ಮದ್ಯ ಸಿಗದೇ, ಸ್ಯಾನಿಟೈಸರ್ ಸೇವನೆ: ಸಾವಿನ ಸಂಖ್ಯೆ ಏಳಕ್ಕೆ ಏರಿಕೆ!

ಮದ್ಯ ಸಿಗದೇ, ಸ್ಯಾನಿಟೈಸರ್ ಸೇವಿಸಿ ಏಳು ಜನ ಪ್ರಾಣ ಕಳೆದುಕೊಂಡಿರುವ ಘಟನೆ ಮಹಾರಾಷ್ಟ್ರದ ಯವತ್ಮಾಲ್ ಜಿಲ್ಲೆಯ ವಾಣಿ ಗ್ರಾಮದಲ್ಲಿ ನಡೆದಿದೆ.

ಯವತ್ಮಾಲ್​​ (ಮಹಾರಾಷ್ಟ್ರ): ಮಹಾರಾಷ್ಟ್ರದಲ್ಲಿ ಲಾಕ್​ಡೌನ್ ಕಾರಣ ಮದ್ಯದಂಗಡಿಗಳನ್ನು ಮುಚ್ಚಲಾಗಿದ್ದು, ಮದ್ಯ ಮಾರಾಟವನ್ನು ಸ್ಥಗಿತಗೊಳಿಸಲಾಗಿದೆ.

ಆದರೆ ಮದ್ಯ ಸಿಗದೇ, ಸ್ಯಾನಿಟೈಸರ್ ಸೇವಿಸಿ ಏಳು ಜನ ಪ್ರಾಣ ಕಳೆದುಕೊಂಡಿರುವ ಘಟನೆ ಯವತ್ಮಾಲ್​ ಜಿಲ್ಲೆಯ ವಾಣಿ ಗ್ರಾಮದಲ್ಲಿ ನಡೆದಿದೆ.

ಮೃತರಲ್ಲಿ ಏಳು ಜನರ ಗುರುತು ಪತ್ತೆಯಾಗಿದ್ದು, ದತ್ತಾ ಲಂಜೆವಾರ್, ನೂತನ್ ಪಥರ್ತ್ಕರ್, ಗಣೇಶ್ ಶೇಲಾರ್, ಸಂತೋಷ್ ಮೆಹರ್, ಸುನಿಲ್ ಧಂಗೆ ಎಂದು ಗುರುತಿಸಲಾಗಿದೆ. ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.