ಅಹಮದಾಬಾದ್, ಗುಜರಾತ್: ಎಲ್ಲಾ ಶಿಕ್ಷಣ ಸಂಸ್ಥೆಗಳು, ಕೊರೊನಾ ಸಾಂಕ್ರಾಮಿಕದ ಕಾರಣದಿಂದ ತಮ್ಮ ಶೈಕ್ಷಣಿಕ ಚಟುವಟಿಕೆಗಳನ್ನು ಮೊಟಕುಗೊಳಿಸಿವೆ. ಆದರೆ ಕೆಲವೊಂದು ಶೈಕ್ಷಣಿಕ ಸಂಸ್ಥೆಗಳು ತಮ್ಮ ವಿದ್ಯಾರ್ಥಿಗಳ ಶ್ರೇಯೋಭಿವೃದ್ದಿಗೆ ಚಿಂತಿಸುತ್ತವೆ. ಅಂತಹ ಶೈಕ್ಷಣಿಕ ಸಂಸ್ಥೆಯ ಪಟ್ಟಿಗೆ ಸೇರುತ್ತದೆ.
ಹೌದು, ಅಹಮದಾಬಾದ್ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ (ಐಐಎಂ) ಎಲ್ಲಾ ವರ್ಷಗಳಂತೆ ಈ ವರ್ಷವೂ ಕೂಡಾ ಕ್ಯಾಂಪಸ್ ಸೆಲೆಕ್ಷನ್ ನಡೆಸಿದ್ದು, ಕೊರೊನಾ ವೇಳೆಯಲ್ಲಿ ಸುಮಾರು 450ಕ್ಕೂ ಹೆಚ್ಚು ಮಂದಿಗೆ ಕೆಲಸ ಹುಡುಕಿಕೊಳ್ಳಲು ಸಹಕರಿಸಿದೆ.
ಕೋವಿಡ್ ಇದ್ದ ಕಾರಣದಿಂದ ಆನ್ಲೈನ್ ಮೂಲಕ ಕ್ಯಾಂಪಸ್ ಸೆಲೆಕ್ಷನ್ನ ಸಂದರ್ಶನಗಳು ನಡೆದಿದ್ದು, ಕೊರೊನಾ ವೇಳೆಯಲ್ಲಿ ಐದಕ್ಕೂ ಹೆಚ್ಚು ಆನ್ಲೈನ್ ಸಂದರ್ಶನಗಳನ್ನು ಏರ್ಪಡಿಸಿ, ಕ್ಯಾಂಪಸ್ ಸೆಲೆಕ್ಷನ್ ಪ್ರಕ್ರಿಯೆಯನ್ನು ಯಶಸ್ವಿಯಾಗಿ ಮುಗಿಸಿದೆ.
ವಿದ್ಯಾರ್ಥಿಗಳಿಗೆ 9 ಲಕ್ಷದಿಂದ 10 ಲಕ್ಷದವರೆಗೆ ಪ್ಯಾಕೇಜ್
ಅಹಮದಾಬಾದ್ನ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ ಇದೇ ಮೊದಲ ಬಾರಿಗೆ ಆನ್ಲೈನ್ ಕ್ಯಾಂಪಸ್ ಸೆಲೆಕ್ಷನ್ ನಡೆಸಿದ್ದು, ದೇಶದೊಳಗಿನ ಮತ್ತು ವಿದೇಶದ ಸುಮಾರು 39 ಕಂಪನಿಗಳು ಭಾಗವಹಿಸಿದ್ದವು. ಇದರಲ್ಲಿ 47 ಮಂದಿಗೆ ಉದ್ಯೋಗ ದೊರಕಿತು.
ಇದನ್ನೂ ಓದಿ: ಕ್ರೂರಾತಿಕ್ರೂರ.. ಮೊಬೈಲ್ ಕಳ್ಳತನ ಮಾಡಲು ವ್ಯಕ್ತಿಯನ್ನು ರಸ್ತೆಯಲ್ಲಿ ಎಳೆದೊಯ್ದರು..!
ಎಂಬಿಎ ವಿದ್ಯಾರ್ಥಿಗಳಿಗೂ ಪ್ರತ್ಯೇಕ ಕ್ಯಾಂಪಸ್ ಸೆಲೆಕ್ಷನ್ ಹಮ್ಮಿಕೊಳ್ಳಲಾಗಿದ್ದು, ಈ ಪ್ರಕ್ರಿಯೆಯಲ್ಲಿ ಸುಮಾರು 25 ವಿದೇಶಿ ಕಂಪನಿಗಳು ಸೇರಿದಂತೆ, ಒಟ್ಟು50 ಕಂಪನಿಗಳು ಪಾಲ್ಗೊಂಡಿದ್ದವು. ಉದ್ಯೋಗ ಪಡೆದುಕೊಂಡ ಬಹುತೇಕರಿಗೆ ವಾರ್ಷಿಕ 9ರಿಂದ 10 ಲಕ್ಷ ರೂಪಾಯಿ ವೇತನ ನಿಗದಿ ಮಾಡಿರುವುದಾಗಿ ತಿಳಿದುಬಂದಿದೆ.
