ಕೇರಳ: ತಾಯಿ, ಮೂವರು ಗಂಡು ಮಕ್ಕಳು ಶವವಾಗಿ ಪತ್ತೆ

ಕೇರಳದಲ್ಲಿ ತಾಯಿ ಮತ್ತು ಮೂವರು ಮಕ್ಕಳು ಶವವಾಗ ಪತ್ತೆಯಾಗಿದ್ದು, ನಾಲ್ವರ ಸಾವಿಗೆ ಕಾರಣ ಏನೆಂಬುದು ಪತ್ತೆಯಾಗಿಲ್ಲ.

ಮಲಪ್ಪುರಂ (ಕೇರಳ): ಮಲಪ್ಪುರಂ ಜಿಲ್ಲೆಯ ನೆಟ್ಟಿಕುಲಂನ ಮನೆಯೊಂದರಲ್ಲಿ ಮಹಿಳೆ ಮತ್ತು ಮೂವರು ಗಂಡು ಮಕ್ಕಳು ಶವವಾಗಿ ಪತ್ತೆಯಾಗಿದ್ದಾರೆ.

ಮೃತರನ್ನು ಬಿನೇಶ್ ಶ್ರೀಧರನ್ ಅವರ ಪತ್ನಿ ರಹ್ನಾ (35), ಅವರ ಪುತ್ರರಾದ ಆದಿತ್ಯನ್ (12), ಆನಂದು (11) ಮತ್ತು ಅರ್ಜುನ್ (8) ಎಂದು ಗುರುತಿಸಲಾಗಿದೆ.

ಭಾನುವಾರ ಈ ಘಟನೆ ನಡೆದಿದೆ. ತಾಯಿ ಮತ್ತು ಮಕ್ಕಳನ್ನು ನೀಲಂಬೂರು ವೈದ್ಯಕೀಯ ಕಾಲೇಜಿಗೆ ಕರೆದೊಯ್ಯಲಾಯಿತು, ಆದರೆ ಅವರನ್ನು ಬದುಕುಳಿಸಲು ಸಾಧ್ಯವಾಗಲಿಲ್ಲ. ನಾಲ್ವರ ಸಾವಿಗೆ ಕಾರಣ ತಿಳಿದುಬಂದಿಲ್ಲ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.