ಮುಂಬೈ(ಮಹಾರಾಷ್ಟ್ರ: ಹಿಜಾಬ್ ಧರಿಸಿ ವ್ಯಾಯಾಮ ಮಾಡಲು ಇಚ್ಛಿಸುವವರಿಗೆ ಇಲ್ಲೊಂದು ಮಹಿಳೆಯರ ತಂಡ ಜಿಮ್ ಓಪನ್ ಮಾಡಿದೆ. ಇಲ್ಲಿ ಮಹಿಳೆಯರಿಗೆ ವ್ಯಾಯಾಮದ ಜೊತೆನೇ ಹಿಜಾಬ್ ಸಂಪ್ರದಾಯಕ್ಕೆ ಬದ್ಧವಾಗಿರಲು ಸಹಾಯವನ್ನೂ ಮಾಡುತ್ತಿದ್ದಾರೆ.
ಹೌದು, ಇಲ್ಲಿನ ಮುಸ್ಲಿಂ ಪ್ರದೇಶವಾದ ಖಡಕ್‌ನಲ್ಲಿ ಮೂವರು ಮಹಿಳೆಯರು ಒಟ್ಟಾಗಿ ಸೇರಿ ಬಜೆಟ್ ಸ್ನೇಹಿ ಜಿಮ್ ಕೇಂದ್ರವನ್ನು ನಡೆಸುತ್ತಿದ್ದಾರೆ. ಈ ಪ್ರದೇಶದ ಮಹಿಳೆಯರಿಗೆ ತಮ್ಮ ಫಿಟ್‌ನೆಸ್ ಅಗತ್ಯಗಳನ್ನು ಪೂರೈಸುವುದರ ಜೊತೆಗೆ ಹಿಜಾಬ್ ಸಂಪ್ರದಾಯಕ್ಕೆ ಬದ್ಧವಾಗಿರಲು ಸಹಾಯ ಮಾಡುವುದು ಈ ಯುವತಿಯರ ಉದ್ದೇಶವಾಗಿದೆ.
ಸಮೀರಾ, ತಸ್ನೀಮ್ ಮತ್ತು ಕಲ್ಯಾಣಿ ಸೇರಿದಂತೆ ಮೂವರು ಮಹಿಳೆಯರು ಜಿಮ್ ಕೇಂದ್ರವನ್ನು ನಡೆಸುತ್ತಿದ್ದಾರೆ. ಜನನಿಬಿಡ ಪ್ರದೇಶದಲ್ಲಿ ಗೃಹಿಣಿಯರ ಫಿಟ್‌ನೆಸ್ ಮತ್ತು ಸುಧಾರಣೆಗಾಗಿ ಈ ಜಿಮ್ ತೆರೆಯುವ ಹಿಂದಿನ ಉದ್ದೇಶವಾಗಿದೆ. ಮುಸ್ಲಿಂ ಹೆಚ್ಚಾಗಿರುವ ಪ್ರದೇಶವಾಗಿರುವುದರಿಂದ ಮಹಿಳೆಯರು ಖಾಸಗಿಯಾಗಿರಲು ಬಯಸುತ್ತಾರೆ. ಈ ಜಿಮ್ ಮಹಿಳೆಯರಿಗೆ ಬಜೆಟ್ ಸ್ನೇಹಿವಾಗಿದ್ದು, ಈಗ ಈ ಜಿಮ್ನ ಸದಸ್ಯರ ಸಂಖ್ಯೆ 100 ಕ್ಕಿಂತ ಹೆಚ್ಚಾಗಿದೆ ಎಂಬುದು ಜಿಮ್ ಮಾಲೀಕರ ಮಾತಾಗಿದೆ.
ಮಹಿಳಾ ಸಬಲೀಕರಣಕ್ಕಾಗಿ ಕೆಲಸ ಮಾಡುವ ಅನೇಕ ಸರ್ಕಾರೇತರ ಸಂಸ್ಥೆಗಳೊಂದಿಗೆ ಸಮೀರಾ ಸಂಪರ್ಕ ಹೊಂದಿದ್ದಾರೆ. ಕೆಲವರು ಹಿಜಾಬ್ ತೆಗೆಯಲು ಇಚ್ಛಿಸುವುದಿಲ್ಲ. ಇನ್ನೂ ಕೆಲ ಮುಸ್ಲಿಂ ಮಹಿಳೆಯರು ಹಿಜಾಬ್ ಧರಿಸಿಕೊಂಡು ಜಿಮ್ ಮಾಡಲು ಇಚ್ಛಿಸುತ್ತಾರೆ. ಅವರು ಇಲ್ಲಿ ಯಾವುದೇ ಭಯವಿಲ್ಲದೇ ಹಿಜಾಬ್ ಧರಿಸಿಯೇ ವ್ಯಾಯಾಮ ಮಾಡಬಹುದಾಗಿದೆ. ಅಷ್ಟೇ ಅಲ್ಲ, ಇಲ್ಲಿ ಜಿಮ್ ಮಾಡುವ ಮಹಿಳೆಯರಿಗೆ ಕಡಿಮೆ ಶುಲ್ಕ ವಿಧಿಸಲಾಗಿದೆ. ಹೀಗಾಗಿ ನಗರದ ಮಹಿಳೆಯರು ಸಹ ವ್ಯಾಯಾಮ ಮಾಡಲು ಇಚ್ಛಿಸುತ್ತಾರೆ ಎಂದು ಸಮೀರಾ ಹೇಳುತ್ತಾರೆ.
ಮುಂಬೈನ ಈ ನಗರದ ಮುಸ್ಲಿಂ ಪ್ರದೇಶಗಳು ಬಡತನದ ತೆಕ್ಕೆಯಲ್ಲಿ ಸಿಲುಕಿಕೊಂಡಿವೆ. ಇವರು ವೈದ್ಯಕೀಯ ಸೌಲಭ್ಯಗಳು ಮತ್ತು ಮೂಲ ಸೌಕರ್ಯಗಳಿಂದ ವಂಚಿತರಾಗಿದ್ದಾರೆ ಎನ್ನಲಾಗ್ತಿದೆ.
ಓದಿ: ಜಿಮ್ನಲ್ಲಿ ಬಳಸುವ ಪ್ರೋಟೀನ್ ಪೌಡರ್ ಬಗ್ಗೆ ಪ್ರತಿಧ್ವನಿ: ಕ್ರಮಕ್ಕೆ ಶಾಸಕ ಒತ್ತಾಯ, ಸಮಗ್ರ ತನಿಖೆ ಎಂದ ಸಚಿವರು
