ನವದೆಹಲಿ : ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆಯ ಅಧಿಕೃತ ಟ್ವಿಟರ್ ಖಾತೆ ಹ್ಯಾಕ್ ಆಗಿದೆ ಎಂದು ಎನ್ಡಿಆರ್ಎಫ್ ಡೈರೆಕ್ಟರ್ ಜನರಲ್ ಅತುಲ್ ಕರ್ವಾಲ್ ಭಾನುವಾರ ಮಾಹಿತಿ ನೀಡಿದ್ದಾರೆ.
ಜನವರಿ 19ರಂದು 17ನೇ ಸಂಸ್ಥಾಪನಾ ದಿನವನ್ನು ಎನ್ಡಿಆರ್ಎಫ್ ಆಚರಿಸಿಕೊಂಡಿದೆ. ಅದಾದ ಕೆಲವೇ ದಿನಗಳಲ್ಲಿ ಅಂದರೆ ಶನಿವಾರ ಟ್ವಿಟರ್ ಖಾತೆಯನ್ನು ಹ್ಯಾಕ್ ಮಾಡಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಎಎನ್ಐಗೆ ಮಾಹಿತಿ ನೀಡಿರುವ ಎನ್ಡಿಆರ್ಫ್ ಡಿಜಿ, ನಾವು ಹ್ಯಾಕ್ ಆಗಿರುವ ಖಾತೆಯನ್ನು ಸರಿಪಡಿಸಲು ಮುಂದಾಗಿದ್ದೇವೆ. ಹ್ಯಾಕ್ ಆಗಿರುವ ಖಾತೆಯಿಂದ ಯಾವುದೇ ಟ್ವೀಟ್ ಮಾಡಲಾಗಿಲ್ಲ. ಬೇರೆ ಟ್ವಿಟರ್ ಖಾತೆಗಳಂತೆ ಸಾಮಾನ್ಯವಾಗಿ ಕಾರ್ಯನಿರ್ವಹಿಸುತ್ತಿಲ್ಲ ಎಂದಿದ್ದಾರೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಗೃಹ ಸಚಿವಾಲಯದ ಅಡಿಯಲ್ಲಿ 2006ರಲ್ಲಿ ಸ್ಥಾಪನೆ ಮಾಡಲಾದ ಎನ್ಡಿಆರ್ಎಫ್ ಈವರೆಗೆ 1.44 ಲಕ್ಷ ಮಂದಿಯನ್ನು ರಕ್ಷಿಸಿದ್ದಾರೆ. ಇದರ ಜೊತೆಗೆ ಏಳು ಲಕ್ಷಕ್ಕೂ ಹೆಚ್ಚು ಮಂದಿಯನ್ನು ನೈಸರ್ಗಿಕ ವಿಕೋಪ ಪೀಡಿತ ಪ್ರದೇಶಗಳಿಂದ ಸ್ಥಳಾಂತರ ಮಾಡಿದೆ.
ದೇಶದೊಳಗೆ ಮಾತ್ರವಲ್ಲದೇ ವಿದೇಶಗಳಲ್ಲೂ ಎನ್ಡಿಆರ್ಎಫ್ ಕಾರ್ಯನಿರ್ವಹಿಸಿದೆ. ಜಪಾನ್ನಲ್ಲಿ 2011ರಲ್ಲಿ ನಡೆದ ಅತಿ ದೊಡ್ಡ ದುರಂತದ ವೇಳೆ ಮತ್ತು 2015ರಲ್ಲಿ ನೇಪಾಳದಲ್ಲಿ ನಡೆದ ಭೂಕಂಪದ ವೇಳೆ ಎನ್ಡಿಆರ್ಎಫ್ ರಕ್ಷಣೆಗೆ ಧಾವಿಸಿತ್ತು.
ಇದನ್ನೂ ಓದಿ: ನೇತಾಜಿಯವರ 125ನೇ ಜನ್ಮವಾರ್ಷಿಕೋತ್ಸವ: ಮರಳು ಕಲಾಕೃತಿ ಮೂಲಕ ಗೌರವ