ವಾರಣಾಸಿ: 17 ಜನ ವಿದೇಶಿ ಪ್ರವಾಸಿಗರನ್ನು ಹೊತ್ತ ವಿಲಾಸಿ ಎ.ವಿ.ರಾಜ್ಮಹಲ್ ಕ್ರೂಸ್ ಮಂಗಳವಾರ ರಾತ್ರಿ ಕಾಶಿ ತಲುಪಲಿದೆ. ಕೋಲ್ಕತ್ತಾದಿಂದ ಹೊರಟ ಕ್ರೂಸ್ ಸೋಮವಾರ ರಾತ್ರಿಯಿಡೀ ಗಾಜಿಪುರದಲ್ಲಿ ತಂಗಿತ್ತು. ವಾರಣಾಸಿಗೆ ಬಂದ ಬಳಿಕ ಪ್ರವಾಸಿಗರು ಕಾಶಿಗೆ ಭೇಟಿ ನೀಡಲಿದ್ದಾರೆ. ಇಲ್ಲಿ ಐದು ದಿನ ಪ್ರವಾಸ ಮಾಡಲಿದ್ದಾರೆ.
ವಾರಣಾಸಿಯಲ್ಲಿ ಅನೇಕ ವಿಶೇಷ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಆಗಸ್ಟ್ 25, 26 ಮತ್ತು 27 ರಂದು ಮೂರು ದಿನಗಳ ಕಾಲ ಈ ಕಾರ್ಯಕ್ರಮಗಳು ನಡೆಯಲಿವೆ. ವಾರಣಾಸಿಯ ಅನೇಕ ಪ್ರವಾಸಿ ತಾಣಗಳಿಗೂ ಭೇಟಿ ನೀಡಲಿದ್ದು, ಆಗಸ್ಟ್ 29ರಂದು ಕ್ರೂಸ್ ಮರಳಲಿದೆ.
ವಾಟರ್ವೇಸ್ ಅಥಾರಿಟಿ ಆಫ್ ಇಂಡಿಯಾ ಈ ಕ್ರೂಸ್ ನಿರ್ವಹಣೆ ಮಾಡುತ್ತಿದೆ. ವಿದೇಶಿ ಪ್ರಜೆಗಳು ಭಾರತದ ಜಲಮೂಲಗಳನ್ನು ಪರಿಚಯಿಸುವ ಉದ್ದೇಶದಿಂದ ಈ ಕ್ರೂಸ್ ವ್ಯವಸ್ಥೆ ಮಾಡಲಾಗಿದೆ. ಎಂ.ವಿ.ರಾಜ್ಮಹಲ್ ಕ್ರೂಸ್ ಕೋಲ್ಕತ್ತಾದಿಂದ ವಾರಣಾಸಿಗೆ ಪ್ರಯಾಣ ನಡೆಸಲಿದೆ. ಬಿಹಾರ ಮತ್ತು ಗಾಜಿಪುರ್ ಮಾರ್ಗವಾಗಿ ಸಂಚರಿಸಲಿದೆ.
14 ದಿನಗಳ ಬಳಿಕ ವಾರಣಾಸಿಗೆ: ಕೋಲ್ಕತ್ತಾದಿಂದ ಆಗಸ್ಟ್ 6ರಂದು ಆರಂಭವಾದ ಕ್ರೋಸ್ ಪಾಟ್ನಾ ಮತ್ತು ಫರಕ್ಕಾ ಮೂಲಕ 14 ದಿನದ ನಂತರ ವಾರಣಾಸಿ ತಲುಪಿದೆ ಎಂದು ಬಿಹಾರ ಪ್ರವಾಸೋದ್ಯಮ ಇಲಾಖೆ ಅಧಿಕಾರಿ ಅಜಿತ್ ಕುಮಾರ್ ಮಾಹಿತಿ ನೀಡಿದರು. ಒಟ್ಟು 17 ಮಂದಿ ಪ್ರವಾಸಿಗರಿದ್ದಾರೆ. ಎರಡು ಶಿಫ್ಟ್ ಕ್ರೂಸ್ನಲ್ಲಿ ದೆಹಲಿಯಿಂದ ಕೂಡ ಪ್ರವಾಸಿಗರು ಬರಲಿದ್ದಾರೆ. ವಾರಣಾಸಿ ತಲುಪಿದ ಬಳಿಕ ಪ್ರವಾಸಿಗರು ಇಲ್ಲಿನ ಸ್ಥಳೀಯ ಕ್ಷೇತ್ರಗಳಿಗೆ ಪ್ರವಾಸ ನೀಡಲಿದ್ದಾರೆ ಎಂದರು.
