ನವದೆಹಲಿ: ಭಾರತ, ಚೀನಾ ಗಡಿಯಲ್ಲಿ ಆಗಾಗ ಸಂಘರ್ಷಗಳು ಸಂಭವಿಸುತ್ತಿರುತ್ತವೆ. ಲಡಾಖ್ ಗಡಿ ಮಾತ್ರವಲ್ಲದೇ, ದೇಶದ ಈಶಾನ್ಯ ದಿಕ್ಕಿನಲ್ಲಿರುವ ಅರುಣಾಚಲ ಪ್ರದೇಶದ ಗಡಿಯನ್ನೂ ಕೂಡಾ ವಿವಾದ ಸೃಷ್ಟಿಸಲು ಚೀನಾ ಬಳಸಿಕೊಳ್ಳುತ್ತಿದೆ.
ಈ ಹಿನ್ನೆಲೆಯಲ್ಲಿ ಕಳೆದ ವಾರವೂ ಗಡಿ ವಿಚಾರವಾಗಿ ಅರುಣಾಚಲ ಸೆಕ್ಟರ್ನಲ್ಲಿ ಭಾರತ ಮತ್ತು ಚೀನಾ ಸೈನಿಕರು ಪರಸ್ಪರ ಮುಖಾಮುಖಿಯಾಗಿದ್ದಾರೆ ಎಂಬ ವಿಚಾರವನ್ನು ಕೇಂದ್ರ ಸರ್ಕಾರ ದೃಢಪಡಿಸಿದೆ.
ಉಭಯ ದೇಶಗಳ ಗಡಿ ರೇಖೆಯಾದ ವಾಸ್ತವ ನಿಯಂತ್ರಣ ರೇಖೆ (Line of Actual Control) ಗ್ರಹಿಕೆಯಲ್ಲಿ ಆದ ಏರುಪೇರಿನ ಕಾರಣದಿಂದಾಗಿ ಎರಡೂ ಸೇನೆಗಳು ಮುಖಾಮುಖಿಯಾಗಿದ್ದವು.
ಬಮ್ ಲಾ ಮತ್ತು ಯಾಂಗ್ಟ್ಸೆ ಪ್ರದೇಶದಲ್ಲಿ ನಡೆದ ಈ ಸಂಘರ್ಷ ಕೆಲವೇ ಗಂಟೆಗಳಲ್ಲಿ ಕೊನೆಗೊಂಡಿದ್ದು, ಅಧಿಕಾರಿಗಳ ಮಾತುಕತೆ ಯಶಸ್ವಿಯಾಗಿದೆ. ಈ ಸಂಘರ್ಷದಿಂದ ಯಾವುದೇ ಹಾನಿಯಾಗಿಲ್ಲ ಎಂದು ತಿಳಿದುಬಂದಿದೆ.
ಭಾರತ ಮತ್ತು ಚೀನಾ ನಡುವೆ ಗಡಿ ಸಮಸ್ಯೆ ನಿವಾರಣೆಗಾಗಿ 12ನೇ ಸುತ್ತಿನ ಮಿಲಿಟರಿ ಮಾತುಕತೆಗಳು ನಡೆದಿದ್ದು, ಪೂರ್ವ ಲಡಾಖ್ ಪ್ರದೇಶದ ಗಸ್ತು ಪಾಯಿಂಟ್ 17Aನಿಂದ ಸೇನೆಯನ್ನು ಹಿಂಪಡೆಯಲು ಎರಡೂ ರಾಷ್ಟ್ರಗಳು ಒಪ್ಪಿಕೊಂಡಿವೆ.
ಇದನ್ನೂ ಓದಿ: ಮಂಗಳ ಗ್ರಹದಲ್ಲಿ ಸರೋವರ ಮಾದರಿ ರಚನೆ ಪತ್ತೆ: ಇದು ನಾಸಾ ರೋವರ್ ಮಹತ್ಸಾಧನೆ
