ಪಾಕಿಸ್ತಾನ್: ಖಲಿಸ್ತಾನ್ ಕಮಾಂಡೋ ಫೋರ್ಸ್ ಭಯೋತ್ಪಾದಕ ಪರಮ್ಜಿತ್ ಸಿಂಗ್ ಪಂಜ್ವಾಡ್ನನ್ನು ಲಾಹೋರ್‌ನ ಸನ್‌ಫ್ಲವರ್ ಸೊಸೈಟಿ ಜೋಹರ್ ಟೌನ್‌ನಲ್ಲಿ ಶನಿವಾರ ಹತ್ಯೆ ಮಾಡಲಾಗಿದೆ. ಪಂಜ್ವಾಡ್ ಸಿಖ್ ದಂಗೆ, ಕೊಲೆ, ಪಿತೂರಿ ಮತ್ತು ಶಸ್ತ್ರಾಸ್ತ್ರ ಕಳ್ಳಸಾಗಣೆ ಕೇಸ್ಗಳಲ್ಲಿ ಭಾರತಕ್ಕೆ ಬೇಕಾಗಿದ್ದ. ಈತ ಲೂಧಿಯಾನದ ಬ್ಯಾಂಕ್‌ನಲ್ಲಿ ದರೋಡೆ ನಡೆಸಿದ್ದು, ದೇಶದಲ್ಲೇ ಅತಿ ದೊಡ್ಡ ದರೋಡೆ ಪ್ರಕರಣವಾಗಿದೆ. ಈ ಎಲ್ಲಾ ದುಷ್ಕೃತ್ಯಗಳಿಗೆ ಭಯೋತ್ಪಾದಕ ಪರಮ್ಜಿತ್ ಸಿಂಗ್ ಪಂಜ್ವಾಡ್ ವಾಂಟೆಡ್ ಆಗಿದ್ದ.
ಹತ್ಯೆಯಿಂದ ಪಾಕಿಸ್ತಾನಕ್ಕೆ ಲಾಭ: ಮೃತ ವ್ಯಕ್ತಿ ಕೆಲವು ಹಂತದಲ್ಲಿ ಐಎಸ್‌ಐಗೆ ಆಪ್ತನಾಗಿದ್ದ ಎನ್ನಲಾಗಿದೆ. ಈ ಹತ್ಯೆಯು ಪಾಕಿಸ್ತಾನಕ್ಕೆ ಅಂತಾರಾಷ್ಟ್ರೀಯ ನಿರೂಪಣೆ ಮಾಡಲು ಸಹಾಯ ಮಾಡುತ್ತದೆ ಎಂದು ಭದ್ರತಾ ಪಡೆಗಳು ಭಾವಿಸುತ್ತವೆ.
ಪಂಜ್ವಾಡ್ ಎಲ್ಲಿದ್ದ?: ಹಲವಾರು ಮಾಧ್ಯಮ ವರದಿಗಳ ಪ್ರಕಾರ, ಭಯೋತ್ಪಾದಕ ಪಂಜ್ವಾಡ್ ತರ್ನ್ ತರನ್ ಬಳಿಯ ಪಂಜ್ವಾಡ್ ಗ್ರಾಮದ ನಿವಾಸಿ. 1986ರವರೆಗೆ ಆತ ಖಲಿಸ್ತಾನ್ ಕಮಾಂಡೋ ಫೋರ್ಸ್‌ಗೆ ಸೇರಿದ್ದ. ಪಂಜ್ವಾಡ್ ಸೋಹಲ್‌ನ ಕೇಂದ್ರ ಸಹಕಾರಿ ಬ್ಯಾಂಕ್‌ನಲ್ಲಿ ಕೆಲಸ ಮಾಡಿದ್ದ. 1986ರಲ್ಲಿ ಕೆಸಿಎಫ್ ಸೇರಿದ. ಪರಮ್ಜಿತ್ ಸಿಂಗ್ ಪಂಜ್ವಾಡ್ ಅವರು ಕೆಸಿಎಫ್ ಕಮಾಂಡರ್ ಮತ್ತು ಅವರ ಸೋದರಸಂಬಂಧಿ ಲಾಭ್ ಸಿಂಗ್ ಅವರಿಂದ ಪ್ರಭಾವಿತರಾಗಿದ್ದ.
