ಚೆನ್ನೈ (ತಮಿಳುನಾಡು): ಮದ್ರಾಸ್‌ನ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ)ಯ ವಿಜ್ಞಾನಿಗಳು ದೇಹದೊಳಗೆ ಅಂತರ್ - ಅಂಗ ಸಂವಹನಕ್ಕೆ ಕಾರಣವಾಗಿರುವ ಜೀನ್‌ಗಳ ನಡುವಿನ ಪರಸ್ಪರ ಕ್ರಿಯೆ ಅರ್ಥಮಾಡಿಕೊಳ್ಳಲು ಕಂಪ್ಯೂಟೇಶನಲ್ ವಿಧಾನ ಅಭಿವೃದ್ಧಿಪಡಿಸಿದ್ದಾರೆ. ವಿವಿಧ ಅಂಗಾಂಶಗಳು ಮತ್ತು ಅಂಗಗಳಲ್ಲಿನ ಜೀವಕೋಶಗಳ ನಡುವಿನ ಸಂವಹನವು ಬಹು - ಕೋಶೀಯ ಜೀವನ ಅರ್ಥೈಸುವುದಕ್ಕೆ ಪ್ರಮುಖವಾಗಿದೆ ಎಂಬುದು ತಿಳಿದು ಬಂದಿದೆ.
ಅನುವಂಶಿಕತೆಯ ಬಗೆಗೆ ದೀರ್ಘಕಾಲ ಅಧ್ಯಯನ ಮಾಡಲಾಗಿದೆ. ಆದರೆ, ಜೀನ್(ಧಾತು) ಮತ್ತು ಇತರ ಜೈವಿಕ ಅಣುಗಳಿಗೆ ಜೀನೋಮ್-ವೈಡ್ ಸ್ಕ್ರೀನ್‌ಗಳು ಅಂಗಾಂಶ -ಅಂಗಾಂಶದ ಸಂಕೇತಗಳು ಪರಸ್ಪರ ಮಧ್ಯಸ್ಥಿಕೆ ವಹಿಸುವುದಿಲ್ಲ. ಅಂತರ್ - ಅಂಗಾಂಶ ಸಂಕೇತಗಳನ್ನು ವ್ಯವಸ್ಥಿತವಾಗಿ ಗುರುತಿಸಲು, ತಂಡವು ಮಲ್ಟಿಸೆನ್ಸ್ ಅಥವಾ ಮಲ್ಟಿಲೇಯರ್/ಮಲ್ಟಿ-ಟಿಶ್ಯೂ ನೆಟ್ವರ್ಕ್ ಸೆಂಟ್ರಲಿಟಿ ಕ್ರಮಗಳನ್ನು ಅಭಿವೃದ್ಧಿಪಡಿಸಿದೆ. ಇದು ದೇಹದ ಅಂಗಗಳು ಮತ್ತು ಅಂಗಾಂಶಗಳ ನಡುವಿನ ಮಾಹಿತಿ ವಿನಿಮಯವನ್ನು ಶಕ್ತಗೊಳಿಸುತ್ತದೆ ಮತ್ತು ಎಲ್ಲ ಜೀವಿಗಳ ಸರಿಯಾದ ಕಾರ್ಯನಿರ್ವಹಣೆ ಮತ್ತು ಉಳಿವಿಗಾಗಿ ನಿರ್ಣಾಯಕವಾಗಿದೆ ಎಂಬುದು ತಿಳಿದು ಬಂದಿದೆ.
