಹೋಟೆಲ್​ನ ಇಬ್ಬರು ನೇಪಾಳಿ ಸಿಬ್ಬಂದಿಯನ್ನು ಬಂಧಿಸಿ ಜೈಲಿಗಟ್ಟಿದ್ದಾರೆ.

ಓದಿ: ವಿಡಿಯೋ ಸ್ಟ್ರೀಮಿಂಗ್ ವೇಳೆ ಕೊರಿಯನ್​ ಯುವತಿಯೊಂದಿಗೆ ಅಸಭ್ಯ ವರ್ತನೆ