ಕೊರೊನಾ ರೂಪಾಂತರಿ 'ಒಮಿಕ್ರಾನ್'​ ಆಕ್ರಮಣಕಾರಿಯೇ?.. ವೈರಸ್​ನಿಂದ ತಪ್ಪಿಸಿಕೊಳ್ಳಲು ಏನು ಮಾಡಬೇಕು?

ಒಮಿಕ್ರಾನ್​ SARS-CoV-2ನ ಹೊಸ ರೂಪಾಂತರವಾಗಿದೆ. ಇದು ದಕ್ಷಿಣ ಆಫ್ರಿಕಾದಲ್ಲಿ 2021ರ ನವೆಂಬರ್ 24ರಂದು ಪತ್ತೆ ಹಚ್ಚಲಾಯಿತು. ಈ ರೂಪಾಂತರವು ವೈರಲ್ ಸ್ಪೈಕ್ ಪ್ರೋಟೀನ್‌ 30ಕ್ಕಿಂತ ಹೆಚ್ಚಿನದಾಗಿವೆ..

ದಕ್ಷಿಣ ಆಫ್ರಿಕಾದಲ್ಲಿ ಮೊಟ್ಟ ಮೊದಲ ಬಾರಿಗೆ ಕಾಣಿಸಿಕೊಂಡ ಕೊರೊನಾ ಹೊಸ ರೂಪಾಂತರಿ ತಳಿ 'ಒಮಿಕ್ರಾನ್​' ವಿಶ್ವದೆಲ್ಲೆಡೆ ಭಾರೀ ಆತಂಕ ಸೃಷ್ಟಿಸಿದೆ. ಆಕ್ರಮಣಕಾರಿ ತಳಿ ಎಂದೇ ಹೇಳಲಾಗುವ ಈ ರೂಪಾಂತರಿ ಭಾರತಕ್ಕೂ ಕರ್ನಾಟಕದ ಮೂಲಕ ಲಗ್ಗೆ ಇಟ್ಟಿದೆ. ಕೊರೊನಾ ಈಗಾಗಲೇ ಆಲ್ಫಾ, ಬೀಟಾ, ಡೆಲ್ಟಾ ಸೇರಿದಂತೆ ವಿವಿಧ ಹೆಸರಿನಲ್ಲಿ ರೂಪಾಂತರ ಪಡೆಡಿವೆ. ಇದೀಗ ಒಮಿಕ್ರಾನ್​ನ ಸರದಿಯಾಗಿದೆ.

ಹಾಗಾದರೆ, ರೂಪಾಂತರಿ ಒಮಿಕ್ರಾನ್​ ಎಷ್ಟು ಪರಿಣಾಮಕಾರಿ, ಅದನ್ನು ತಡೆಗಟ್ಟುವ ಮತ್ತು ಮುನ್ನೆಚ್ಚರಿಕೆ ವಹಿಸುವ ಕ್ರಮಗಳನ್ನು ತಿಳಿದುಕೊಳ್ಳೋಣ.

ಒಮಿಕ್ರಾನ್​ ಉಗಮ ಸ್ಥಾನ ದಕ್ಷಿಣ ಆಫ್ರಿಕಾ

ಒಮಿಕ್ರಾನ್​ SARS-CoV-2ನ ಹೊಸ ರೂಪಾಂತರವಾಗಿದೆ. ಇದನ್ನ ದಕ್ಷಿಣ ಆಫ್ರಿಕಾದಲ್ಲಿ 2021ರ ನವೆಂಬರ್ 24ರಂದು ಪತ್ತೆ ಹಚ್ಚಲಾಯಿತು. ಈ ರೂಪಾಂತರವು ವೈರಲ್ ಸ್ಪೈಕ್ ಪ್ರೋಟೀನ್‌ 30ಕ್ಕಿಂತ ಹೆಚ್ಚಿನದಾಗಿದೆ. ಇದು ಪ್ರತಿರಕ್ಷಣಾ ಕಾಯಗಳನ್ನು ಹೆಚ್ಚಾಗಿ ಹೊಂದಿದೆ. ಈ ತಳಿಯ ದಾಳಿಯಿಂದ ದಕ್ಷಿಣ ಆಫ್ರಿಕಾದಲ್ಲಿ ಸೋಂಕಿತರ ಸಂಖ್ಯೆ ಏಕಾಏಕಿ ಹೆಚ್ಚಿದೆ. ಇದರಿಂದ ಒಮಿಕ್ರಾನ್​ ವೈರಸ್​ ಆಕ್ರಮಣಕಾರಿ ಮತ್ತು ಅಪಾಯಕಾರಿ ಎಂದು ವಿಶ್ವಸಂಸ್ಥೆ ಘೋಷಿಸಿದೆ.

ಈಗಿನ ಟೆಸ್ಟ್​ಗಳಿಂದ ಒಮಿಕ್ರಾನ್​ ಪತ್ತೆ ಸಾಧ್ಯವೇ?

