ರಾಂಚಿ(ಜಾರ್ಖಂಡ್) : ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಸದ್ಯ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಮಾತ್ರ ಭಾಗಿಯಾಗ್ತಿದ್ದು, ಉಳಿದ ಸಂದರ್ಭದಲ್ಲಿ ಫಾರ್ಮ್ಹೌಸ್ನಲ್ಲಿ ಕಾಲ ಕಳೆಯುತ್ತಿರುತ್ತಾರೆ. ಈ ವೇಳೆ ಡೈರಿ ಉತ್ಪನ್ನಗಳ ಬಗ್ಗೆ ಹೆಚ್ಚಿನ ಒಲವು ಹೊಂದಿರುವ ಮಾಹಿ, ತಮ್ಮ ಫಾರ್ಮ್ ಹೌಸ್ನಲ್ಲಿ ಡೈರಿ ಕೂಡ ಓಪನ್ ಮಾಡಿದ್ದಾರೆ.
ಆರಂಭದಲ್ಲಿ ಕೇವಲ 25-30 ಸುಧಾರಿತ ಹಸು ಹೊಂದಿದ್ದ ಮಹೇಂದ್ರ ಸಿಂಗ್ ಧೋನಿ, ಇದೀಗ ಅದರ ಸಂಖ್ಯೆ 130ಕ್ಕೆ ಏರಿಕೆ ಮಾಡಿಕೊಂಡಿದ್ದಾರೆ.
ರಾಂಚಿಯಿಂದ ಸುಮಾರು 18 ಕಿಲೋ ಮೀಟರ್ ದೂರದಲ್ಲಿರುವ ಸ್ಯಾಂಬೋದಲ್ಲಿನ ಫಾರ್ಮ್ಹೌಸ್ನಲ್ಲಿ ಫ್ರಿಜೆನ್, ಸ್ವರ್ಣಗಿರಿ ಮತ್ತು ಸಹಿವಾಲ್ ಹಸುಗಳು ಇದ್ದು, ಪ್ರತಿ ದಿನ 500 ಲೀಟರ್ ಹಾಲು ನೀಡುತ್ತವೆ. ಡೈರಿ ಹೌಸ್‌ನಿಂದ ಮಾರ್ಕೆಟಿಂಗ್ವರೆಗೆ ಎಲ್ಲ ಜವಾಬ್ದಾರಿ ಮಾಹಿ ನೋಡಿಕೊಳ್ಳುತ್ತಾರೆ.
ಇದನ್ನೂ ಓದಿರಿ: 14 ಟಿ20, 4 ಟೆಸ್ಟ್ ಸೇರಿ 3 ಏಕದಿನ ಪಂದ್ಯ: 2021-22ನೇ ಸಾಲಿನ ಟೀಂ ಇಂಡಿಯಾ ವೇಳಾಪಟ್ಟಿ ರಿಲೀಸ್
ಪ್ರತಿದಿನ ಬೆಳಗ್ಗೆ ಹಾಗೂ ಸಂಜೆ ಧೋನಿಯ ಫಾರ್ಮ್ಹೌಸ್ನಿಂದ ವಿವಿಧ ನಗರಗಳಿಗೆ ಹಾಲು ರವಾನೆಯಾಗ್ತಿದೆ. ಪ್ರತಿ ಲೀಟರ್ ಹಾಲಿಗೆ 55 ರಿಂದ 130 ರೂಪಾಯಿ ನಿಗದಿಯಾಗಿದೆ. ವಿಶೇಷವೆಂದರೆ ಗ್ರಾಹಕರ ಮನೆಗೆ ಹಾಲು ತಲುಪಿಸಲಾಗುತ್ತಿದೆ ಎಂದು ಆಯೋಜಕರಾದ ಸುಮನ್ ಯಾದವ್ ತಿಳಿಸಿದ್ದಾರೆ.
ಡೈರಿ ಫಾರ್ಮ್ನಿಂದ ಅನೇಕರಿಗೆ ಕೆಲಸ : ನಮೋ ಫಾರ್ಮ್ ಹೌಸ್ ಹಾಗೂ ಡೈರಿಯಲ್ಲಿ ಪ್ರತಿದಿನ ಅನೇಕರು ಕೆಲಸ ಮಾಡ್ತಿದ್ದು, ಕೆಲವರು ಡೈರಿ ನೋಡಿಕೊಳ್ಳುತ್ತಿದ್ದಾರೆ. ಇನ್ನು ಕೆಲವರು ಕೋಳಿ ಫಾರ್ಮ್ ಹಾಗೂ ತರಕಾರಿ ಬೆಳೆಗಳ ಗದ್ದೆಯಲ್ಲಿ ಕೆಲಸ ಮಾಡ್ತಾರೆ.
