Teachers Day 2023: ಭವಿಷ್ಯವನ್ನು ರೂಪಿಸಲು ಪ್ರಭಾವ ಬೀರುವ ಶಿಕ್ಷಕರ ಬಗ್ಗೆ ಪ್ರಧಾನಿ ಶ್ಲಾಘನೆ

ನಮ್ಮ ಭವಿಷ್ಯ ಮತ್ತು ಕನಸುಗಳನ್ನು ಪ್ರೆರೇಪಿಸುವಲ್ಲಿ ಶಿಕ್ಷಕರ ಪಾತ್ರ ಪ್ರಮುಖವಾಗಿದೆ ಎಂದು ಶಿಕ್ಷಕರ ಸೇವೆ ಕುರಿತು ಪ್ರಧಾನಿ ಶ್ಲಾಘಿಸಿದರು.

ನವದೆಹಲಿ: ಇಂದು ದೇಶಾದ್ಯಂತ ಶಿಕ್ಷಕರ ದಿನಾಚರಣೆಯ ಸಂಭ್ರಮವನ್ನು ಆಚರಿಸಲಾಗುತ್ತಿದೆ. ಈ ಮೂಲಕ ಶಿಕ್ಷಕ ಮತ್ತು ತತ್ವಜ್ಞಾನಿ ಹಾಗೂ ಮಾಜಿ ಪ್ರಧಾನಿ ಡಾ ಸರ್ವಪಲ್ಲಿ ರಾಧಾಕೃಷ್ಣನ್​​ ಅವರಿಗೆ ಹುಟ್ಟುಹಬ್ಬ ಆಚರಿಸುವ ಮೂಲಕ ಅವರಿಗೆ ಗೌರವ ನಮನ ಸಲ್ಲಿಸಲಾಗುತ್ತಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಕೂಡ ರಾಧಾಕೃಷ್ಣನ್​ ಅವರಿಗೆ ನಮಿಸಿ, ಅವರ ಸಮರ್ಪಣಾ ಮನೋಭಾವವನ್ನು ಶ್ಲಾಘಿಸಿದರು. ಇದೇ ವೇಳೆ ದೇಶದ ಭವಿಷ್ಯ ರೂಪಿಸುವಲ್ಲಿ ಶಿಕ್ಷಕರ ಪಾತ್ರ ನಿರ್ಣಾಯಕ ಎಂದರು.

ನಮ್ಮ ಭವಿಷ್ಯ ಮತ್ತು ಕನಸುಗಳನ್ನು ಪ್ರೆರೇಪಿಸುವಲ್ಲಿ ಶಿಕ್ಷಕರ ಪಾತ್ರ ಪ್ರಮುಖವಾಗಿದೆ. ಶಿಕ್ಷಕರ ದಿನದಂದು ನಾವು ಅವರ ಸಮರ್ಪಣೆ ಮತ್ತು ಪ್ರಭಾವ ಬೀರುವ ಅವರಿಗೆ ನಮಿಸೋಣ. ಡಾ ಎಸ್​​ ರಾಧಾಕೃಷ್ಣ ಅವರ ಜನ್ಮ ಜಯಂತಿಗೆ ಗೌರವ ಸಮರ್ಪಿಸೋಣ ಎಂದು ಮೈಕ್ರೋಬ್ಲಾಗಿಂಗ್ ತಾಣ ಎಕ್ಸ್​​ನಲ್ಲಿ ತಿಳಿಸಿದ್ದಾರೆ. ಇದೇ ವೇಳೆ ನಿನ್ನೆ ಅಂದರೆ ಸೆಪ್ಟೆಂಬರ್​ 4ರಂದು ಶಿಕ್ಷಕರೊಡನೆ ನಡೆಸಿದ ಸಂವಾದದ ಪ್ರಮುಖಾಂಶವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

• Teachers play a key role in building our future and inspiring dreams. On #TeachersDay, we salute them for their unwavering dedication and great impact. Tributes to Dr. S. Radhakrishnan on his birth anniversary.
  
  Here are highlights from the interaction with teachers yesterday… pic.twitter.com/F1Zmk4SSnf

  — Narendra Modi (@narendramodi) September 5, 2023 " class="align-text-top noRightClick twitterSection" data="

  Teachers play a key role in building our future and inspiring dreams. On #TeachersDay, we salute them for their unwavering dedication and great impact. Tributes to Dr. S. Radhakrishnan on his birth anniversary.
  
  Here are highlights from the interaction with teachers yesterday… pic.twitter.com/F1Zmk4SSnf

  — Narendra Modi (@narendramodi) September 5, 2023

  ">

  Teachers play a key role in building our future and inspiring dreams. On #TeachersDay, we salute them for their unwavering dedication and great impact. Tributes to Dr. S. Radhakrishnan on his birth anniversary.
  
