ಸೋನಿಪತ್(ಹರಿಯಾಣ): ಹೋಟೆಲ್ವೊಂದರಲ್ಲಿ ನಡೆಯುತ್ತಿದ್ದ ಹೈಟೆಕ್ ವೇಶ್ಯಾವಾಟಿಕೆ ದಂಧೆ ಮೇಲೆ ದಾಳಿ ನಡೆಸಿರುವ ಪೊಲೀಸರು 12 ವಿದೇಶಿ ಮಹಿಳೆಯರು ಹಾಗೂ ಮೂವರು ಹೋಟೆಲ್ ಮಾಲೀಕರ ಬಂಧನ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.
ದೆಹಲಿಯಿಂದ 50 ಕಿಲೋ ಮೀಟರ್ ದೂರದಲ್ಲಿರುವ ಹರಿಯಾಣದ ರಾಷ್ಟ್ರೀಯ ಹೆದ್ದಾರಿ 1ರ ಪಕ್ಕದಲ್ಲಿನ ಹೋಟೆಲ್ವೊಂದರಲ್ಲಿ ಈ ವೇಶ್ಯಾವಾಟಿಕೆ ದಂಧೆ ನಡೆಯುತ್ತಿತ್ತು. ದಾಳಿ ನಡೆಸಿದಾಗ ಮಹತ್ವದ ಮಾಹಿತಿ ತಿಳಿದು ಹೊರಬಿದ್ದಿದ್ದು, ಇದರಿಂದ ಇಡೀ ಪೊಲೀಸ್ ಇಲಾಖೆ ಆಶ್ಚರ್ಯಗೊಂಡಿದೆ. ಹರಿಯಾಣದ ಎಸ್ಟಿಎಫ್ನಲ್ಲಿ ಹೆಡ್ ಕಾನ್ಸ್ಟೇಬಲ್ ಆಗಿ ಸೇವೆ ಸಲ್ಲಿಸುತ್ತಿದ್ದ ವ್ಯಕ್ತಿಯೋರ್ವ ಇದರ ಕಿಂಗ್ಪಿನ್ ಎಂಬುದು ತಿಳಿದು ಬಂದಿದೆ. ಈಗಾಗಲೇ ಆತನ ಬಂಧನ ಮಾಡುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಲಭ್ಯವಾಗಿರುವ ಮಾಹಿತಿ ಪ್ರಕಾರ ಸೆಕ್ಷನ್ 370ರ ಅಡಿಯಲ್ಲಿ ಕಾನ್ಸ್ಟೇಬಲ್ ದೇವೇಂದ್ರ ಕುಮಾರ್ ವಿರುದ್ಧ ಪ್ರಕರಣ ದಾಖಲಾಗಿದ್ದು, ನ್ಯಾಯಾಂಗ ಬಂಧನಕ್ಕೊಳಪಡಿಸಲಾಗಿದೆ.ಡಿಎಸ್ಪಿ ಅಜೀತ್ ಸಿಂಗ್ ನೇತೃತ್ವದ ತಂಡ ಈ ಕಾರ್ಯಾಚರಣೆ ನಡೆಸಿದ್ದು, 12 ಮಹಿಳೆಯರು, ಮೂವರು ಮಾಲೀಕರ ಬಂಧನ ಮಾಡಿದೆ. ಬಂಧಿತ ಮಹಿಳೆಯರಲ್ಲಿ ಒಂಬತ್ತು ಮಂದಿ ದೆಹಲಿ ಹಾಗೂ ಮೂವರು ಉಜ್ಬೇಕಿಸ್ತಾನ್, ಟರ್ಕಿ ಮತ್ತು ರಷ್ಯಾ ಮೂಲದವರು ಎನ್ನಲಾಗಿದೆ.
