ಜಿಂದ್(ಹರಿಯಾಣ): ಜಿಂದ್ ಸಿವಿಲ್ ಆಸ್ಪತ್ರೆಯಿಂದ 1710 ಕೋವಿಡ್ ವ್ಯಾಕ್ಸಿನ್ ಡೋಸ್ ಕಳ್ಳತನ ಮಾಡಿದ್ದ ಕಳ್ಳನೋರ್ವ ಕ್ಷಮಾಪಣಾ ಪತ್ರದೊಂದಿಗೆ ವಾಪಸ್ ತಂದಿಟ್ಟಿರುವ ಘಟನೆ ನಡೆದಿದೆ.
ಹರಿಯಾಣದ ಜಿಂದ್ನಲ್ಲಿರುವ ಸಿವಿಲ್ ಆಸ್ಪತ್ರೆಯಿಂದ ಕಳ್ಳನೊಬ್ಬ ಕೋವಿಡ್ ಲಸಿಕೆ ಕಳ್ಳತನ ಮಾಡಿದ್ದನು. ಆದರೆ, ಇದೀಗ ಸಿದ್ದಿಲ್ಲದ ರೀತಿಯಲ್ಲಿ ಲಸಿಕೆ ಹಿಂದುರುಗಿಸಿದ್ದು, ದಯವಿಟ್ಟು ಕ್ಷಮಿಸಿ ಇದು ಕೊರೊನಾ ಲಸಿಕೆ ಎಂಬುದು ನನಗೆ ಗೊತ್ತಿರಲಿಲ್ಲ ಎಂದು ಕ್ಷಮಾಪಣಾ ಪತ್ರ ಬರೆದಿಟ್ಟಿದ್ದಾನೆ.
ಇದನ್ನೂ ಓದಿ: ಕೋವಿಡ್ ಉಲ್ಬಣ : ಅಮರನಾಥ ಯಾತ್ರೆಯ ನೋಂದಣಿ ತಾತ್ಕಾಲಿಕ ಸ್ಥಗಿತ
ಬುಧವಾರ ರಾತ್ರಿ ಈ ಘಟನೆ ನಡೆದಿದ್ದು, ಆಸ್ಪತ್ರೆಯ ಸ್ಟೋರ್ ರೂಮ್ನಲ್ಲಿದ್ದ ಲಸಿಕೆ ಹಾಗೂ ಹಣ ಮುಟ್ಟಿಲ್ಲ ಎಂದು ತಿಳಿದು ಬಂದಿದೆ. ಗುರುವಾರ ಬೆಳಗ್ಗೆ ಸ್ವಚ್ಛತಾ ಕಾರ್ಮಿಕನೊಬ್ಬ ಸ್ಟೋರ್ ರೂಮ್ ತೆಗೆದಾಗ ವಿಷಯ ಬಹಿರಂಗಗೊಂಡಿದೆ. ಇದರಲ್ಲಿ 1270 ಕೋವಿಶೀಲ್ಡ್ ಹಾಗೂ 440 ಡೋಸ್ ಕೋವ್ಯಾಕ್ಸಿನ್ ಲಸಿಕೆ ಕಳ್ಳತನವಾಗಿದ್ದವು. ಇದು ಮಧ್ಯಾಹ್ನ ಚೀಲದಲ್ಲಿ ವ್ಯಾಕ್ಸಿನ್ ಹಾಕಿಕೊಂಡು ಬಂದು ವಾಪಸ್ ಇಟ್ಟು ಪರಾರಿಯಾಗಿದ್ದಾನೆ. ಇದರಿಂದ ಪೊಲೀಸರು ಹಾಗೂ ಆಸ್ಪತ್ರೆ ಸಿಬ್ಬಂದಿಗೆ ಆಶ್ಚರ್ಯವಾಗಿದೆ.