ಮಾನವರು - ಇತರ ಜೀವಿಗಳಿಗೆ ನೇರವಾಗಿ ಅನ್ವಯಿಸುವುದಿಲ್ಲ: ಈ ಆಂತರಿಕ ಅಂಗದ ಸಂವಹನ ಜಾಲ (ಇಂಟರ್ ಆಗ್ರ್ಯಾನ್ ಕಮ್ಯೂನಿಕೇಷನ್ ನೆಟ್ವರ್ಕ್ ) ಬಗ್ಗೆ ಪೀರ್ - ರಿವ್ಯೂಡ್ ಜರ್ನಲ್ PLOS ಕಂಪ್ಯೂಟೇಶನಲ್ ಬಯಾಲಜಿಯಲ್ಲಿ ಪ್ರಕಟವಾದ ಪೇಪರ್‌ನಲ್ಲಿ ವಿವರಿಸಲಾಗಿದೆ. ಜೀವಿಗಳು ತಮ್ಮ ಪರಿಸರದಲ್ಲಿನ ಬದಲಾವಣೆಗಳಿಗೆ ಹೊಂದಿಕೊಳ್ಳಲು, ಅವುಗಳ ಶಕ್ತಿಯನ್ನು ನಿರ್ಣಯಿಸಲು ಮತ್ತು ಒಟ್ಟಾರೆ ಯೋಗಕ್ಷೇಮ ಕಾಪಾಡಿಕೊಳ್ಳಲು ಅನುಮತಿಸುತ್ತದೆ. "ಐಸಿಎನ್ನಲ್ಲಿನ ಹೆಚ್ಚಿನ ಸಂಶೋಧನೆಯು ಪ್ರಾಥಮಿಕವಾಗಿ ಹಣ್ಣಿನ ಮೇಲೆ ಕುಳಿತುಕೊಳ್ಳುವ ನೊಣದಂತಹ ಜೀವಿಗಳ ಮೇಲೆ ನಡೆಸಲಾಗಿದೆ. ಇದು ಮಾನವರು ಮತ್ತು ಇತರ ಜೀವಿಗಳಿಗೆ ನೇರವಾಗಿ ಅನ್ವಯಿಸುವುದಿಲ್ಲ" ಎಂದು ಐಐಟಿ ಮದ್ರಾಸ್‌ನ ಕಂಪ್ಯೂಟರ್ ಸೈನ್ಸ್ ಮತ್ತು ಇಂಜಿನಿಯರಿಂಗ್ ವಿಭಾಗದ ಅಧ್ಯಾಪಕರಾದ ಪ್ರೊ. ಬಿ. ರವೀಂದ್ರನ್ ಹೇಳಿದ್ದಾರೆ.
"ಇದಲ್ಲದೇ ವಿವಿಧ ಅಂಗಾಂಶಗಳಲ್ಲಿನ ಜೈವಿಕ ಅಣುಗಳ ನಡುವಿನ ಹಲವಾರು ಪರಸ್ಪರ ಕ್ರಿಯೆಗಳಿಂದಾಗಿ ಬಳಸಿದ ಪ್ರಾಯೋಗಿಕ ತಂತ್ರಗಳು ಸಮಯ ತೆಗೆದುಕೊಳ್ಳುತ್ತದೆ. ಇದರ ಪರಿಣಾಮವಾಗಿ, ಐಸಿಎನ್ನ ನಮ್ಮ ಜ್ಞಾನವು ಪ್ರಸ್ತುತ ಅಪೂರ್ಣವಾಗಿದೆ" ಎಂದು ಅವರು ಹೇಳಿದ್ದಾರೆ. ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳುವಲ್ಲಿ ಮತ್ತು ರೋಗಗಳನ್ನು ಪರಿಹರಿಸುವಲ್ಲಿ ಐಸಿಎನ್ನ ಪಾತ್ರದ ಬಗ್ಗೆ ಸಮಗ್ರ ತಿಳಿವಳಿಕೆಯನ್ನು ಪಡೆಯಲು, ತಂಡವು ವಿವಿಧ ಅಂಗಾಂಶಗಳಿಗೆ ಲಭ್ಯವಿರುವ ಜೀನೋಮಿಕ್ ಮಾಹಿತಿಯನ್ನು ಬಳಸಿಕೊಂಡು ಒಂದು ನವೀನ ಕಂಪ್ಯೂಟೇಶನಲ್ ವಿಧಾನವಾದ ಮಲ್ಟಿಸೆನ್ಸ್ ಅನ್ನು ರಚಿಸಿದೆ.
ಅಂಗಾಂಶದೊಳಗಿನ ಜೀನ್‌ಗಳ ಪ್ರಾಮುಖ್ಯತೆ ಅಧ್ಯಯನದ ಉದ್ದೇಶ: "ವಿವಿಧ ಆರೋಗ್ಯಕರ ಅಥವಾ ರೋಗ ಪರಿಸ್ಥಿತಿಗಳಲ್ಲಿ ಐಸಿಎನ್ನಲ್ಲಿನ ಪ್ರಮುಖ ಜೀನ್‌ಗಳನ್ನು ಗುರುತಿಸುವ ಸಾಮರ್ಥ್ಯ ನಮ್ಮ ಮಲ್ಟಿಸೆನ್ಸ್ ವಿಧಾನದ ಪ್ರಾಮುಖ್ಯತೆಯಾಗಿದೆ. ಮಲ್ಟಿಸೆನ್ಸ್‌ನ ಹೃದಯಭಾಗದಲ್ಲಿ ನೆಟ್ವರ್ಕ್ ಸೈನ್ಸ್ ಅಲ್ಗಾರಿದಮ್‌ಗಳಿವೆ. ಅದು ಅಂಗಾಂಶದೊಳಗಿನ ಜೀನ್‌ಗಳ ಪ್ರಾಮುಖ್ಯತೆಯನ್ನು ಮತ್ತು ಶ್ರೇಣೀಕೃತ ಶೈಲಿಯಲ್ಲಿ ಬಹು ಅಂಗಾಂಶಗಳಾದ್ಯಂತ ಪ್ರಮಾಣೀಕರಿಸುತ್ತದೆ'' ಎಂದು ಐಐಟಿ ಮದ್ರಾಸ್‌ನ ಕಂಪ್ಯೂಟರ್ ಸೈನ್ಸ್ ಮತ್ತು ಎಂಜಿನಿಯರಿಂಗ್ ವಿಭಾಗದ ಅಧ್ಯಾಪಕ ಪ್ರೊ. ಮಣಿಕಂದನ್ ನಾರಾಯಣನ್ ಹೇಳಿದ್ದಾರೆ.
