ಮುಂಬೈ: ಲಾಕ್ಡೌನ್ ಆರಂಭವಾದಾಗಿನಿಂದ ತಮ್ಮ ವಿಮಾನಯಾನ ಸಂಸ್ಥೆಯ ಕೆಲವು ನಿಗದಿತ ಸೇವೆಗಳು ಹಾಗೂ ಸರಕು ರವಾನೆ ಸೇವೆಗಳಲ್ಲಿ ಮಾತ್ರ ತೊಡಗಿಸಿಕೊಂಡಿದ್ದು, ಈವರೆಗೆ 2 ಲಕ್ಷ ವಿಮಾನ ಸೇವೆಗಳನ್ನು ಪೂರ್ಣಗೊಳಿಸಿದೆ ಎಂದು ಇಂಡಿಗೋ ಬುಧವಾರ ಮಾಹಿತಿ ನೀಡಿದೆ.
ವಾರಣಾಸಿಯಿಂದ ಹೈದರಾಬಾದ್ಗೆ ಬುಧವಾರ 6ಇ 216 ವಿಮಾನ ಸೇವೆ ಒದಗಿಸುವ ಮೂಲಕ ಈ ದಾಖಲೆಯನ್ನು ಇಂಡಿಗೋ ಸಂಸ್ಥೆ ನಿರ್ಮಿಸಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಇಂಡಿಗೋದ ಸಿಇಒ ರೊನೊಜೊಯ್ ದತ್ತಾ 'ಎಲ್ಲಾ ವಿಮಾನಯಾನ ಸೇವೆಗಳು ರದ್ದಾಗಿನಿಂದ ನಾವು ನಿಗದಿತ ಸೇವೆಗಳಲ್ಲಿ ತೊಡಗಿಕೊಂಡಿದ್ದು, ಈ ಸಾಧನೆ ಅಭೂತಪೂರ್ವವಾಗಿದೆ' ಎಂದು ಹೇಳಿದ್ದಾರೆ.
ವಾಣಿಜ್ಯ ವ್ಯವಹಾರಗಳಿಗಾಗಿ, ಸರಕು ಸಾಗಣೆ ಸೇವೆಗಳಿಗಾಗಿ, ವಂದೇ ಭಾರತ ಮಿಷನ್ ಅಡಿಯಲ್ಲಿ ಇಂಡಿಗೋ ಕಂಪನಿಯ ವಿಮಾನಗಳನ್ನು ಬಳಸಿಕೊಳ್ಳಲಾಗಿದ್ದು, ಮುಂದಿನ ದಿನಗಳಲ್ಲಿ ಮತ್ತಷ್ಟು ಸಾಧನೆಗಳನ್ನು ಮಾಡಲು ಇದು ಮೈಲಿಗಲ್ಲಾಗಿದೆ ಎಂದು ದತ್ತಾ ಅಭಿಪ್ರಾಯಪಟ್ಟಿದ್ದಾರೆ.
6 ತಿಂಗಳಲ್ಲಿ ಸುಮಾರು 2,687 ವಿಮಾನಗಳು ಇಂಡಿಗೋದಿಂದ ಕಾರ್ಯಾಚರಣೆಗೆ ಇಳಿದಿದ್ದು, ಏಪ್ರಿಲ್ನಿಂದ ಅಕ್ಟೋಬರ್ವರೆಗೆ ಸುಮಾರು 23,350 ಟನ್ ಸರಕುಗಳನ್ನು ಸಾಗಿಸಲಾಗಿದೆ ಎಂದು ಇಂಡಿಗೋ ಮಾಹಿತಿ ನೀಡಿದೆ.
