ನವದೆಹಲಿ: ಕೊರೊನಾದ ರೂಪಾಂತರಿ ಒಮಿಕ್ರಾನ್ ಇಡೀ ಜಗತ್ತನಲ್ಲೇ ತನ್ನ ಹಿಡಿತ ಸಾಧಿಸಿದ ಬೆನ್ನಲ್ಲೇ ಈಗ ವಿಜ್ಞಾನಿಗಳು ದಕ್ಷಿಣ ಫ್ರಾನ್ಸ್ನಲ್ಲಿ ಕೊರೊನಾದ ಹೊಸ ತಳಿಯನ್ನು ಗುರುತಿಸಲಾಗಿದೆ. ಕೊರೊನಾದ ರೂಪಾಂತರಿಗಳು ಸಹ ಮಾನವ ಕುಲಕ್ಕೆ ಕೆಡಕುಂಟು ಮಾಡಲು ಹಾತೊರೆಯುತ್ತಿವೆ. ಹೊಸ ರೂಪಾಂತರವಾದ IHU ಫ್ರಾನ್ಸ್ನಲ್ಲಿ ಕಂಡುಬಂದಿದ್ದು, ಇದು ಬರೋಬ್ಬರಿ 46 ಉಪ ರೂಪಾಂತರಗಳನ್ನು ಹೊಂದಿದೆ ಎಂದು ವಿಜ್ಞಾನಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ.
ಕಂದು ಬಂದಿದ್ದು ಎಲ್ಲಿ?
B.1.640.2 ಎಂಬ ಈ ರೂಪಾಂತರಕ್ಕೆ 'IHU' ಎಂದು ಕರೆಯಲಾಗಿದೆ. ಇದನ್ನು ಫ್ರಾನ್ಸ್‌ನ IHU ಮೆಡಿಟರೇನ್ ಸೋಂಕು ತಜ್ಞರು ಕಂಡುಹಿಡಿದಿದ್ದಾರೆ. ಕನಿಷ್ಠ 12 ಮಂದಿಯಲ್ಲಿ ಈ ಪ್ರಕರಣ ವರದಿಯಾಗಿದೆ. ಆಫ್ರಿಕನ್ ದೇಶದ ಕ್ಯಾಮರೂನ್‌ಗೆ ಸಂಚಾರ ಬೆಳೆಸಿದ್ದವರಲ್ಲಿ ಇದು ವರದಿಯಾಗಿದೆ. ಈ ಸೋಂಕಿನ ಬಗ್ಗೆ ಸಂಶೋಧಕರು ಎಲ್ಲಾ ರೀತಿಯ ಮಾಹಿತಿ ಕಲೆ ಹಾಕಿದ್ದು, ಅದರ ಹರಡುವಿಕೆ ಹಾಗೂ ನಿಯಂತ್ರಣದ ಬಗ್ಗೆ ಮಾಹಿತಿ ನೀಡಿದ್ದಾರೆ.
46 ಉಪ ರೂಪಾಂತರ:
IHU ನಲ್ಲಿ 46 ರೂಪಾಂತರಗಳಿವೆ. ಹಾಗೆಯೇ ಈ ರೂಪಾಂತರದಲ್ಲಿ 14 ಅಮಿನೋ ಆ್ಯಸಿಡ್‌ ಸಬ್ಸಿಟ್ಯೂಷನ್ಸ್‌, N501Y, E484K ಗಳು ಸ್ಪೈಕ್ ಪ್ರೋಟಿನ್‌ನಲ್ಲಿದೆ ಎಂದು ಹೇಳಲಾಗುತ್ತಿದ್ದು, ಈ ರೂಪಾಂತರ ಹೆಚ್ಚು ಅಪಾಯಕಾರಿ ಎಂದು ಕೂಡಾ ವರದಿ ಆಗಿದೆ ಎನ್ನುವುದು ಆತಂಕಕ್ಕೆ ಕಾರಣವಾಗಿದೆ.
ಇದನ್ನೂ ಓದಿ: ದೆಹಲಿಯಲ್ಲಿ ಮತ್ತೆ 5 ಸಾವಿರ ಕೊರೊನಾ ಕೇಸ್.. ಲಾಕ್‌ಡೌನ್‌ ಬದಲು ವೀಕೆಂಡ್ ಕರ್ಫ್ಯೂಗೆ ಮೊರೆ ಹೋದ ಸರ್ಕಾರ
ಈ ರೂಪಾಂತರದಲ್ಲಿರುವ ರೂಪಾಂತರಿಗಳನ್ನು ಅಥವಾ ಮ್ಯೂಟೇಷನ್‌ಗಳನ್ನು ನೋಡಿದಾಗ ಇದು(IHU) ರೂಪಾಂತರಿ ಹೆಚ್ಚು ಅಪಾಯಕಾರಿ ಎಂದು ಕಂಡು ಬರುತ್ತಿದೆ ಎಂದು ಸಂಶೋಧಕರು ಅಭಿಪ್ರಾಯಪಟ್ಟಿದ್ದಾರೆ. ಇದರಲ್ಲಿ N501Y ಮತ್ತು E484K ಸೇರಿದಂತೆ 14 ಅಮೈನೋ ಆಮ್ಲ ಪರ್ಯಾಯಗಳು ಮತ್ತು 9 deletions ಈ ಸ್ಪೈಕ್ ಪ್ರೋಟೀನ್‌ನಲ್ಲಿವೆ. N501Y ಮತ್ತು E484K ರೂಪಾಂತರಗಳು ಈ ಹಿಂದೆ ಬೀಟಾ, ಗಾಮಾ, ಥೀಟಾ ಮತ್ತು ಓಮಿಕ್ರಾನ್ ರೂಪಾಂತರಗಳಲ್ಲಿಯೂ ಕಂಡುಬಂದಿವೆ.
B.1.640.2 ಅನ್ನು ಇಲ್ಲಿಯವರೆಗೆ ಇತರ ದೇಶಗಳಲ್ಲಿ ಗುರುತಿಸಲಾಗಿಲ್ಲ. ಹಾಗೆ ವಿಶ್ವ ಆರೋಗ್ಯ ಸಂಸ್ಥೆ (WHO) ತನಿಖೆಯ ಅಡಿಯಲ್ಲಿ ಈ ರೂಪಾಂತರವನ್ನು ಲೇಬಲ್ ಮಾಡಲಾಗಿದೆ.
ಈ ಸಂಬಂಧ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞ ಎರಿಕ್ ಫೀಗಲ್-ಡಿಂಗ್ ಅವರು ಟ್ವಿಟರ್ನಲ್ಲಿ ಮಾಹಿತಿ ಪೋಸ್ಟ್ ಮಾಡಿದ್ದಾರೆ. ಅದರಲ್ಲಿ ಅವರು ಹೊಸ ರೂಪಾಂತರಗಳು ಹೊರಹೊಮ್ಮುತ್ತಲೇ ಇರುತ್ತವೆ. ಆದರೆ, ಅವುಗಳು ಹೆಚ್ಚು ಅಪಾಯಕಾರಿ ಎಂದು ಅರ್ಥವಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಭಾರತದಲ್ಲಿ ಇದುವರೆಗೆ 23 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಒಮಿಕ್ರಾನ್ ರೂಪಾಂತರದ ಒಟ್ಟು 1,892 ಪ್ರಕರಣಗಳು ವರದಿಯಾಗಿವೆ.