ಇದನ್ನೂ ಓದಿ: ಯಾತ್ರಾರ್ಥಿಗಳ ಕಾರು ಅಪಘಾತ : ಇಬ್ಬರು ಸ್ಥಳದಲ್ಲೇ ಸಾವು
ಕೆಸಿಎಫ್ ಮುಖ್ಯಸ್ಥನಾಗಿದ್ದ: 1990ರ ದಶಕದಲ್ಲಿ ಭಾರತೀಯ ಭದ್ರತಾ ಪಡೆಗಳಿಂದ ಲಭ್ ಸಿಂಗ್ನನ್ನು ಹೊರಹಾಕಲಾಯಿತು. ನಂತರ ಭಯೋತ್ಪಾದಕ ಪಂಜ್ವಾಡ್ ಕೆಸಿಎಫ್ ಮುಖ್ಯಸ್ಥನಾಗಿದ್ದ. ಬಳಿಕ ಪಾಕಿಸ್ತಾನಕ್ಕೆ ಓಡಿಹೋದನು. ಅವರ ಪತ್ನಿ ಮತ್ತು ಮಕ್ಕಳು ಜರ್ಮನಿಗೆ ಹೋಗಿದ್ದರು ಎನ್ನಲಾಗಿದೆ. ಪಾಕಿಸ್ತಾನದಲ್ಲಿ ನೆಲೆಸಿದ್ದ ಈತನನ್ನು ಲಾಹೋರ್‌ನಲ್ಲಿ ಹತ್ಯೆ ಮಾಡಲಾಗಿತ್ತು.
ಇದನ್ನೂ ಓದಿ: ನಮ್ಮ ಸೈನಿಕರು ಹುತಾತ್ಮರಾಗುತ್ತಿದ್ದರೆ ಪಾಕ್ ವಿದೇಶಾಂಗ ಸಚಿವ ಭಾರತ ಪ್ರವಾಸ ಭಾರತೀಯರಿಗೆ ಕೋಪ ತರಿಸಿದೆ: ಅರವಿಂದ್ ಕೇಜ್ರಿವಾಲ್
ಏನಿದು ಕೆಸಿಎಫ್?: ಎಲ್ಲ ಪ್ರತ್ಯೇಕತಾವಾದಿ ಖಲಿಸ್ತಾನಿ ಉಗ್ರಗಾಮಿ ಗುಂಪುಗಳನ್ನು ಒಗ್ಗೂಡಿಸಿ ''ಸಿಖ್ ತಾಯ್ನಾಡು'' ನಿರ್ಮಿಸುವ ಗುರಿ ಸಾಧಿಸುವುದು ಕೆಸಿಎಫ್ ಉದ್ದೇಶವಾಗಿತ್ತು. ಇದು ಮೂರು ಹಂತದ ಶ್ರೇಣೀಕೃತ ರಚನೆಯನ್ನು ಹೊಂದಿದ್ದು, ಪಂಥಕ್ ಸಮಿತಿಯ ಸದಸ್ಯರು ಮೊದಲ ಹಂತ ಮತ್ತು ಎರಡನೇ ಹಂತ ನಾಯಕತ್ವವನ್ನು ರಚಿಸಿರುವುದು. ಕೆಸಿಎಫ್ನ ಮೂರನೇ ಹಂತವು ಮುಖ್ಯವಾಗಿ ಅಖಿಲ ಭಾರತ ಸಿಖ್ ವಿದ್ಯಾರ್ಥಿಗಳ ಒಕ್ಕೂಟದ (AISSF) ಕಾರ್ಯಕರ್ತರನ್ನು ಒಳಗೊಂಡಿತ್ತು.
ಇದನ್ನೂ ಓದಿ: ಮಣಿಪುರ ಹಿಂಸಾಚಾರ: ಹೆಚ್ಚಿನ ಪಡೆಗಳನ್ನು ಕಳುಹಿಸುವುದರಿಂದ ಸಮಸ್ಯೆ ಬಗೆಹರಿಯುವುದಿಲ್ಲ: ಇರೋಮ್ ಶರ್ಮಿಳಾ
ಇದನ್ನೂ ಓದಿ: ಚಿತ್ರಮಂದಿರದಲ್ಲಿ ಮಹಿಳೆಗೆ ಕಚ್ಚಿದ ಇಲಿ; 67 ಸಾವಿರ ರೂ. ಪರಿಹಾರ ನೀಡುವಂತೆ ಗ್ರಾಹಕರ ಆಯೋಗ ಆದೇಶ
