ನವದೆಹಲಿ: ಕೊಠಡಿ ಅಥವಾ ಕಟ್ಟಡದಲ್ಲಿ ಅಡಗಿರುವ ಉಗ್ರರನ್ನು ಪತ್ತೆ ಮಾಡಲು ಸೇನಾ ಅಧಿಕಾರಿಯೊಬ್ಬರು ‘ಮೈಕ್ರೋಕಾಪ್ಟರ್’ ಅಭಿವೃದ್ಧಿ ಪಡಿಸಿದ್ದಾರೆ. ಸ್ಥಳೀಯ ಸೇನಾಧಿಕಾರಿ ಜಿವೈಕೆ ರೆಡ್ಡಿ ಈ ತಂತ್ರಜ್ಞಾನ ಅಭಿವೃದ್ಧಿಪಡಿಸಿದ್ದು, ಭಯೋತ್ಪಾದಕರು ಅಡಗಿರುವ ಕಟ್ಟಡದೊಳಗೆ ಕಣ್ಗಾವಲು ನಡೆಸಲು ಇದು ಸಹಾಯಕವಾಗಲಿದೆ.
ಈ ಸಾಧನವನ್ನು ಜಮ್ಮು ಮತ್ತು ಕಾಶ್ಮೀರದ ವಿಶೇಷ ಪ್ಯಾರಾ ಬೆಟಾಲಿಯನ್ ಪಡೆಗಳು ಯಶಸ್ವಿಯಾಗಿ ಪ್ರಯೋಗ ನಡೆಸಿದ್ದು, ಈ ಮೈಕ್ರೋಡ್ರೋಣ್ನಲ್ಲಿ ಹೆಚ್ಚಿನ ಸುಧಾರಣೆ ನಡೆಸಲಾಗುತ್ತಿದೆ.
ಸದ್ಯ ಗಡಿಯುದ್ದಕ್ಕೂ ಕಣ್ಗಾವಲಿಗಾಗಿ ಸ್ವಿಚ್ ಡ್ರೋಣ್ಗಳ ಖರೀದಿಗೆ ಭಾರತ ಸಹಿ ಹಾಕಿದೆ. ಇದು ನೇರವಾಗಿ ಟೇಕಾಫ್ ಆಗಲು ಮತ್ತು ಗರಿಷ್ಠ 4,500 ಮೀಟರ್ ಎತ್ತರಕ್ಕೆ ಸತತ 2 ಗಂಟೆಗಳ ಕಾಲ ಹಾರಾಟ ನಡೆಸುವ ಸಾಮರ್ಥ್ಯ ಹೊಂದಿದೆ ಎಂದು ಐಡಿಯಾ ಫೋರ್ಜ್ನ ಮೋಹಿತ್ ಬನ್ಸಾಲ್ ಹೇಳಿದ್ದಾರೆ.
ಈ ಹಿಂದೆ ಈ ಸಂಸ್ಥೆ ಡಿಆರ್ಡಿಒ ಜೊತೆಗೂಡಿ ‘ನೇತ್ರ’ ಡ್ರೋಣ್ ಅನ್ನು ಅಭಿವೃದ್ಧಿಪಡಿಸಿತ್ತು. ಈ ಡ್ರೋಣ್ಗಳನ್ನು ದೆಹಲಿಯಲ್ಲಿ ನಡೆದಿದ್ದ ಭಾರತೀಯ ಸೇನೆಯ ಆಂತರಿಕ ನಾವೀನ್ಯತೆ ಕಾರ್ಯಕ್ರಮದಲ್ಲಿ ಪ್ರದರ್ಶಿಸಲಾಗಿತ್ತು.
ಇದನ್ನೂ ಓದಿ: ಸ್ಪಲ್ಪದರಲ್ಲೇ ತಪ್ಪಿದ ಭಾರೀ ಅನಾಹುತ.. ಹಿಮದ ರಾಶಿಗೆ ಇಂಡಿಗೋ ವಿಮಾನ ಡಿಕ್ಕಿ
