ಭಾರತೀಯ ಸೇನೆ ಸೇರಬೇಕು. ದೇಶಕ್ಕಾಗಿ ಸೇವೆ ಮಾಡಬೇಕು ಎಂಬುದು ಅನೇಕ ಜನರ ಕನಸು. ಈ ಕನಸಿಗೆ ಇದೀಗ ಭಾರತೀಯ ಸೇನೆ ಅವಕಾಶ ನೀಡಿದೆ. ಭಾರತೀಯ ಸೇನೆಯಲ್ಲಿ ಖಾಲಿ ಇರುವ ವಿವಿಧ ತಾಂತ್ರಿಕ ಹುದ್ದೆಗಳ ಭರ್ತಿಗೆ ಅಧಿಸೂಚನೆ ಪ್ರಕಟಿಸಲಾಗಿದೆ. ಅವಿವಾಹಿತ ಪುರುಷ ಮತ್ತು ಮಹಿಳಾ ಅಭ್ಯರ್ಥಿಗಳು ಈ ಹುದ್ದೆಗೆ ಅರ್ಜಿ ಸಲ್ಲಿಸಬಹುದಾಗಿದೆ. ಇನ್ನು ಈ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಏಪ್ರಿಲ್ 2, 1997 ಮತ್ತು ಏಪ್ರಿಲ್ 1, 2004ರ ನಡುವೆ ಜನಿಸಿರಬೇಕು. ಈ ಹುದ್ದೆಗಳ ತರಬೇತಿ ತಮಿಳುನಾಡಿನ ಚೆನ್ನೈನಲ್ಲಿರುವ ಆಫೀಸರ್ ಟ್ರೈನಿಂಗ್ ಅಕಾಡೆಮಿಯಲ್ಲಿ ನಡೆಯಲಿದೆ.
ಹುದ್ದೆ ವಿವರ:
- ಎಸ್ಎಸ್ಸಿ (ತಾಂತ್ರಿಕ)- 62 ಮೆನ್: 175 ಹುದ್ದೆ
- ಎಸ್ಎಸ್ಸಿ (ತಾಂತ್ರಿಕ- 33 ವುಮೆನ್: 19 ಹುದ್ದೆ
- ಎಸ್ಎಸ್ಸಿಡಬ್ಲ್ಯೂ (ತಾಂತ್ರಿಕೇತರ) ರಕ್ಷಣಾ ಸಿಬ್ಬಂದಿಯ ವಿಧವಾ ಅಭ್ಯರ್ಥಿ: 2
ವಿದ್ಯಾರ್ಹತೆ: ಎಸ್ಎಸ್ಸಿ (ತಾಂತ್ರಿಕ) ಹುದ್ದೆಗೆ ಸಿವಿಲ್ ಇಂಜಿನಿಯರಿಂಗ್, ಕಂಪ್ಯೂಟರ್ ಇಂಜಿನಿಯರಿಂಗ್, ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್, ಎಲೆಕ್ಟ್ರಾನಿಕ್ಸ್ ಇಂಜಿನಿಯರ್, ಮೆಕಾನಿಕಲ್ ಇಂಜಿನಿಯರ್, ಮಿಸ್ಕ್ ಇಂಜಿನಿಯರಿಂಗ್ ನಲ್ಲಿ ಬಿಇ ಅಥವಾ ಬಿಟೆಕ್ ಪದವಿಯನ್ನು ಹೊಂದಿರಬೇಕು.
ಎಸ್ಎಸ್ಸಿಡಬ್ಲ್ಯೂ (ತಾಂತ್ರಿಕೇತರ) ಹುದ್ದೆಗೆ ಪದವಿಯನ್ನು ಪೂರ್ಣಗೊಳಿಸಿರಬೇಕು.
ವಯೋಮಿತಿ: ಎಸ್ಎಸ್ಸಿ (ತಾಂತ್ರಿಕ) ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಯು ಕನಿಷ್ಟ 20 ರಿಂದ ಗರಿಷ್ಠ 27 ವರ್ಷದ ವಯೋಮಿತಿಯೊಳಗೆ ಇರಬೇಕು. ಎಸ್ಎಸ್ಸಿಡಬ್ಲ್ಯೂ (ತಾಂತ್ರಿಕೇತರ) ಹುದ್ದೆಗೆ ಗರಿಷ್ಠ ವಯೋಮಿತಿ 35 ವರ್ಷ ಆಗಿದೆ.
