ಸೋಮಾಲಿಯಾಕ್ಕೆ ಮೇಡ್​​-ಇನ್​​-ಇಂಡಿಯಾ ಲಸಿಕೆ ರವಾನೆ

ಈಗಾಗಲೇ ವಿಶ್ವದ 25 ರಾಷ್ಟ್ರಗಳಿಗೆ ಭಾರತದಲ್ಲಿ ತಯಾರಾದ ಲಸಿಕೆ ಹಸ್ತಾಂತರವಾಗಿದೆ. ಇದಲ್ಲದೆ ಇನ್ನೂ 49 ರಾಷ್ಟ್ರಗಳಿಗೆ ಈ ಲಸಿಕೆ ಮುಂದಿನ ದಿನಗಳಲ್ಲಿ ಹಸ್ತಾಂತರವಾಗಲಿದೆ.

ನವದೆಹಲಿ: ಕೊರೊನಾ ವಿರುದ್ಧದ ಹೋರಾಟದಲ್ಲಿ ಭಾರತದ ನೆರವಿನ ಹಸ್ತ ಮುಂದುವರೆದಿದ್ದು, ಸೊಮಾಲಿಯಾಗೆ ಕೋವಿಡ್ ಲಸಿಕೆ ವಿತರಿಸಲು ಸರಕು ವಿಮಾನ ತೆರಳಿದೆ.

ಈ ಕುರಿತು ಟ್ವಿಟರ್​​​ನಲ್ಲಿ ಮಾಹಿತಿ ಹಂಚಿಕೊಂಡಿರುವ ವಿದೇಶಾಂಗ ಸಚಿವ ಎಸ್. ಜೈಶಂಕರ್, ಮೇಡ್​​ ಇನ್ ಇಂಡಿಯಾ ಲಸಿಕೆ ಸೋಮಾಲಿಯಾ ತಲುಪಿದೆ ಎಂದಿದ್ದಾರೆ. ‘ಮೈತ್ರಿ’ ಅಭಿಯಾನದಡಿಯಲ್ಲಿ ಭಾರತದಲ್ಲಿ ತಯಾರಾದ ಕೊರೊನಾ ಲಸಿಕೆಯು ನೆರೆರಾಷ್ಟ್ರಗಳಿಗೆ ನೆರವಿನ ಹಸ್ತವಾಗಿ ತಲುಪುತ್ತಿದೆ.

ವಿಶ್ವದಾದ್ಯಂತ 25 ರಾಷ್ಟ್ರಗಳು ಈಗಾಗಲೇ ಮೇಡ್-ಇನ್ ಇಂಡಿಯಾ ಲಸಿಕೆಗಳನ್ನು ಸ್ವೀಕರಿಸಿದ್ದು, ಮುಂದಿನ ದಿನಗಳಲ್ಲಿ ಯುರೋಪ್, ಲ್ಯಾಟಿನ್ ಅಮೆರಿಕ ಮತ್ತು ಕೆರಿಬಿಯನ್​​​ನಿಂದ ಆಫ್ರಿಕಾ, ಆಗ್ನೇಯ ಏಷ್ಯಾ ಮತ್ತು ಪೆಸಿಫಿಕ್ ದ್ವೀಪಗಳವರೆಗೆ ಇನ್ನೂ 49 ದೇಶಗಳಿಗೆ ಲಸಿಕೆ ಪೂರೈಸಲಾಗುವುದು ಎಂದು ಸರ್ಕಾರ ಮಾಹಿತಿ ನೀಡಿದೆ.

ಇದನ್ನೂ ಓದಿ: ಮರಣೋತ್ತರ ಪರೀಕ್ಷೆಗಾಗಿ ಚೀಲದೊಳಗೆ ಶವ ಹೊತ್ತೊಯ್ದ ತಂದೆ