ಕೊರೋನಾದ ನಿಖರತೆಯನ್ನು ಪತ್ತೆಹಚ್ಚಲು ದೇಶದಲ್ಲಿ ಪ್ರಸ್ತುತ RT-PCR ವಿಧಾನವನ್ನು ಬಳಸಲಾಗುತ್ತಿದೆ. ಈ ವಿಧಾನದಿಂದ ಒಮಿಕ್ರಾನ್​ ಅನ್ನು ಪತ್ತೆ ಹಚ್ಚಬಹುದು ಎಂದು ಹೇಳಲಾಗುತ್ತದೆ. ಒಮಿಕ್ರಾನ್​ ಸ್ಪೈಕ್​ ಪ್ರೋಟಿನ್​ ಅಂಶಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಹೊಂದಿರುವುದರಿಂದ ಅದರ ನಿಖರತೆ ತಿಳಿಯಲು ಜಿನೋಮಿಲ್​ ಸೀಕ್ವೆನ್ಸಿ ಟೆಸ್ಟ್​ ಅಗತ್ಯವಾಗಿದೆ.

ಒಮಿಕ್ರಾನ್​ನಿಂದ ರಕ್ಷಣೆ ಪಡೆಯಲು ವಿಶೇಷ ಕಸರತ್ತಿನ ಅಗತ್ಯವಿಲ್ಲ ಎಂದು ತಜ್ಱರು ಹೇಳುತ್ತಾರೆ. ಆದರೆ, ಮಾಸ್ಕ್​ ಧಾರಣೆ, ಕಡ್ಡಾಯ ಲಸಿಕೆ, ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದು ಅತ್ಯಗತ್ಯ ಎಂಬುದು ತಜ್ಱರ ಸಲಹೆಯಾಗಿದೆ.

ಮೂರನೇ ಅಲೆ ಎಬ್ಬಿಸಲಿದೆಯಾ ಒಮಿಕ್ರಾನ್​?

ದಕ್ಷಿಣ ಆಫ್ರಿಕಾ ಸೇರಿದಂತೆ ವಿವಿಧ ದೇಶಗಳಲ್ಲಿ ಒಮಿಕ್ರಾನ್ ಪ್ರಕರಣ ಹೆಚ್ಚಾಗಿ ವರದಿಯಾಗುತ್ತಿವೆ. ಭಾರತಕ್ಕೂ ಅದು ಅಡಿ ಇಟ್ಟಿದೆ. ಆದರೆ, ಒಮಿಕ್ರಾನ್​ ಯಾವ ಪ್ರಮಾಣದಲ್ಲಿ ಹಬ್ಬಲಿದೆ, ಇದರ ತೀವ್ರತೆ ಏನು ಎಂಬುದರ ಬಗ್ಗೆ ನಿಖರ ಮಾಹಿತಿ ತಿಳಿದು ಬಂದಿಲ್ಲ. ಲಸಿಕಾಕರಣದ ವೇಗವನ್ನು ಇನ್ನಷ್ಟು ಹೆಚ್ಚಿಸಿದರೆ ಸೋಂಕು ಹರಡುವ ತೀವ್ರತೆಗೆ ತಡೆ ಹಾಕಬಹುದು ಎಂದು ನಿರೀಕ್ಷಿಸಲಾಗಿದೆ. ಈ ಬಗ್ಗೆ ವೈಜ್ಞಾನಿಕ ಅಧ್ಯಯನಗಳು ನಡೆಯುತ್ತಿವೆ.

ಈಗಿನ ಲಸಿಕೆಗಳು ಒಮಿಕ್ರಾನ್​ಗೆ ರಾಮಬಾಣವೇ?

ಕೊರೊನಾ ನಿರ್ನಾಮಕ್ಕೆ ಪ್ರಸ್ತುತ ನೀಡಲಾಗುತ್ತಿರುವ ಲಸಿಕೆಗಳು ಒಮಿಕ್ರಾನ್​ ತಡೆಯುತ್ತವೆಯಾ ಎಂಬುದರ ಬಗ್ಗೆ ವೈಜ್ಞಾನಿಕ ತಳಹದಿಯಲ್ಲಿ ಪರೀಕ್ಷೆ ನಡೆಸಲಾಗುತ್ತಿದೆ. ಈಗಿನ ಲಸಿಕೆಗಳಲ್ಲಿನ ಪ್ರತಿಕಾಯಗಳು ಒಮಿಕ್ರಾನ್​ ವಿರುದ್ಧ ಹೋರಾಡುತ್ತವೆ ಎಂದು ಹೇಳಲಾಗುತ್ತಿದೆ. ಹೀಗಾಗಿ, ಲಸಿಕಾಕರಣವನ್ನು ಇನ್ನಷ್ಟು ತೀವ್ರಗೊಳಿಸುವಂತೆ ಸರ್ಕಾರಗಳು ಸೂಚಿಸಿವೆ.