ಹೈದರಾಬಾದ್(ತೆಲಂಗಾಣ): ಕೊರೊನಾ, ಒಮಿಕ್ರಾನ್ ದೇಶದ ಬಹುತೇಕ ಎಲ್ಲ ವಲಯಗಳ ಮೇಲೆ ಅಡ್ಡ ಪರಿಣಾಮ ಬೀರಿದೆ. ಆದರೆ, ಅಬಕಾರಿ ಇಲಾಖೆ ಮೇಲೆ ಇದರಿಂದ ಯಾವುದೇ ರೀತಿಯ ವ್ಯತರಿಕ್ತ ಪರಿಣಾಮವಾಗಿಲ್ಲ ಎಂಬುದು ಮತ್ತೊಮ್ಮೆ ಸಾಭೀತಾಗಿದೆ. 2021ರ ಡಿಸೆಂಬರ್ 31ರಂದು ತೆಲಂಗಾಣ ರಾಜ್ಯ ದಾಖಲೆಯ ಮಟ್ಟದಲ್ಲಿ ಮದ್ಯ ಮಾರಾಟ ಮಾಡಿದ್ದು, ಬರೋಬ್ಬರಿ 172 ಕೋಟಿ ರೂ. ಅಲ್ಕೊಹಾಲ್ ಸೇಲ್ ಆಗಿದೆ.
ಅಬಕಾರಿ ಇಲಾಖೆ ನೀಡಿರುವ ಮಾಹಿತಿ ಪ್ರಕಾರ 1.76 ಲಕ್ಷ ಬಾಕ್ಸ್, 1.66 ಲಕ್ಷ ಬಿಯರ್ ಮಾರಾಟವಾಗಿದ್ದು, ರಂಗಾರೆಡ್ಡಿಯಲ್ಲೇ 42.26 ಕೋಟಿ ರೂ. ಮೌಲ್ಯದ ಮದ್ಯ, ವಾರಂಗಲ್ನಲ್ಲಿ 24.78 ಕೋಟಿ ಹಾಗೂ ಹೈದರಾಬಾದ್ನಲ್ಲಿ 23.13 ಕೋಟಿ ರೂ. ಮೌಲ್ಯದ ಮದ್ಯ ಮಾರವಾಟವಾಗಿದೆ.
2021ರಲ್ಲಿ ರಂಗಾರೆಡ್ಡಿಯಲ್ಲಿ(ಇಡೀ ವರ್ಷ) 7,673 ಕೋಟಿ ರೂ., ನಲ್ಗೊಂಡ ಜಿಲ್ಲೆಯಲ್ಲಿ 3,289 ಕೋಟಿ ರೂ., ಹೈದರಾಬಾದ್ನಲ್ಲಿ 3,208 ಕೋಟಿ ರೂ. ಮೌಲ್ಯದ ಮದ್ಯ ಸೇಲ್ ಆಗಿದೆ ಎಂಬ ವರದಿ ಬಹಿರಂಗಗೊಂಡಿದೆ.
ಇದನ್ನೂ ಓದಿರಿ: ಮದ್ಯಪ್ರಿಯರಿಗೆ ಕಾಡದ ನೈಟ್ ಕರ್ಫ್ಯೂ : ಕಳೆದ ವರ್ಷಕ್ಕಿಂತಲೂ ಅಧಿಕ ಮಾರಾಟ
ಡಿಸೆಂಬರ್ ತಿಂಗಳಲ್ಲೇ ದಾಖಲೆಯ 3,459 ಕೋಟಿ ರೂ. ಮದ್ಯ ಮಾರಾಟವಾಗಿದ್ದು, 40.48 ಲಕ್ಷ ಬಾಕ್ಸ್ ಮತ್ತು 34 ಲಕ್ಷ ಬಿಯರ್ ಸೇಲ್ ಆಗಿವೆ. 2021ರಲ್ಲಿ ತೆಲಂಗಾಣದಲ್ಲಿ 30,222 ಕೋಟಿ ರೂ. ಮೌಲ್ಯದ ಮದ್ಯ ಖರೀದಿಯಾಗಿದೆ.
ಆಂಧ್ರಪ್ರದೇಶದಲ್ಲೂ ಭರ್ಜರಿ ಮಾರಾಟ
ಪಕ್ಕದ ಆಂಧ್ರಪ್ರದೇಶದಲ್ಲೂ ಮದ್ಯ ಭರ್ಜರಿಯಾಗಿ ಮಾರಾಟವಾಗಿದ್ದು, ಅಬಕಾರಿ ಇಲಾಖೆ ಅಂಕಿ-ಅಂಶಗಳ ಪ್ರಕಾರ ಒಂದೇ ದಿನ 124.10 ಕೋಟಿ ರೂ. ಮೌಲ್ಯದ ಮದ್ಯ ಮಾರಾಟವಾಗಿದೆ.
