ನವದೆಹಲಿ: ಜನವರಿ 26ರ ಗಣರಾಜ್ಯೋತ್ಸವದಂದು ರೈತರು ಟ್ರ್ಯಾಕ್ಟರ್ ರ‍್ಯಾಲಿಯನ್ನು ಕೈಗೊಂಡಾಗ ರಾಷ್ಟ್ರ ರಾಜಧಾನಿಯಲ್ಲಿ ಸಂಭವಿಸಿದ ಹಿಂಸಾಚಾರದಲ್ಲಿ ಪಂಜಾಬಿ ನಟ ದೀಪ್ ಸಿಧು ಭಾಗಿಯಾಗಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೆಹಲಿಯ ನ್ಯಾಯಾಲಯ ವಿಚಾರಣೆಯನ್ನು ಮುಂದೂಡಿದೆ. ನ್ಯಾಯಾಲಯವು ಸಿಧು ಮಾತನಾಡಿದ್ದಾರೆ ಎನ್ನಲಾದ ವಿಡಿಯೋ ತುಣುಕುಗಳ ನೀಡುವಂತೆ ಸೂಚಿಸಿ ವಿಚಾರಣೆಯನ್ನು ಏಪ್ರಿಲ್ 12ಕ್ಕೆ ಮುಂದೂಡಿದೆ.
ಸಿಧು ಪರ ವಕೀಲ ಅಭಿಷೇಕ್ ಗುಪ್ತ ವಾದ ಮಂಡಿಸಿ ಕೆಂಪು ಕೋಟೆಯ ಬಳಿ ಸಂಭವಿಸಿದ ಘಟನೆಯಲ್ಲಿ ಸಿಧು ಭಾಗಿಯಾಗಿಲ್ಲ. ಸಿಧು ಯಾವುದೇ ರೈತಪರ ಸಂಘಟನೆ ಅಥವಾ ಟ್ರ್ಯಾಕ್ಟರ್ ರ‍್ಯಾಲಿಗೆ ಸಂಬಂಧಿಸಿದ ಸಂಘಟನೆ ಸದಸ್ಯನಲ್ಲ. ಅಲ್ಲದೇ ಸಿಧು ಬ್ಯಾರಿಕೇಡ್ ದಾಟಿ, ಹಿಂಸಾಚಾರದಲ್ಲಿ ಭಾಗಿಯಾಗಿದ್ದಾನೆ ಎಂಬುದಕ್ಕೆ ಯಾವುದೇ ಸಾಕ್ಷಿಯಿಲ್ಲ ಎಂದು ವಾದಿಸಿದ್ದಾರೆ.
ಇಷ್ಟೇ ಅಲ್ಲ ಕೆಂಪುಕೋಟೆ ಬಳಿ ನಡೆದ ಹಿಂಸಾಚಾರದ ವೇಳೆ ದೀಪ್ ಸಿಧು ಆ ಸ್ಥಳದಲ್ಲೆ ಇರಲಿಲ್ಲ ಎಂದು ವಾದಿಸಿದ್ದಾರೆ.
ಮಧ್ಯಾಹ್ನ ಸುಮಾರು 12 ಗಂಟೆಗೆ ಹಿಂಸಾಚಾರ ನಡೆದಿದೆ. ಆದರೆ, ದೀಪ್ ಸಿಧು 1:45ರ ಸುಮಾರಿಗೆ ಆ ಸ್ಥಳಕ್ಕೆ ಆಗಮಿಸಿದ್ದಾನೆ. ಆದರೆ, ದೆಹಲಿ ಪೊಲೀಸರು ಗಲಾಟೆಗೆ ಈತನ ಹೊಣೆ ಮಾಡಿದ್ದಾರೆ. ಆದರೆ, ಸಿಧು ಹಿಂಸಾಚಾರ ತಡೆಯಲು ಪ್ರಯತ್ನಿಸಿದ್ದಲ್ಲದೇ ಶಾಂತಿ ಕಾಪಾಡಲು ಮುಂದಾಗಿದ್ದ ಎಂದಿದ್ದಾರೆ.
ಪ್ರತಿಭಟನೆಗೆ ಕರೆ ನೀಡಿದ್ದು ರೈತ ಸಂಘಟನೆಗಳು, ಸಿಧು ಯಾವುದೇ ಸಂಘಟನೆಯಲ್ಲಿ ಗುರುತಿಸಿಕೊಂಡಿಲ್ಲ. ಯಾರೂ ಸಹ ಈತನಿಗೆ ಕೆಂಪು ಕೋಟೆಗೆ ಬರುವಂತೆ ತಿಳಿಸಿಯೂ ಇಲ್ಲ. ಜನರನ್ನು ಕರೆತಂದಿದ್ದ ಎಂಬ ಆರೋಪಕ್ಕೆ ಯಾವುದೇ ಸಾಕ್ಷಿಗಳಿಲ್ಲ ಎಂದಿದ್ದಾರೆ.
ಇದನ್ನೂ ಓದಿ: ಚು. ಆಯೋಗಕ್ಕೆ ಟಾಂಗ್ ನೀಡಿದ ಮಮತಾ..10 ನೋಟಿಸ್ ನೀಡಿದ್ರೂ, ನನ್ನ ಹೇಳಿಕೆ ಮುಂದುವರಿಸುವೆ ಎಂದ ದೀದಿ!