ಹಲವಾರು ದೈಹಿಕ ಕ್ರಿಯೆಗಳಿಗೆ ಅತ್ಯಗತ್ಯವಾಗಿರುವ ಹಾರ್ಮೋನ್‌ಗಳೊಂದಿಗೆ ನಿಕಟವಾಗಿ ಸಂಯೋಜಿತವಾಗಿರುವ ಜೀನ್‌ಗಳನ್ನು ಊಹಿಸಲು ಸಂಶೋಧಕರು ಮಲ್ಟಿಸೆನ್ಸ್ ಅನ್ನು ಬಳಸಿದ್ದರೆ ಮತ್ತು ಆಲ್ಝೈಮರ್ನಂತಹ ಕಾಯಿಲೆಯಿಂದ ಪ್ರಭಾವಿತವಾಗಿರುವ ವಿವಿಧ ಮೆದುಳಿನ ಪ್ರದೇಶಗಳ ಒಳಗೆ ಮತ್ತು ಅಡ್ಡಲಾಗಿ ಜೀನ್ ಪರಸ್ಪರ ಕ್ರಿಯೆಗಳಲ್ಲಿನ ಬದಲಾವಣೆಗಳನ್ನು ಅನಾವರಣಗೊಳಿಸಿದರು. ಇದರ ಜೊತೆಗೆ, ಕ್ಯಾನ್ಸರ್ ಮೆಟಾಸ್ಟಾಸಿಸ್ ಅನ್ನು ಅರ್ಥಮಾಡಿಕೊಳ್ಳಲು ಇದನ್ನು ವಿಸ್ತರಿಸಬಹುದು. ಏಕೆಂದರೆ ಕ್ಯಾನ್ಸರ್ ಒಂದೇ ಅಂಗದಲ್ಲಿ ಹುಟ್ಟುತ್ತದೆ ಮತ್ತು ಸರಿಯಾದ ಸಮಯದಲ್ಲಿ ಇತರರಿಗೆ ಹರಡುತ್ತದೆ ಎಂದರು.
ಮಲ್ಟಿಸೆನ್ಸ್ ಸೋರ್ಸ್ ಕೋಡ್ ಲಭ್ಯ: ಮಲ್ಟಿಸೆನ್ಸ್‌ಗಳನ್ನು ಇತರ ಆರೋಗ್ಯಕರ ಮತ್ತು ರೋಗದ ಜೀನೋಮಿಕ್ ಸೆಟ್ಟಿಂಗ್‌ಗಳಿಗೂ ಅನ್ವಯಿಸಬಹುದು. ಮಲ್ಟಿಸೆನ್ಸ್ ಸೋರ್ಸ್ ಕೋಡ್ ಬಹಿರಂಗವಾಗಿ ಲಭ್ಯವಿದ್ದು, ವೆಬ್ ಇಂಟರ್‌ಫೇಸ್‌ನಲ್ಲಿ ನಡೆಯುತ್ತಿರುವ ಕೆಲಸ ಮತ್ತು ಅದರ ಮುನ್ನೋಟಗಳ ಪ್ರಾಯೋಗಿಕ ಮೌಲ್ಯೀಕರಣವು ಐಸಿಎನ್ ಮತ್ತು ಒಟ್ಟಾರೆ ಆರೋಗ್ಯ ಮತ್ತು ಯೋಗಕ್ಷೇಮದಲ್ಲಿ ಅದರ ಪಾತ್ರದ ಬಗ್ಗೆ ಸಮಗ್ರ ತಿಳುವಳಿಕೆಯನ್ನು ಮತ್ತಷ್ಟು ಸಕ್ರಿಯಗೊಳಿಸುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ.
ಇದನ್ನೂ ಓದಿ: ಎಲೆಕ್ಟ್ರಿಕ್ ರೇಸಿಂಗ್ ಕಾರು ತಯಾರಿಸಿದ ಮದ್ರಾಸ್ ಐಐಟಿ ವಿದ್ಯಾರ್ಥಿಗಳು
