ನವದೆಹಲಿ: ಆಕ್ಸಿಜನ್, ಹಾಸಿಗೆ ಅಭಾವ ಎದುರಿಸುತ್ತಿರುವ ದೇಶದಲ್ಲಿ ಮತ್ತೆ ಹೊಸದಾಗಿ 24 ಗಂಟೆಗಳಲ್ಲಿ 3,26,098 ಕೋವಿಡ್ ಸೋಂಕಿತರು ಪತ್ತೆಯಾಗಿದ್ದು, 3,890 ಮಂದಿ ವೈರಸ್ಗೆ ಬಲಿಯಾಗಿದ್ದಾರೆ.
ಭಾರತದಲ್ಲೀಗ ಕೊರೊನಾ ಕೇಸ್ಗಳ ಸಂಖ್ಯೆ 2,43,72,907 ಹಾಗೂ ಸಾವಿನ ಸಂಖ್ಯೆ 2,66,207ಕ್ಕೆ ಏರಿಯಾಗಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 36,73,802ಕ್ಕೆ ಹೆಚ್ಚಳವಾಗಿದೆ ಎಂದು ಕೇಂದ್ರ ಆರೋಗ್ಯ ಹಾಗೂ ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದೆ.
ಇನ್ನು ನಿನ್ನೆ 3,53,299 ಸೋಂಕಿತರು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದು, ಗುಣಮುಖರ ಪ್ರಮಾಣ ಶೇ.83.50ಕ್ಕೆ ಏರಿಕೆಯಾಗಿದೆ.
18 ಕೋಟಿ ಮಂದಿಗೆ ಲಸಿಕೆ
ದೇಶಾದ್ಯಂತ ಜನವರಿ 16ರಿಂದ ಕೋವಿಡ್ ವ್ಯಾಕ್ಸಿನೇಷನ್ ಆರಂಭವಾಗಿದ್ದಯ. ಇಲ್ಲಿಯವರೆಗೆ 18,04,57,579 ಮಂದಿಗೆ ಲಸಿಕೆ ನೀಡಲಾಗಿದೆ.
ಇದನ್ನೂ ಓದಿ: ಕೋವಿಡ್ ಸಂಕಷ್ಟದಲ್ಲಿ ಭಾರತದ ಬೆಂಬಲಕ್ಕೆ ನಿಂತ ಎಲ್ಲರಿಗೂ ಧನ್ಯವಾದ: ಡಬ್ಲ್ಯೂಹೆಚ್ಒ ಮುಖ್ಯಸ್ಥ
ಶುಕ್ರವಾರ ಒಂದೇ ದಿನ ಕರ್ನಾಟಕದಲ್ಲಿ 41,779 ಕೇಸ್ಗಳು ಪತ್ತೆಯಾಗಿದ್ದು, ಮಹಾರಾಷ್ಟ್ರದಲ್ಲಿ 39,923, ಕೇರಳದಲ್ಲಿ 34,694, ತಮಿಳುನಾಡಲ್ಲಿ 31,892, ಆಂಧ್ರ ಪ್ರದೇಶದಲ್ಲಿ 22,018 ಹಾಗೂ ಪಶ್ಚಿಮ ಬಂಗಾಳದಲ್ಲಿ 20,839 ಪ್ರಕರಣಗಳು ವರದಿಯಾಗಿವೆ.
