ಗೀಸರ್​ ಹೊರಸೂಸಿದ ವಿಷಾನಿಲ ಸೇವಿಸಿ ಏರ್​ ಇಂಡಿಯಾ ಹಿರಿಯ ಲೇಡಿ ಪೈಲಟ್​ ಸಾವು

ಪೈಲಟ್​ ರಶ್ಮಿ ಸಾವಿನಿಂದ ಅವರ ಕುಟುಂಬದಲ್ಲಿ ಸೂತಕದ ಛಾಯೆ ಆವರಿಸಿದೆ. ರಶ್ಮಿ ಅವರ ತಂದೆ ಹಿರಿಯ ಸಾಹಿತಿಯಾಗಿದ್ದರೆ, ತಾಯಿ ನಿವೃತ್ತ ಅರಣ್ಯಾಧಿಕಾರಿಯಾಗಿದ್ದಾರೆ. ಇದಲ್ಲದೇ, ನಾಸಿಕ್‌ನಲ್ಲಿ 15 ದಿನಗಳ ಅವಧಿಯಲ್ಲಿ ಗೀಸರ್​ಗೆ ಇಬ್ಬರು ಬಲಿಯಾಗಿದ್ದಾರೆ..

ಹೈದರಾಬಾದ್ ​: ಗೀಸರ್ ಹೊರಸೂಸಿದ ವಿಷಾನಿಲ ಸೇವನೆಯಿಂದ ಮಹಿಳಾ ಪೈಲಟ್​ ಒಬ್ಬರು ಸ್ನಾನದ ಮನೆಯಲ್ಲಿಯೇ ಕುಸಿದು ಬಿದ್ದು ಮೃತಪಟ್ಟ ಘಟನೆ ಮಹಾರಾಷ್ಟ್ರದ ನಾಸಿಕ್​ನಲ್ಲಿ ನಡೆದಿದೆ. ರಶ್ಮಿ ಪರಾಗ್​ ಗೈಧಾನಿ(49) ಮೃತಪಟ್ಟ ದುರ್ದೈವಿಯಾಗಿದ್ದಾರೆ.

ಮುಂಬೈನಲ್ಲಿ ಏರ್​ ಇಂಡಿಯಾದ ಹಿರಿಯ ಪೈಲಟ್​ ಆಗಿದ್ದ ರಶ್ಮಿ ಪರಾಗ್​ ಅವರು ಸ್ನಾನ ಮಾಡುತ್ತಿದ್ದಾಗ ಗೀಸರ್​ನಿಂದ ವಿಷಾನಿಲ ಸೋರಿಕೆಯಾಗಿದೆ. ಇದರ ಸೇವನೆಯಿಂದ ರಶ್ಮಿ ಅವರು ಅಲ್ಲಿಯೇ ಪ್ರಜ್ಞೆ ಕಳೆದುಕೊಂಡು ಬಿದ್ದಿದ್ದಾರೆ.

ಬಳಿಕ ಆಕೆಯ ಕುಟುಂಬಸ್ಥರು ಇಲ್ಲಿನ ಹುಟಾಹುತಿ ಜಿಲ್ಲಾಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ, ತಪಾಸಣೆ ವೇಳೆ ರಶ್ಮಿ ಪರಾಗ್​ ಮೃತಪಟ್ಟಿದ್ದಾರೆ ಎಂದು ವೈದ್ಯರು ದೃಢಪಡಿಸಿದ್ದಾರೆ.

ಪೈಲಟ್​ ರಶ್ಮಿ ಸಾವಿನಿಂದ ಅವರ ಕುಟುಂಬದಲ್ಲಿ ಸೂತಕದ ಛಾಯೆ ಆವರಿಸಿದೆ. ರಶ್ಮಿ ಅವರ ತಂದೆ ಹಿರಿಯ ಸಾಹಿತಿಯಾಗಿದ್ದರೆ, ತಾಯಿ ನಿವೃತ್ತ ಅರಣ್ಯಾಧಿಕಾರಿಯಾಗಿದ್ದಾರೆ. ಇದಲ್ಲದೇ, ನಾಸಿಕ್‌ನಲ್ಲಿ 15 ದಿನಗಳ ಅವಧಿಯಲ್ಲಿ ಗೀಸರ್​ಗೆ ಇಬ್ಬರು ಬಲಿಯಾಗಿದ್ದಾರೆ.

ಓದಿ: ಮಹಿಳಾ ಕಾನ್​ಸ್ಟೇಬಲ್​​ಗಳ ಬಟ್ಟೆಗಾಗಿ ಅಳತೆ ತೆಗೆದುಕೊಂಡ ಟೈಲರ್​.. ವಿಡಿಯೋ ವೈರಲ್​​.