ಭಾರತದಲ್ಲಿ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವಿಟ್ಟರ್​ ಖಾತೆ ಬಂದ್​

ಪಾಕಿಸ್ತಾನ ಸರ್ಕಾರದ ಟ್ವಿಟ್ಟರ್​ ಖಾತೆಯನ್ನು ಭಾರತದಲ್ಲಿ ಸ್ಥಗಿತಗೊಳಿಸಲಾಗಿದೆ. ಇದಕ್ಕೆ ಕಾರಣ ಏನೆಂಬುದು ತಿಳಿದುಬಂದಿಲ್ಲ.

ನವದೆಹಲಿ: ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವಿಟರ್ ಖಾತೆಯನ್ನು ಭಾರತದಲ್ಲಿ ತಡೆಹಿಡಿಯಲಾಗಿದೆ. 4 ತಿಂಗಳಲ್ಲಿ 2 ನೇ ಬಾರಿಗೆ ಖಾತೆಯ ಚಟುವಟಿಕೆಯನ್ನು ದೇಶದಲ್ಲಿ ನಿಲ್ಲಿಸಲಾಗಿದೆ. ಈ ಹಿಂದೆ ಜುಲೈನಲ್ಲಿ ತಡೆಹಿಡಿಯಲಾಗಿತ್ತು. ಕೆಲ ದಿನಗಳ ಬಳಿಕ ಪುನಃ ಸಕ್ರಿಯಗೊಳಿಸಲಾಗಿತ್ತು.

ಪಾಕಿಸ್ತಾನದ ಟ್ವಿಟ್ಟರ್​ ಖಾತೆಯನ್ನು ತಡೆಹಿಡಿದ ಕಾರಣ ಬಳಕೆದಾರರಿಗೆ ಅದು "ಮುಂದಿನ ಕಾನೂನು ಪರಿಶೀಲನೆಗೆ ಒಳಪಡಿಸಲಾಗಿದೆ. ನ್ಯಾಯಾಂಗದ ಮುಂದಿನ ಆದೇಶದವರೆಗೆ ಸ್ಥಗಿತ" ಎಂಬ ಸೂಚನೆ ಟ್ವಿಟ್ಟರ್​ ಖಾತೆಯ ಮೇಲೆ ಕಾಣುತ್ತಿದೆ. ಹೀಗಾಗಿ ಪಾಕಿಸ್ತಾನದ @GovtogPakistan ಟ್ವಿಟ್ಟರ್​ ಖಾತೆ ಭಾರತದಲ್ಲಿ ಕಾಣಸಿಗುವುದಿಲ್ಲ.

ಆಯಾ ದೇಶಗಳಲ್ಲಿ ಕಾನೂನು ತೊಡಕು ಉಂಟಾದಲ್ಲಿ, ಅವುಗಳ ಮೇಲೆ ದೂರು ಕೇಳಿ ಬಂದರೆ ಟ್ವಿಟ್ಟರ್​ ಖಾತೆಯನ್ನು ತಡೆಹಿಡಿಯಲಾಗುವುದು ಎಂದು ಸಾಮಾಜಿಕ ಮಾಧ್ಯಮ ದೈತ್ಯ ಹೇಳಿತ್ತು. ಇದಕ್ಕೂ ಮೊದಲು ಅಂದರೆ ಜೂನ್​ನಲ್ಲಿ ಪಾಕಿಸ್ತಾನದ ವಿಶ್ವಸಂಸ್ಥೆ ಟ್ವಿಟ್ಟರ್ ಖಾತೆ​, ಟರ್ಕಿ, ಇರಾನ್ ಮತ್ತು ಈಜಿಪ್ಟ್‌ನ ಅಧಿಕೃತ ಖಾತೆಗಳನ್ನು ನಿಷೇಧಿಸಲಾಗಿತ್ತು.

• The Twitter account of the Government of Pakistan withheld in India pic.twitter.com/60Uzpoujwz

  — ANI (@ANI) October 1, 2022 " class="align-text-top noRightClick twitterSection" data="

  The Twitter account of the Government of Pakistan withheld in India pic.twitter.com/60Uzpoujwz

  — ANI (@ANI) October 1, 2022

  ">

  The Twitter account of the Government of Pakistan withheld in India pic.twitter.com/60Uzpoujwz

  — ANI (@ANI) October 1, 2022

ಈ ಹಿಂದೆ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ಭಾರತದ ರಾಷ್ಟ್ರೀಯ ಭದ್ರತೆ, ವಿದೇಶಿ ಸಂಬಂಧಗಳು ಮತ್ತು ಸಾರ್ವಜನಿಕ ಸುವ್ಯವಸ್ಥೆಗೆ ಸಂಬಂಧಿಸಿದ ಸುಳ್ಳು ಮಾಹಿತಿಯನ್ನು ಹರಡಿದ್ದಕ್ಕಾಗಿ 6 ಪಾಕಿಸ್ತಾನ ಮೂಲದ ಚಾನಲ್‌ಗಳು ಸೇರಿದಂತೆ 16 ಯೂಟ್ಯೂಬ್ ಸುದ್ದಿ ಚಾನಲ್‌ಗಳನ್ನು ನಿರ್ಬಂಧಿಸಿತ್ತು.

ಓದಿ: ವಾಣಿಜ್ಯ ಸಿಲಿಂಡರ್​ಗಳ ಬೆಲೆಯಲ್ಲಿ ಇಳಿಕೆ..