ಭಾರತ-ನೇಪಾಳ ಗಡಿ ಬಳಿ ಹವಾಲಾ ವ್ಯಾಪಾರಿ ಬಂಧನ

ಹವಾಲಾ ವ್ಯಾಪಾರಿಯೊಬ್ಬ ಅಪಾರ ಪ್ರಮಾಣದ ಹಣದೊಂದಿಗೆ ನೇಪಾಳಕ್ಕೆ ಹೋಗುತ್ತಿದ್ದಾನೆ ಎಂಬ ನಿಖರ ಮಾಹಿತಿ ತಿಳಿದು ಪೊಲೀಸರು ಮತ್ತು ಎಸ್‌ಎಸ್‌ಬಿ ಸಿಬ್ಬಂದಿ ಜಂಟಿ ಕಾರ್ಯಾಚರಣೆ ನಡೆಸಿ, ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ..

ಅರಾರಿಯಾ (ಬಿಹಾರ) : ಪೊಲೀಸರು ಮತ್ತು ಎಸ್‌ಎಸ್‌ಬಿ ಸಿಬ್ಬಂದಿ ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಭಾರತ-ನೇಪಾಳ ಗಡಿ ಬಳಿ ಹವಾಲಾ ವ್ಯಾಪಾರಿಯೊಬ್ಬನನ್ನು ಬಂಧಿಸಲಾಗಿದೆ.

ಬಿಹಾರದ ಅರಾರಿಯಾ ಜಿಲ್ಲೆಯಲ್ಲಿರುವ ಭಾರತ-ನೇಪಾಳ ಗಡಿ ಪ್ರದೇಶವಾದ ಜೋಗಬಾನಿ ಎಂಬಲ್ಲಿ ಲಕ್ಷ್ಮಣ್ ಕುಮಾರ್ ಸಾಹ್ (29) ಎಂಬ ಹವಾಲಾ ವ್ಯಾಪಾರಿಯನ್ನು ಅರೆಸ್ಟ್ ಮಾಡಲಾಗಿದೆ. ಆತನಿಂದ 12 ಲಕ್ಷ ರೂ. ನಗದು ಹಾಗೂ ನೇಪಾಳದ ನಂಬರ್​ ಪ್ಲೇಟ್​ವುಳ್ಳ ಒಂದು ಬೈಕ್ ಅನ್ನು ವಶಪಡಿಸಿಕೊಳ್ಳಲಾಗಿದೆ.

ಇದನ್ನೂ ಓದಿ: ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾದ ಮಾಲಿವುಡ್​ನ ಖ್ಯಾತ ನಟ

ಹವಾಲಾ ವ್ಯಾಪಾರಿಯೊಬ್ಬ ಅಪಾರ ಪ್ರಮಾಣದ ಹಣದೊಂದಿಗೆ ನೇಪಾಳಕ್ಕೆ ಹೋಗುತ್ತಿದ್ದಾನೆ ಎಂಬ ನಿಖರ ಮಾಹಿತಿ ತಿಳಿದು ಪೊಲೀಸರು ಮತ್ತು ಎಸ್‌ಎಸ್‌ಬಿ ಸಿಬ್ಬಂದಿ ಜಂಟಿ ಕಾರ್ಯಾಚರಣೆ ನಡೆಸಿ, ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಘಟನೆ ಬೆನ್ನಲ್ಲೇ ಗಡಿ ಭಾಗದ ಚೆಕ್‌ಪೋಸ್ಟ್​ಗಳಲ್ಲಿ ಹೆಚ್ಚುವರಿ ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ.