ನವದೆಹಲಿ: ಕೊರೊನಾ ಸಾಂಕ್ರಾಮಿಕ ಸಮಯದಲ್ಲಿ ಪ್ರತಿಭಾವಂತರನ್ನು ಆಕರ್ಷಿಸಲು ಮತ್ತು ಉಳಿಸಿಕೊಳ್ಳಲು ಹೆಚ್ಚಿನ ಭಾರತೀಯ ಸಂಸ್ಥೆಗಳು ಪ್ರಗತಿಪರ ಪ್ರೋತ್ಸಾಹ ಆಧಾರಿತ ಕ್ರಮಗಳನ್ನು ಕೈಗೊಂಡಿವೆ ಎಂದು ಅಧ್ಯಯನವೊಂದು ಹೇಳಿದೆ.
ಇತ್ತೀಚಿನ ಮರ್ಸರ್ ಇಂಡಿಯಾ 'ಸ್ಪರ್ಧಾತ್ಮಕ ಅನುಕೂಲಕ್ಕಾಗಿ ಪ್ರೋತ್ಸಾಹ ಹೆಚ್ಚಿಸುವುದು' ಎನ್ನುವ ಅಧ್ಯಯನದ ವರದಿಯನ್ನು ಬಿಡುಗಡೆ ಮಾಡಿದೆ. ಈ ಹಣಕಾಸು ವರ್ಷದ ಆರಂಭದಲ್ಲಿ ನಡೆಸಿದ ಅಧ್ಯಯನವು, 3,00,000 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಪ್ರತಿನಿಧಿಸುವ 41 ಸಂಸ್ಥೆಗಳನ್ನು ಒಳಗೊಂಡಿದೆ. ಜೊತೆಗೆ ಗ್ರಾಹಕರು, ರಾಸಾಯನಿಕ-ಜೀವ ವಿಜ್ಞಾನಗಳು, ಐಟಿ ಸೇವೆಗಳು ಮತ್ತು ಇಂಟರ್ನೆಟ್ ಆಧಾರಿತ ಅಥವಾ ಇ-ಕಾಮರ್ಸ್ ಉದ್ಯಮಗಳನ್ನು ವ್ಯಾಪಿಸಿರುವ ಕಾರ್ಪೊರೇಟ್‌ಗಳನ್ನು ಸಹ ಒಳಗೊಂಡಿದೆ.
ಇದನ್ನೂ ಓದಿ: ಕಳೆದ 7 ವರ್ಷಗಳಲ್ಲಿ ಕೇಂದ್ರದಿಂದ 6.98 ಲಕ್ಷ ಉದ್ಯೋಗಿಗಳ ನೇಮಕಾತಿ: ಸಚಿವ ಜೀತೇಂದ್ರ ಸಿಂಗ್‌
ಬದಲಾಗುತ್ತಿರುವ ಉದ್ಯೋಗದ ನಿರೀಕ್ಷೆಗಳೊಂದಿಗೆ ಸಂಸ್ಥೆಗಳ ಮಾನವ ಸಂಪನ್ಮೂಲ ತಂಡವು ಅಲ್ಪಾವಧಿಯ ಮತ್ತು ದೀರ್ಘಾವಧಿಯ ಪ್ರೋತ್ಸಾಹಕ ಯೋಜನೆಗಳನ್ನು ರಚಿಸುವುದು ಅತ್ಯಗತ್ಯ ಎಂದು ಪ್ರತಿಪಾದಿಸಿದೆ.
ತಮ್ಮ ಉದ್ಯೋಗಿಗಳನ್ನು ಉಳಿಸಿಕೊಳ್ಳುವುದು ಮತ್ತು ಉದ್ಯೋಗಿಗಳಿಗೆ ಸಂಪತ್ತಿನ ಸೃಷ್ಟಿಯನ್ನು ಸಕ್ರಿಯಗೊಳಿಸುವುದು ದೀರ್ಘಾವಧಿಯ ಪ್ರೋತ್ಸಾಹದ ಉದ್ದೇಶಗಳಾಗಿವೆ. ಸಂಸ್ಥೆಗಳು ಮತ್ತು ಸ್ಟಾರ್ಟ್‌ಅಪ್‌ಗಳು ಉದ್ಯೋಗಿಗಳ ಪ್ರತಿಭೆ, ಕಾರ್ಯಕ್ಷಮತೆಗನುಣವಾಗಿ ಅವರನ್ನು ಉಳಿಸಿಕೊಂಡಿದೆ ಹಾಗೂ ಹೊಸ ಪ್ರತಿಭೆಗಳಿಗೆ ಅವಕಾಶ ಮಾಡಿಕೊಟ್ಟಿದೆ ಎಂಬುದನ್ನು ಈ ವರದಿ ಹೇಳುತ್ತದೆ.
