ನವಜಾತ ಶಿಶುವಿನೊಂದಿಗೆ ಕಲಾಪಕ್ಕೆ ಹಾಜರಾದ ಎನ್​ಸಿಪಿ ಶಾಸಕಿ!

ಚಳಿಗಾಲದ ಅಧಿವೇಶನ ಇಂದು ನಾಗ್ಪುರದಲ್ಲಿ ಆರಂಭವಾಗಿದ್ದು, ಎನ್​ಸಿಪಿ ಶಾಸಕಿಯೊಬ್ಬರು ತಮ್ಮ ಪುಟ್ಟ ಶಿಶುವಿನೊಂದಿಗೆ ಕಲಾಪಕ್ಕೆ ಹಾಜರಾಗಿದ್ದಾರೆ.

ನಾಗ್ಪುರ್ (ಮಹಾರಾಷ್ಟ್ರ): ಮಹಾರಾಷ್ಟ್ರ ವಿಧಾನಮಂಡಳದ ಚಳಿಗಾಲದ ಅಧಿವೇಶನ ಇಂದು ನಾಗ್ಪುರದಲ್ಲಿ ಆರಂಭವಾಗಿದ್ದು, ಎನ್​ಸಿಪಿ ಶಾಸಕಿಯೊಬ್ಬರು ತಮ್ಮ ಪುಟ್ಟ ಶಿಶುವಿನೊಂದಿಗೆ ಕಲಾಪಕ್ಕೆ ಹಾಜರಾಗಿದ್ದಾರೆ. ಎನ್​ಸಿಪಿ ಶಾಸಕಿ ಸರೋಜ್ ಬಾಬುಲಾಲ್ ಅಹಿರೆ ಇವರು ತಮ್ಮ 2 ತಿಂಗಳ ಕೂಸನ್ನು ಎತ್ತಿಕೊಂಡು ಕಲಾಪಕ್ಕೆ ಆಗಮಿಸಿದ್ದು ಗಮನಸೆಳೆಯಿತು.

ಕಲಾಪಕ್ಕೂ ಮುನ್ನ ಮಾಧ್ಯಮಗಳೊಂದಿಗೆ ಮಾತನಾಡಿದ ಶಾಸಕಿ ಸರೋಜ್, ಕೋವಿಡ್​ನಿಂದಾಗಿ ಕಳೆದ ಎರಡೂವರೆ ವರ್ಷಗಳಿಂದ ನಾಗ್ಪುರದಲ್ಲಿ ಅಧಿವೇಶನ ನಡೆದಿಲ್ಲ. ಆದರೆ ಈ ಬಾರಿ ನಡೆಯುತ್ತಿದೆ. ನಾನೀಗ ತಾಯಿಯಾಗಿದ್ದೇನೆ. ಆದರೆ ನನ್ನ ಮತದಾರರ ಪ್ರಶ್ನೆಗಳಿಗೆ ಉತ್ತರ ಪಡೆಯುವ ಸಲುವಾಗಿ ಕಲಾಪಕ್ಕೆ ಆಗಮಿಸಿದ್ದೇನೆ ಎಂದರು.

ಕಳೆದ ಸೆಪ್ಟೆಂಬರ್ 30 ರಂದು ಶಾಸಕಿ ಸರೋಜ್ ಅಹಿರೆ ಮಗುವಿಗೆ ಜನ್ಮ ನೀಡಿದ್ದಾರೆ.

ಇದನ್ನೂ ಓದಿ: ಮನೆಗೆ ಬಂದ ಮಹಾಲಕ್ಷ್ಮಿ: ಬ್ಯಾಂಡ್​ ವಾದ್ಯಗಳೊಂದಿಗೆ ಕಂದಮ್ಮನ ಸ್ವಾಗತಿಸಿದ ಕುಟುಂಬ