ನೂತನ ಸರಪಂಚ್​ಗೆ 11 ಲಕ್ಷ ರೂಪಾಯಿಯ 500ರ ನೋಟುಗಳ ಹಾರ ಹಾಕಿ ಸಂಭ್ರಮ

ನೂತನ ಸರಪಂಚ್‌ ಆಯ್ಕೆಯಾದ ವ್ಯಕ್ತಿಗೆ 500ರ ನೋಟುಗಳ ಬೃಹತ್​ ಹಾರ ಹಾಕಿ ಸಂಭ್ರಮಿಸಿರುವ ಘಟನೆ ಹರಿಯಾಣದಲ್ಲಿ ನಡೆದಿದೆ.

ಫರಿದಾಬಾದ್: ನೂತನವಾಗಿ ಆಯ್ಕೆಯಾದ ಸರಪಂಚ್‌ಗೆ 500ರ ನೋಟುಗಳಿಂದ ಕೂಡಿದ 11 ಲಕ್ಷ ರೂಪಾಯಿ ಮಾಲೆ ಹಾಕಿ ಸನ್ಮಾನ ಮಾಡಲಾಗಿದೆ. ಹರಿಯಾಣದ ಫರಿದಾಬಾದ್ ಜಿಲ್ಲೆಯ ಫತೇಪುರ್ ತಾಗಾ ಗ್ರಾಮದಲ್ಲಿ ಈ ಘಟನೆ ನಡೆದಿದೆ

ನೂತನ ಸರಪಂಚ್​​ ಆಸ್ ಮೊಹಮ್ಮದ್ ಎಂಬುವರು ಬೃಹತ್​ ಹಾರವಾಗಿದ್ದ ಕಾರಣ ಕಟ್ಟಡದ ಮೊದಲ ಮಹಡಿಯಲ್ಲಿ ನಿಂತಿದ್ದರು. ಶುಕ್ರವಾರ ರಾತ್ರಿ ಆಸ್ ವಿಜಯಿ ಎಂದು ಘೋಷಿಸಿದ ಬಳಿಕ ವಿಶಿಷ್ಟ ಆಚರಣೆ ನಡೆದಿದೆ. ಸ್ಥಳೀಯ ಯುವಕನೊಬ್ಬ ಸರಪಂಚ್​ಗೆ ಹಾರ ಹಾಕಿರುವ ಫೋಟೋ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾನೆ. ಇದೀಗ ಫೋಟೋ ಸಖತ್​ ವೈರಲ್ ಆಗಿದೆ.

500 ನೋಟುಗಳ ಹಾರ ಹಾಕಿ ಸಂಭ್ರಮ

ಗ್ರಾಮಸ್ಥರ ಪ್ರೀತಿಯೇ ನನ್ನ ಗೆಲುವಿಗೆ ಕಾರಣವಾಗಿದೆ. ಜನಸೇವಕನಾಗಿ ಕೆಲಸ ಮಾಡಿ ಆದರ್ಶ ಗ್ರಾಮವನ್ನಾಗಿಸಲು ಎಲ್ಲ ಪ್ರಯತ್ನ ಮಾಡುತ್ತೇನೆ ಎಂದು ಸರಪಂಚ್ ಆಸ್ ಮೊಹಮ್ಮದ್ ಜನತೆಗೆ ಭರವಸೆ ನೀಡಿದ್ದಾರೆ.

ಇದನ್ನೂ ಓದಿ: ಗುಜರಾತ್​ನಲ್ಲಿ 2036ರ ಒಲಿಂಪಿಕ್​, 20 ಲಕ್ಷ ಉದ್ಯೋಗ ಸೃಷ್ಟಿ..ಚುನಾವಣಾ ಪ್ರಣಾಳಿಕೆಯಲ್ಲಿ ಬಿಜೆಪಿ ಬ್ರಹ್ಮಾಸ್ತ್ರ