News Today: ಕಂಚಿನ ಪದಕಕ್ಕೆ ಸಿಂಧು ಹೋರಾಟ ಸೇರಿ ಇಂದಿನ ಪ್ರಮುಖ ವಿದ್ಯಮಾನಗಳು

ಒಲಿಂಪಿಕ್ಸ್‌ ಬ್ಯಾಡ್ಮಿಂಟನ್‌ ಸ್ಪರ್ಧೆಯಲ್ಲಿ ಭಾರತದ ಭರವಸೆಯ ಸ್ಟಾರ್​ ಶಟ್ಲರ್​ ಪಿ.ವಿ ಸಿಂಧು(P.V Sindhu) ನಿನ್ನೆ (ಶನಿವಾರ) ಸೆಮಿಫೈನಲ್​ನಲ್ಲಿ ಸೋಲು ಕಂಡಿದ್ದರು. ಇಂದು (ಭಾನುವಾರ) ಕಂಚಿನ ಪದಕಕ್ಕೆ ಅವರು ಚೀನಾ ಆಟಗಾರ್ತಿಯೊಂದಿಗೆ ಸೆಣಸಲಿದ್ದಾರೆ. ಇನ್ನುಳಿದಂತೆ ದಿನದ ಮಹತ್ವದ ವಿದ್ಯಮಾನಗಳು ಹೀಗಿವೆ..

• ಕೇರಳದಲ್ಲಿ ಹೆಚ್ಚಿದ ಕೋವಿಡ್‌- ಇಂದಿನಿಂದ ಒಂದು ವಾರಗಳ ಕಾಲ ಕಾಸರಗೋಡು- ಮಂಗಳೂರು ಬಸ್ ಸಂಚಾರ ರದ್ದು.
• ವಿಧಾನಸಭೆ ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ ಕಾರವಾರ ಜಿಲ್ಲೆ ಪ್ರವಾಸ ಕೈಗೊಳ್ಳಲಿದ್ದು, ಎರಡು ದಿನಗಳ ಕಾಲ ನೆರೆ ಪರಿಶೀಲನೆ ನಡೆಸಲಿದ್ದಾರೆ.
• ಇಂದಿನಿಂದ ರಾಷ್ಟ್ರಪತಿ ಭವನ ಮತ್ತು ಮ್ಯೂಸಿಯಂ ಸಂಕೀರ್ಣ‌ಕ್ಕೆ ಸಾರ್ವಜನಿಕರ ಭೇಟಿಗೆ ಅವಕಾಶ.
• ವೇತನ, ಪಿಂಚಣಿ, ಇಎಂಐ ಪಾವತಿಗೆ ಇಂದಿನಿಂದ ಹೊಸ ನಿಯಮ ಅನ್ವಯ.
• ತ್ರಿವಳಿ ತಲಾಖ್ ನಿಷೇಧ ಕಾನೂನಿಗೆ 2 ವರ್ಷ- ಮುಸ್ಲಿಂ ಮಹಿಳಾ ಹಕ್ಕುಗಳ ದಿನಾಚರಣೆ.
• ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್ ಆಂಧ್ರಪ್ರದೇಶ ಚಿತ್ತೂರು ಜಿಲ್ಲೆಯ ಕನಿಪಕರಮ್​ನಲ್ಲಿರುವ ವರಸಿದ್ಧಿ ವಿನಾಯಕ ದೇವಾಲಯಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಲಿದ್ದಾರೆ.
  
• ಭಾರತ-ಬಾಂಗ್ಲಾದೇಶ ನಡುವಿನ ಸರಕು ಸಾಗಣೆ ರೈಲ್ವೆ ಸೇವೆ ಆರಂಭ.
  
• ವಿವಿಧ ಯೋಜನೆಗಳಿಗೆ ಚಾಲನೆ ನೀಡಲು ಕೇಂದ್ರ ಗೃಹ ಸಚಿವ ಅಮಿತ್​ ಶಾ ಉತ್ತರ ಪ್ರದೇಶಕ್ಕೆ ಭೇಟಿ ನೀಡಲಿದ್ದಾರೆ.
• Tokyo Olympics ಸೆಮಿಫೈನಲ್​ನಲ್ಲಿ ಸೋತಿರುವ ಭಾರತದ ಪಿ.ವಿ ಸಿಂಧು ಕಂಚಿನ ಪದಕಕ್ಕಾಗಿ ಹೋರಾಟ ನಡೆಸಲಿದ್ದಾರೆ.
• ಬಾಕ್ಸರ್​ ಸತೀಶ್ ಕುಮಾರ್ ಕಂಚಿನ ಪದಕಕ್ಕಾಗಿ 91 ಕೆ.ಜಿ ವಿಭಾಗದಲ್ಲಿ ಉಜ್ಬೇಕಿಸ್ತಾನದ ಬಖೋಡಿರ್ ಜಲೋವ್ ವಿರುದ್ಧ ಪೈಪೋಟಿ ನಡೆಸಲಿದ್ದಾರೆ.
• ಕೋವಿಡ್​ 19 ಕಾರಣದಿಂದ ಸೌದಿ ಅರೇಬಿಯಾ ದೇಶವು ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ ಹೇರಿದ್ದ ನಿಷೇಧವನ್ನು ಇಂದಿನಿಂದ ರದ್ದುಗೊಳಿಸಲಿದೆ.