ಚಹಾ ತೋಟದ ಕಾರ್ಮಿಕರಿಗೆ 365 ರೂ. ದಿನಗೂಲಿ ಜಾರಿ.. ಸಿಎಎ ಬರಲು ಬಿಡಲ್ಲ.. ರಾಹುಲ್‌ ಗಾಂಧಿ ಭರವಸೆ

ನಾವು ಭುಜದಲ್ಲಿ ಒಂದು ಟವೆಲ್​ ಹಾಕಿಕೊಂಡಿದ್ದೇವೆ. ಅದರಲ್ಲಿ ಸಿಎಎ ಎಂದು ಬರೆದಿದೆ. ಆದರೆ, ಸಿಎಎ ಎಂಬ ಬರಹದ ಮೇಲೆ ಕ್ರಾಸ್​ ಮಾರ್ಕ್​ ಹಾಕಿದೆ. ಇದರರ್ಥ, ನಾವು ಸಿಎಎ ಜಾರಿಯಾಗಲು ಬಿಡಲ್ಲ ಎಂಬುವುದಾಗಿದೆ. ಸರಿಯಾಗಿ ಕೇಳಿಸಿಕೊಳ್ಳಿ, ಸಿಎಎ ಜಾರಿಯಾಗುವುದಿಲ್ಲ..

ಶಿವಸಾಗರ್​(ಅಸ್ಸೋಂ) : ಅಸ್ಸೋಂ ಚಹಾ ತೋಟದ ಕಾರ್ಮಿಕರಿಗೆ 365 ರೂ. ದಿನಗೂಲಿಯನ್ನು ನಾವು ತಂದು ಕೊಡುತ್ತೇವೆ ಎಂದು ಕಾಂಗ್ರೆಸ್​ ನಾಯಕ ರಾಹುಲ್ ಗಾಂಧಿ ಭರವಸೆ ನೀಡಿದ್ದಾರೆ.

ಮುಂಬರುವ ವಿಧಾನಸಭಾ ಚುನಾವಣೆಯನ್ನು ಗುರಿಯಾಗಿಟ್ಟುಕೊಂಡು ಶಿವಸಾಗರ್​​ನಲ್ಲಿ ಆಯೋಜಿಸಲಾಗಿದ್ದ ಕಾಂಗ್ರೆಸ್​ ಸಮಾವೇಶದಲ್ಲಿ ಮಾತನಾಡಿದ ಅವರು, ಗುಜರಾತ್​ ವ್ಯಾಪಾರಿಗಳಿಗೆ ಚಹಾ ತೋಟ ಸಿಗುವಾಗ, ಅಸ್ಸೋಂ ಚಹಾ ತೋಟದ ಕಾರ್ಮಿಕರು ದಿನಕ್ಕೆ 167 ರೂ. ಕೂಲಿ ಪಡೆಯುತ್ತಿದ್ದಾರೆ. ಗುಜರಾತ್​ ವ್ಯಾಪಾರಿಗಳಿಂದ ಹಣ ತಂದು, ಚಹಾ ತೋಟದ ಕಾರ್ಮಿಕರಿಗೆ ₹365 ದಿನಗೂಲಿ ನೀಡುವುದಾಗಿ ನಾನು ಭರವಸೆ ನೀಡುತ್ತೇನೆ ಎಂದಿದ್ದಾರೆ.

ಸಿಎಎ ಕುರಿತು ಮಾತನಾಡಿದ ಅವರು, ನಾವು ಭುಜದಲ್ಲಿ ಒಂದು ಟವೆಲ್​ ಹಾಕಿಕೊಂಡಿದ್ದೇವೆ. ಅದರಲ್ಲಿ ಸಿಎಎ ಎಂದು ಬರೆದಿದೆ. ಆದರೆ, ಸಿಎಎ ಎಂಬ ಬರಹದ ಮೇಲೆ ಕ್ರಾಸ್​ ಮಾರ್ಕ್​ ಹಾಕಿದೆ. ಇದರರ್ಥ, ನಾವು ಸಿಎಎ ಜಾರಿಯಾಗಲು ಬಿಡಲ್ಲ ಎಂಬುವುದಾಗಿದೆ. ಸರಿಯಾಗಿ ಕೇಳಿಸಿಕೊಳ್ಳಿ, ಸಿಎಎ ಜಾರಿಯಾಗುವುದಿಲ್ಲ ಎಂದು ಹೇಳಿದ್ದಾರೆ.