ಮಧುರೈ/ತಮಿಳುನಾಡು: ದೇಶದಿಂದ ಪರಾರಿಯಾಗಿರುವ ಸ್ವಯಂ ಘೋಷಿತ ದೇವಮಾನವ ಸ್ವಾಮಿ ನಿತ್ಯಾನಂದ ನಾನೇ ಹೊಸ ಮಧುರೈ ಅಧೀನಂ(ಪೀಠಾಧೀಶ) ಎಂದು ಘೋಷಿಸಿಕೊಂಡಿದ್ದಾರೆ.
ಕಳೆದ ವಾರ ಮಧುರೈ ಅಧೀನಂನ 292 ನೇ ಪೀಠಾಧೀಶರ ನಿಧನ ನಂತರ ನಿತ್ಯಾನಂದ ತಮ್ಮ ಸ್ವಯಂ ಘೋಷಿತ ನೇಮಕಾತಿಯಲ್ಲಿ ಅವರ ಹೊಸ ಅಧೀನಂ ಆಗುವ ಪ್ರಕ್ರಿಯೆ ಈಗ ಪೂರ್ಣಗೊಂಡಿದೆ ಎಂದು ಹೇಳಿದ್ದಾರೆ. ಕಳೆದ ಶುಕ್ರವಾರ, ಮಧುರೈ ಅಧೀನಂ 292 ನೇ ಧರ್ಮಗುರು, ಶ್ರೀ ಅರುಣಗಿರಿನಾಥರ್(77) ಮಧುರೈನ ಅಪೋಲೋ ಆಸ್ಪತ್ರೆಯಲ್ಲಿ ನಿಧನರಾಗಿದ್ದರು.
ಕಳೆದ ಕೆಲವು ವರ್ಷಗಳಿಂದ, ನಿತ್ಯಾನಂದರು ತಾವು ಅಧೀನಂ ಶ್ರೀ ಅರುಣಗಿರಿನಾಥರ ಉತ್ತರಾಧಿಕಾರಿ ಎಂದು ಹೇಳಿಕೊಂಡಿದ್ದಾರೆ. ಮಧುರೈ ಅಧೀನಂ ಅನ್ನು ಅತ್ಯಂತ ಹಳೆಯ ಶೈವ ಅಧೀನಂಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಮತ್ತು ಇದನ್ನು ಸಹಸ್ರಮಾನಗಳ ಹಿಂದೆ ಸ್ಥಾಪಿಸಲಾಗಿದೆ ಎಂದು ಹೇಳಲಾಗುತ್ತದೆ. ಮೂವರು ನಾಯನ್ಮಾರ್ (ಶಿವನ ಶಿಷ್ಯರು) ಒಬ್ಬರಾದ ತಿರುಜ್ಞಾನ ಸಂಬಂಧರಿಂದ ಪುನಶ್ಚೇತನಗೊಂಡಿದೆ ಎಂದು ಹೇಳಲಾಗುತ್ತದೆ.