ಆಯ್ಕೆ ವಿಧಾನ: ಎಸ್ಎಸ್ಬಿ ಸಂದರ್ಶನ, ದಾಖಲಾತಿ ಪರಿಶೀಲನೆ, ವೈದ್ಯಕೀಯ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕು.
ವೇತನ: ಈ ಮೇಲಿನ ಹುದ್ದೆಗಳಿಗೆ ಆರಂಭದ ತರಬೇತಿಯಲ್ಲಿ ನಿಗದಿತ ವೇತನ 56,100 ರೂ ಇರಲಿದೆ. ತರಬೇತಿ ಬಳಿಕ ಹುದ್ದೆಗೆ ಅನುಸಾರವಾಗಿ ವೇತನ ನಿಗದಿಯಾಗಲಿದೆ.
ಅರ್ಜಿ ಸಲ್ಲಿಕೆ:
- ಈ ಹುದ್ದೆಗೆ ಅಭ್ಯರ್ಥಿಗಳು ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಕೆ ಮಾಡಬಹುದಾಗಿದೆ.
- ಅರ್ಜಿ ಭರ್ತಿಗೆ ಮುನ್ನ ಅಭ್ಯರ್ಥಿಗಳು ಅಧಿಕೃತ ಅಧಿಸೂಚನೆ ಮತ್ತು ನಿಬಂಧನೆಗಳನ್ನು ಸರಿಯಾಗಿ ಓದಿ, ಪರಿಶೀಲಿಸಿ, ಮುಂದುವರಿಯತಕ್ಕದ್ದು.
- www.joinindianarmy.nic.in ಜಾಲತಾಣಕ್ಕೆ ಭೇಟಿ ನೀಡಿ, ಆಫೀಸರ್ ಎಂಟ್ರಿ ಅಪ್ಲಿಕೇಷನ್/ ಲಾಗಿನ್ಗೆ ಹೋಗಿ ರಿಜಿಸ್ಟ್ರೇಷನ್ ಮಾಡಿಕೊಳ್ಳಬಹುದಾಗಿದೆ.
- ಇಲ್ಲಿ ಅಭ್ಯರ್ಥಿಗಳು ತಮ್ಮ ಅಗತ್ಯ ಮಾಹಿತಿ ಮತ್ತು ಸಂಪೂರ್ಣ ವಿವರದೊಂದಿಗೆ ಅಗತ್ಯ ಅರ್ಜಿಯಲ್ಲಿ ಭರ್ತಿ ಮಾಡಿ, ಸಬ್ಮಿಟ್ ಮಾಡಬೇಕು.
ಈ ಹುದ್ದೆಗೆ ಜೂನ್ 20ರಿಂದ ಅರ್ಜಿ ಸಲ್ಲಿಕೆ ಮಾಡಬಹುದಾಗಿದ್ದು, ಅರ್ಜಿ ಸಲ್ಲಿಕೆಗೆ ಕಡೆಯ ದಿನಾಂಕ ಜುಲೈ 19 ಆಗಿದೆ. ಈ ಹುದ್ದೆಗೆ ಯಾವುದೇ ಅರ್ಜಿ ಶುಲ್ಕವನ್ನು ಅಭ್ಯರ್ಥಿಗಳು ಭರ್ತಿ ಮಾಡುವಂತಿಲ್ಲ
ಈ ಹುದ್ದೆ ಕುರಿತು ಸಂಪೂರ್ಣ ಮಾಹಿತಿ ಮತ್ತು ಅಧಿಕೃತ ಅಧಿಸೂಚನೆಗೆ ಈ ಜಾಲತಾಣಕ್ಕೆ joinindianarmy.nic.in ಅಭ್ಯರ್ಥಿಗಳು ಭೇಟಿ ನೀಡಬಹುದು.
ಇದನ್ನೂ ಓದಿ: Government Jobs: ರಾಜ್ಯ ಆಹಾರ ಮತ್ತು ನಾಗರಿಕ ಸರಬರಾಜು ನಿಗಮದಲ್ಲಿ ನೇಮಕಾತಿ; 386 ಹುದ್ದೆ ಭರ್ತಿಗೆ ಅರ್ಜಿ ಆಹ್ವಾನ
