ಭುವನೇಶ್ವರ್(ಒಡಿಶಾ): ಕೋವಿಡ್ ಸಂದರ್ಭದಲ್ಲಿ ಲಕ್ಷಾಂತರ ಕೂಲಿ ಕಾರ್ಮಿಕರು ಕೆಲಸ ಕಳೆದುಕೊಂಡು ಒಂದು ಹೊತ್ತಿನ ಊಟಕ್ಕೂ ಸಂಕಟ ಅನುಭವಿಸಿದ್ದರು. ಲಾಕ್ಡೌನ್ ಜಾರಿಯಾಗಿದ್ದ ಕಾರಣ ಕೆಲಸವಿಲ್ಲದೇ ಇನ್ನಿಲ್ಲದ ತೊಂದರೆ ಎದುರಿಸಿದ್ದಾರೆ. ಸದ್ಯ ನಾವು ಹೇಳಲು ಹೊರಟಿರುವ ಸ್ಟೋರಿಯೂ ಕೂಡಾ ಅಂತಹ ಕೂಲಿ ಕಾರ್ಮಿಕನಿಗೆ ಸಂಬಂಧಪಟ್ಟಿದ್ದು.
ಒಡಿಶಾದ ಸಂಬಲ್ಪುರ್ ಜಿಲ್ಲೆಯ ಬುಡಕಟ್ಟು ಜನಾಂಗದ ವ್ಯಕ್ತಿ ಮುಂಡಾ ಎಂಬಾತ ದಿನಗೂಲಿ ಕಾರ್ಮಿಕನಾಗಿ ಕೆಲಸ ಮಾಡ್ತಿದ್ದ. ಕಳೆದ ವರ್ಷ ಲಾಕ್ಡೌನ್ ಜಾರಿಗೊಂಡಿದ್ದ ಕಾರಣ, ಕೆಲಸವಿಲ್ಲದೇ ಮನೆಯಲ್ಲೇ ಕಾಲ ಕಳೆಯುತ್ತಿದ್ದ. ಒಪ್ಪೊತ್ತಿನ ಊಟಕ್ಕೂ ಪರದಾಟ ನಡೆಸುತ್ತಿದ್ದ ಈತ, ಹಸಿವು ಮರೆಯುವ ಉದ್ದೇಶದಿಂದಲೇ ಯೂಟ್ಯೂಬ್ನಲ್ಲಿನ ವಿಡಿಯೋ ನೋಡುತ್ತಿದ್ದನಂತೆ. ಆ ವಿಡಿಯೋಗಳಿಂದ ಪ್ರೇರಣೆ ಪಡೆದು ತಾನು ಒಂದು ಯೂಟ್ಯೂಬ್ ಚಾನೆಲ್ ಓಪನ್ ಮಾಡಲು ಮುಂದಾಗಿದ್ದಾನೆ.
ಯೂಟ್ಯೂಬ್ ಚಾನೆಲ್ ತೆರೆಯಲು ಸ್ಮಾರ್ಟ್ ಫೋನ್ ಖರೀದಿಗೋಸ್ಕರ 3 ಸಾವಿರ ರೂ. ಸಾಲ ಪಡೆದುಕೊಂಡಿದ್ದಾನೆ. ಮೊಬೈಲ್ ಖರೀದಿಸಿ ಮಾರ್ಚ್ 2020ರಲ್ಲಿ ಯೂಟ್ಯೂಬ್ ಚಾನೆಲ್ ಓಪನ್ ಮಾಡಿದ್ದಾನೆ. ಈ ಚಾನೆಲ್‌ನಲ್ಲಿ ಹಳ್ಳಿ ಪ್ರದೇಶಗಳಲ್ಲಿ ಜನರು ಯಾವ ರೀತಿಯಾಗಿ ಊಟ ತಿನ್ನುತ್ತಾರೆ. ಹೇಗೆ ಜೀವನ ನಡೆಸುತ್ತಾರೆಂಬ ಬಗ್ಗೆ ಮಾಹಿತಿ ಹಾಕುತ್ತಿದ್ದ.ಈ ವಿಡಿಯೋಗಳಿಗೆ ಇನ್ನಿಲ್ಲದ ಸ್ಪಂದನೆ ಸಿಕ್ಕಿದೆ. ಸದ್ಯ ಮುಂಡಾ ಯೂಟ್ಯೂಬ್ನಲ್ಲಿ 7 ಲಕ್ಷ ಚಂದಾದಾರರನ್ನು ಹೊಂದಿದ್ದಾನೆ. ತಾನು ಆರಂಭಿಸಿರುವ ಚಾನೆಲ್ಗೆ 'ಇಸಾಕ್ ಮುಂಡಾ ಈಟಿಂಗ್' ಎಂದು ಹೆಸರಿಟ್ಟಿದ್ದಾನೆ.
- " class="align-text-top noRightClick twitterSection" data="">
ಇದನ್ನೂ ಓದಿರಿ: ತನ್ನೊಂದಿಗೆ ಸಹಕರಿಸಲಿಲ್ಲವೆಂದು ಯುವತಿಗೆ ಬೆಂಕಿ ಹಚ್ಚಿದ ಪ್ರೇಮಿ: ಆಸ್ಪತ್ರೆಗೆ ದಾಖಲಿಸಿ ಪರಾರಿ
2020ರ ಆಗಸ್ಟ್ ತಿಂಗಳಿಂದ ಈತ ಯೂಟ್ಯೂಬ್ನಿಂದ 5 ಲಕ್ಷ ರೂ. ಹಣ ಸಂಪಾದನೆ ಮಾಡಿದ್ದಾನೆ. ಇದೇ ಹಣದಲ್ಲಿ ಮನೆ ಕೂಡ ಕಟ್ಟಿಕೊಂಡಿರುವುದಾಗಿ ಹೇಳಿಕೊಂಡಿದ್ದಾನೆ. ಕೇವಲ ಹಣ ಸಂಪಾದನೆ ಮಾಡುವುದಷ್ಟೇ ಉದ್ದೇಶವಲ್ಲ. ಬದಲಾಗಿ ಗ್ರಾಮೀಣ ಪ್ರದೇಶದ ಸಂಸ್ಕೃತಿ ಯಾವ ರೀತಿಯಾಗಿರುತ್ತದೆ ಎಂಬ ಅರಿವು ಮೂಡಿಸುವುದು ನನ್ನ ಧ್ಯೇಯ ಎಂದಿದ್ದಾನೆ.
