ನವದೆಹಲಿ: ಜರ್ಮನಿಯ ಕಾರು ತಯಾರಕ ಮರ್ಸಿಡಿಸ್ ಬೆಂಜ್ ಮಂಗಳವಾರ ಭಾರತೀಯ ಮಾರುಕಟ್ಟೆಗೆ ಅಲ್ಟ್ರಾ-ಐಷಾರಾಮಿ ಎಸ್‌ಯುವಿ ಸರಣಿಯ ಮರ್ಸಿಡಿಸ್-ಮೇಬ್ಯಾಕ್ ಜಿಎಲ್‌ಎಸ್ 600 4ಮ್ಯಾಟಿಕ್ ಪರಿಚಯಿಸಿದೆ.
ಇದರ ಬೆಲೆ 2.43 ಕೋಟಿ ರೂ. (ಎಕ್ಸ್ ಶೋ ರೂಂ). ಅಲ್ಟ್ರಾ ಐಷಾರಾಮಿ ‘ಮರ್ಸಿಡಿಸ್-ಮೇಬ್ಯಾಕ್’ ಶ್ರೇಣಿಯಲ್ಲಿ ಇದು ಮೊದಲ ಎಸ್‌ಯುವಿ ಮತ್ತು ಮರ್ಸಿಡಿಸ್-ಮೇಬ್ಯಾಕ್ ಎಸ್-ಕ್ಲಾಸ್ ನಂತರ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿರುವ ಮುಂದಿನ ಕಾರು ಎಂದು ಮರ್ಸಿಡಿಸ್ ಬೆಂಜ್ ಇಂಡಿಯಾ ತಿಳಿಸಿದೆ.
ಓದಿ: ಆರಂಭಿಕ ಕುಸಿತದಿಂದ ಚೇತರಿಸಿಕೊಂಡ ಷೇರುಪೇಟೆ: ಸೆನ್ಸೆಕ್ಸ್ ಅಲ್ಪ ಜಿಗಿತ
‘ಐಷಾರಾಮಿ ಎಸ್‌ಯುವಿ ವಿಭಾಗದಲ್ಲಿ’ ಗ್ರಾಹಕರ ನಿರೀಕ್ಷೆಗಳನ್ನು ಪೂರೈಸಲು ನಾವು ಜಿಎಲ್‌ಎಸ್ 600 4ಮ್ಯಾಟಿಕ್ ತರುತ್ತೇವೆ ಎಂದು ಮರ್ಸಿಡಿಸ್ ಬೆಂಜ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಮಾರ್ಟಿನ್ ಶ್ವೆಂಕ್ ಹೇಳಿದರು.
ಇದು ವಿ8 3,982 ಸಿಸಿ ಪೆಟ್ರೋಲ್ ಎಂಜಿನ್ನಿಂದ ನಿಯಂತ್ರಿಸಲ್ಪಡುತ್ತದೆ. ಇದರ ಅನನ್ಯತೆಯೆಂದರೆ, 4.9 ಸೆಕೆಂಡುಗಳಲ್ಲಿ 100 ಕಿ.ಮೀ ವೇಗ ತಲುಪಬಲ್ಲದು. ಇದು ಗಂಟೆಗೆ ಗರಿಷ್ಠ 250 ಕಿ.ಮೀ ವೇಗದಲ್ಲಿ ಚಲಿಸಬಹುದು.
