ಗದ್ವಾಲ,(ತೆಲಂಗಾಣ) : ಹೆಣ್ಣು ಹುಟ್ಟಿದ್ದರಿಂದ ಕೋಪಗೊಂಡ ಗಂಡನೋರ್ವ ಆಕೆಯ ಕೊಲೆ ಮಾಡಿರುವ ಘಟನೆ ತೆಲಂಗಾಣದ ಗದ್ವಾಲದಲ್ಲಿ ನಡೆದಿದೆ. ಆದರೆ, ಈಗ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.
ಗದ್ವಾಲ ಜಿಲ್ಲೆಯ ಮಾಲ್ದಕರ್ ಸಂಸದರ ಕಚೇರಿಯಲ್ಲಿ ಅಂಟೆಡರ್ ಆಗಿ ವೆಂಟೇಶ್ ಎಂಬುವರು ಕರ್ತವ್ಯ ನಿರ್ವಹಿಸುತ್ತಿದ್ದರು. ಪತ್ನಿ ಪಲ್ಲವಿ ಎಂಬುವರು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರಿಂದ, ಕೋಪಗೊಂಡು ಆಕೆಯ ಪತಿ ವೆಂಕಟೇಶ್ ಕತ್ತು ಹಿಸುಕಿ ಕೊಲೆ ಮಾಡಿದ್ದಾನೆಂದು ಮೃತಳ ಪೋಷಕರು ಆರೋಪ ಮಾಡಿದ್ದಾರೆ. ಗದ್ವಾಲದ ನಲ್ಲಕುಂಟ ಇಡಮ್ಮ ಗುಡಿ ಬಳಿ ವಾಸವಾಗಿದ್ದ ವೆಂಕಟೇಶ್ 2009ರಲ್ಲಿ ಪಲ್ಲವಿ ಎಂಬ ಯುವತಿ ಜೊತೆ ವಿವಾಹವಾಗಿದ್ದ.
ಇದನ್ನೂ ಓದಿರಿ: ತೆಲಂಗಾಣ ಮಳೆಯಾರ್ಭಟ.. ಆಸ್ಪತ್ರೆಯ ICU ವಾರ್ಡ್ನಲ್ಲಿ ರೋಗಿ ಮೇಲೆ ಕಳಚಿ ಬಿದ್ದ ಮೇಲ್ಛಾವಣಿ..
ಈ ವೇಳೆ ವರದಕ್ಷಿಣೆ ರೂಪದಲ್ಲಿ 60 ಗ್ರಾಂ ಚಿನ್ನ, 6 ಲಕ್ಷ ರೂ. ನಗದು ಹಣ ಪಡೆದುಕೊಂಡಿದ್ದಾನೆ. ಇದಾದ ಬಳಿಕ ಕೂಡ ಹೆಚ್ಚುವರಿ ವರದಕ್ಷಿಣೆಗಾಗಿ ನಿರಂತರವಾಗಿ ಕಿರುಕುಳ ನೀಡಲು ಶುರು ಮಾಡಿದ್ದಾನೆ. ಪಲ್ಲವಿ ಈಗಾಗಲೇ ಒಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದು, ಈ ತಿಂಗಳ 22ರಂದು 2ನೇ ಹೆರಿಗೆ ವೇಳೆ ಮತ್ತೊಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.
ಸೆ.25ರಂದು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ ಪಲ್ಲವಿ ಜೊತೆ ಗಂಡ ವೆಂಕಟೇಶ್ ಜಗಳವಾಡಿದ್ದಾನೆ. ಈ ವೇಳೆ ಕತ್ತು ಹಿಸುಕಿದ್ದಾನೆ. ಪ್ರಜ್ಞಾಹೀನಳಾಗಿದ್ದ ಪಲ್ಲವಿಯನ್ನ ಗದ್ವಾಲ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲು ಮುಂದಾಗಿದ್ದಾರೆ. ಆದರೆ, ಮಾರ್ಗಮಧ್ಯೆ ಆಕೆ ಮೃತಪಟ್ಟಿದ್ದಾಳೆ. ಈಗಾಗಲೇ ಮೃತ ಮಹಿಳೆ ತಂದೆ ಆಂಜನೇಯ ಎಂಬುವರು ಪ್ರಕರಣ ದಾಖಲು ಮಾಡಿದ್ದು, ತನಿಖೆ ಆರಂಭಗೊಂಡಿದೆ.
