ನಾಗ್ಪುರ(ಮಹಾರಾಷ್ಟ್ರ): ಹೆರಿಗೆ ಸಮಯದಲ್ಲಿ ಕೋವಿಡ್ ಸೋಂಕಿತ ಮಹಿಳೆಯೋರ್ವರು ಮೃತಪಟ್ಟಿದ್ದಾರೆ. ಇನ್ನೊಂದೆಡೆ ಆಕೆ ಹೆತ್ತ ಮಗು ಹಾಲಿಗಾಗಿ ಹಸಿವಿನಿಂದ ಕಂಗೆಟ್ಟು ಅಳುತ್ತಿತ್ತು. ಆ ದೃಶ್ಯ ನೊಡಲಾಗದೆ ಅಲ್ಲಿದ್ದ ಹಲವಾರು ತಾಯಂದಿರು ಹಸುಳೆಗೆ ಎದೆಹಾಲು ನೀಡಲು ಮುಂದೆ ಬಂದರು. ಈ ಅಪರೂಪದ ಘಟನೆ ಮಹಾರಾಷ್ಟ್ರದ ನಾಗ್ಪುರದಲ್ಲಿ ನಡೆಯಿತು.
ನಾಗ್ಪುರದ ಮೀನಲ್ ವರ್ನೇಕರ್ ಅವರಿಗೆ ಥಾಣೆಯ ಚೇತನ್ ಎಂಬವರ ಜೊತೆ ವಿವಾಹವಾಗಿತ್ತು. ವಿವಾಹದ ಬಳಿಕ ಸತಿ-ಪತಿ ಇಬ್ಬರೂ ಥಾಣೆಯಲ್ಲಿಯೇ ವಾಸಿಸುತ್ತಿದ್ದರು. ಈ ನಡುವೆ ಗರ್ಭವತಿಯಾದ ಮೀನಲ್ ತನ್ನ ತಾಯಿ ಮನೆಗೆ ಬಂದಿದ್ದಾರೆ. ಆದ್ರೆ ಆಕೆ 8 ತಿಂಗಳ ಗರ್ಭಿಣಿಯಾಗಿರುವಾಗಲೇ ಆಕೆಗೆ ಕೊರೊನಾ ಸೋಂಕಿತ್ತು. ತಕ್ಷಣವೇ ಆಕೆಯನ್ನು ಪೋಷಕರು ಅಲ್ಲಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದರು.
ಆದ್ರೆ ಆಕೆ ಪ್ರಸವ ಸಂದರ್ಭದಲ್ಲಿ ಹೃದಯಾಘಾತವಾಗಿ ಸಾವನ್ನಪ್ಪಿದ್ದಾರೆ. ತಕ್ಷಣವೇ ವೈದ್ಯರು ಆಪರೇಷನ್ ಮಾಡಿ ಮಗುವನ್ನು ಬದುಕಿಸುವಲ್ಲಿ ಸಫಲರಾದರು.
ಇನ್ನು ಮರಣಕ್ಕೂ ಮುನ್ನ ತನಗೆ ಹುಟ್ಟುವ ಮಗುವಿಗೆ ಇವಾನ್ ಅನ್ನೋ ಹೆಸರಿಡಬೇಕೆಂದು ಆಕೆ ಆಶಿಸಿದ್ದಳು ಎಂದು ವೈದ್ಯರು ತಿಳಿಸಿದ್ದಾರೆ. ಆಪರೇಷನ್ ಬಳಿಕ ಇವಾನ್ ತಾಯಿ ಹಾಲು ಮಾತ್ರವೇ ಕುಡಿಯಬೇಕೆಂದು ಹೇಳಿದ್ದರಂತೆ. ಈ ಸಂದರ್ಭ ಅನೇಕ ತಾಯಂದಿರು ಇವಾನ್ಗೆ ಎದೆಹಾಲು ನೀಡಲು ಮುಂದೆ ಬಂದಿದ್ದಾರೆ. ಪ್ರಸ್ತುತ ಇವಾನ್ ಆರೋಗ್ಯವಾಗಿದ್ದು, ಇನ್ನೆರಡು ತಿಂಗಳವರೆಗೆ ಆತನಿಗೆ ತಾಯಿ ಹಾಲು ಮಾತ್ರವೇ ನೀಡಬೇಕೆಂದು ವೈದ್ಯರು ಸೂಚಿಸಿದ್ದಾರೆ.
ಇದನ್ನೂ ಓದಿ: ಮಟನ್ ಶಾಪ್ಗೆ ಸೋನು ಸೂದ್ ಹೆಸರು: ಅಂಗಡಿ ಮಾಲೀಕನಿಗೆ 'ರಿಯಲ್‌ ಹೀರೋ' ಹೇಳಿದ್ದಿಷ್ಟು..