ಆಗಸ್ಟ್ 25, 26 ಮತ್ತು 27 ರಂದು ಮೂರು ದಿನ ವಿವಿಧ ವರ್ಣರಂಜಿತ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಆಗಸ್ಟ್ 25ರಂದು ಕ್ರೂಸ್ನಲ್ಲೇ ಕಾರ್ಯಕ್ರಮ ಇರಲಿದ್ದು, ಆಗಸ್ಟ್ 26ರಂದು ಚುನಾರ್ ಕೋಟೆಗೆ ಪ್ರವಾಸಿಗರು ಭೇಟಿ ನೀಡುವರು. ಇದೇ ವೇಳೆ ಮಿರ್ಜಾಪುರ್ಗೂ ಪ್ರವಾಸಿಗರು ಭೇಟಿ ನೀಡಲಿದ್ದಾರೆ. ಆಗಸ್ಟ್ 27ರಂದು ಸಾರಾನಾಥದ ವಸ್ತು ಸಂಗ್ರಹಾಲಯ, ಬುದ್ಧ ಪ್ರವಚನ ನೀಡಿದ ಸ್ಥಳಕ್ಕೆ ಭೇಟಿ ನೀಡಲಿದ್ದಾರೆ. ಐದು ದಿನಗಳ ಬಳಿಕ ಅಂದರೆ ಆಗಸ್ಟ್ 29ರಂದು ಕೋಲ್ಕತ್ತಾಕ್ಕೆ ಕ್ರೂಸ್ ಮರಳಲಿದೆ.
ಕ್ರೂಸ್ನ ವಿಶೇಷತೆ: ರಾಜ್ಮಹಲ್ ಕ್ರೂಸ್ನಲ್ಲಿ 22 ದೊಡ್ಡ ಎಸಿ ರೂಂಗಳಿದ್ದು, 40 ಜನರು ತಂಗಬಹುದು. ಇದರ ಹೊರತಾಗಿ ಡೈನಿಂಗ್ ಹಾಲ್, ಸ್ಟಾಫ್ ರೂಂ, ರೆಸ್ಟೋ ಬಾರ್, ಸಲೂನ್ ಮತ್ತು ಸ್ಪಾ ಕೂಡ ಇರಲಿದೆ. ಮೂರು ಹಂತದ ಕ್ರೂಡನ ಮುಖ್ಯ ಡೆಕ್ ಹೌಸ್ನಲ್ಲಿ ಗ್ಯಾಲರಿ, ಡೈನಿಂಗ್ ಹಾಲ್ ಮತ್ತು ಸ್ಪಾ, ಕಚೇರಿಗಳಿವೆ. ಕ್ರೂಸ್ನಲ್ಲಿ ಇಂಟರ್ ಕಮ್ಯೂನಿಕೇಷನ್ ಟೆಲಿಫೋನ್ ಹೊಂದಿದ್ದು, ಪ್ರತಿ ಕ್ಯಾಬಿನ್ನಲ್ಲಿ ಮಿನಿ ಬಾರ್ ಇದ್ದು, ಅಂತಾರಾಷ್ಟ್ರೀಯ ಗುಣಮಟ್ಟದ ರೂಂಗಳಿವೆ. ಈ ಕ್ರೂಸ್ನಲ್ಲಿ 13 ಬ್ರಿಟಿಷರು, 3 ಜರ್ಮನ್ ಮತ್ತು 2 ಭಾರತೀಯ ಪ್ರವಾಸಿಗರಿದ್ದಾರೆ.
ಇದನ್ನೂ ಓದಿ: Sunny Deol: 2024ರ ಲೋಕಸಭಾ ಚುನಾವಣೆಗೆ ಸ್ಪರ್ಧಿಸಲ್ಲ.. ನಟ, ಸಂಸದ ಸನ್ನಿ ಡಿಯೋಲ್ ಘೋಷಣೆ