  Here are highlights from the interaction with teachers yesterday… pic.twitter.com/F1Zmk4SSnf

  — Narendra Modi (@narendramodi) September 5, 2023

ಅತ್ಯುತ್ತಮ ಶಿಕ್ಷಕ, ರಾಜನೀತಿತಜ್ಞ ಮತ್ತು ತತ್ವಜ್ಞಾನಿಯಾಗಿದ್ದ ಡಾ. ರಾಧಕೃಷ್ಣನ್​ ಅವರು ಅಂದಿನ ದಿನದಲ್ಲಿ ವಿಶ್ವ ನಾಯಕರೊಂದಿಗೆ ಉತ್ತಮ ಕಾರ್ಯ ಸಂಬಂಧವನ್ನು ಹೊಂದಿದ್ದರು. 1888ರ ಸೆಪ್ಟೆಂಬರ್​ 5ರಂದು ತಮಿಳುನಾಡಿನ ತಿರುತ್ತನಿಯಲ್ಲಿ ಅವರು ಜನಿಸಿದ್ದು, ಅವರ ಸೇವೆಗೆ ಗೌರವ ಪೂರ್ವಕವಾಗಿ ಅಂದಿನ ದಿನವನ್ನು ಶಿಕ್ಷಕರ ದಿನ ಎಂದು ಆಚರಿಸಲಾಗುವುದು. ರಾಧಾಕೃಷ್ಣನ್​ ಅವರು ತಮ್ಮ ದೀರ್ಘ ವೃತ್ತಿ ಜೀವನದಲ್ಲಿ ರಷ್ಯಾದ ರಾಯಭಾರಿಯಾಗಿಯೂ ಕಾರ್ಯ ನಿರ್ವಹಿಸಿದ್ದರು. ಅವರ ಅವಧಿಯಲ್ಲಿ ಸೋವಿಯತ್​ ಯುನಿಯನ್​ ಮತ್ತು ಭಾರತದೊಂದಿಗೆ ಉತ್ತಮ ಸ್ನೇಹಕ್ಕೆ ಅಡಿಗಲ್ಲನ್ನು ಹಾಕಿದರು.

ಸ್ವಾತಂತ್ರ್ಯ ಭಾರತದ ಮೊದಲ ಉಪ ರಾಷ್ಟ್ರಪತಿಗಳಾಗಿ ಅವರು ಸೇವೆ ಸಲ್ಲಿಸಿದರು. ದೇಶದ ಎರಡನೇ ರಾಷ್ಟ್ರಪತಿಯಾಗಿ ಅವರು ಕಾರ್ಯ ನಿರ್ವಹಿಸಿದ್ದಾರೆ. ಭಾರತ ರತ್ನ ಪುರಸ್ಕೃತರು ಅವರಾಗಿದ್ದಾರೆ. 1962ರಲ್ಲಿ ಅವರು ರಾಷ್ಟ್ರಪತಿಗಳಾದಾಗ ಅವರ ಜನ್ಮದಿನವನ್ನು ಶಿಕ್ಷಕರ ದಿನವಾಗಿ ಆಚರಿಸುವ ಕುರಿತು ಕೆಲವರು ಮನವಿ ಮಾಡಿದಾಗ ಈ ವೇಳೆ ಅವರು ಸಮ್ಮತಿ ಸೂಚಿಸಿದರು. ಅಂದಿನಿಂದ ಸೆಪ್ಟೆಂಬರ್​ 5ರಂದು ಭಾರತದಲ್ಲಿ ಶಿಕ್ಷಕರ ದಿನ ಆಚರಿಸಲಾಗುತ್ತಿದೆ. ಈ ಮೂಲಕ ಜೀವನದ ಭವಿಷ್ಯ ರೂಪಿಸುವ ಮಾರ್ಗ ಸೂಚಿಸುವ ಶಿಕ್ಷಕರಿಗೆ ನಮಿಸಲಾಗುತ್ತದೆ.

ಶಿಕ್ಷಕರೊಂದಿಗೆ ಪ್ರಧಾನಿ ಸಂವಾದ: ಶಿಕ್ಷಕರ ದಿನಾಚರಣೆ ಹಿನ್ನೆಲೆ ಪ್ರಧಾನಿ ನರೇಂದ್ರ ಮೋದಿ ಅವರು ಸೆಪ್ಟೆಂಬರ್​ 4ರಂದು ದೇಶದಲ್ಲಿ ಉತ್ತಮ ಶಿಕ್ಷಕರ ಪ್ರಶಸ್ತಿಗೆ ಭಾಜನಾರಾದ 75 ಶಿಕ್ಷಕರೊಂದಿಗೆ ಸಂವಾದ ನಡೆಸಿದರು. ರಾಷ್ಟ್ರೀಯ ಶಿಕ್ಷಕ ಪ್ರಶಸ್ತಿ 2023 ಭಾಜನರಾದವರೊಂದಿಗೆ ನಡೆದ ವಿಶೇಷ ಕಾರ್ಯಕ್ರಮದಲ್ಲಿ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್​ ಸೇರಿದಂತೆ ಹಲವು ಅಧಿಕಾರಿಗಳು ಇದ್ದರು.

ಇದನ್ನೂ ಓದಿ: Teachers' Day: ರಾಷ್ಟ್ರಪತಿಯಿಂದ ಇಂದು 75 ಶಿಕ್ಷಕರಿಗೆ ರಾಷ್ಟ್ರೀಯ ಶಿಕ್ಷಕರ ಪ್ರಶಸ್ತಿ ಪ್ರದಾನ